Դաշտ (Արմավիրի մարզ)

Դաշտ
Գյուղ
	Դաշտ
	40°13′41″N 44°18′4″E / 40.22806°N 44.30111°E
Երկիր	Հայաստան
Մարզ	Արմավիրի մարզ
Շրջան	Վաղարշապատի տարծաշրջան
Համայնք	Արմավիրի մարզ
Գյուղապետ	Սերոժ Գևորգյան
Հիմնադրված է	1926 թ.
Մակերես	3 կմ²
ԲԾՄ	945 մետր
Կլիմայի տեսակ	չոր ցամաքային
Պաշտոնական լեզու	Հայերեն
Բնակչություն	▲780 մարդ (2011)
Ազգային կազմ	Հայեր
Կրոնական կազմ	Հայ Առաքելական եկեղեցի
Տեղաբնականուն	դաշտեցի
Ժամային գոտի	UTC+4
Հեռախոսային կոդ	+374 (231)
Փոստային ինդեքս	1127
	Դաշտ (Արմավիրի մարզ) (Հայաստան)
	Error: Must specify an image in the first line.

Անվան այլ կիրառումների համար տե՛ս՝ Դաշտ (այլ կիրառումներ)

Դաշտ, գյուղ Հայաստանի Արմավիրի մարզի Վաղարշապատի տարածաշրջանում, Վաղարշապատ քաղաքից մոտ 5 կմ հյուսիս։

Աշխարհագրություն

Հեռավորությունը Վաղարշապատից՝ 6 կմ, մարզկենտրոնից 27 կմ հեռավորության վրա։ Գյուղը հիմնադրվել է 1926 թ-ին Օշականի հանդամասում և ունեցել է Փոքր Օշական անվանումը։ Գյուղի շրջակայքում են գտնվում տեղացիների կողմից «Արդար Դավիթ» կոչված կիկլոպյան ամրոցի ավերակները՝ մ.թ.ա. 2-1 հազարամյակ։ Գյուղը տեղադրված է Միջինարաքսյան հարթավայրում՝ ծովի մակարդակից 945 մ բարձրության վրա։ Կլիման չոր խիստ ցամաքային է։ Ձմեռները սկսվում են դեկտեմբերի կեսերին, հունվարյան միջին ջերմաստիճանը տատանվում է -3-ից -5 °C։ Ամառը տևական է՝ մայիսից մինչև հոկտեմբեր, օդի միջին ամսական ջերմությունը հասնում է 24-ից 26 °C, իսկ առավելագույնը՝ 42 °C։ Հաճախ լինում են խորշակներ, որոնք զգալի վնաս են հասցնում գյուղատնտեսությանը։ Մթնոլորտային տարեկան տեղումների քանակը 250-300 մմ է։ Բնական լանդշաֆտները կիսանապատներ են, որոնք ոռոգման ընթացքում վեր են ածվել կուլտուր-ոռոգելի լանդշաֆտի։ Ագրոկլիմայական տեսակետից համայնքն ընկած է բացարձակ ոռոգման գոտում։ Հարուստ է արտեզյան ջրերով, որոնք օգտագործվում են որպես խմելու ջուր։

Բնակչություն

Ըստ Հայաստանի 2011 թ. մարդահամարի արդյունքների՝ Դաշտի մշտական բնակչությունը կազմել է 780, առկա բնակչությունը՝ 935 մարդ^[5]։ Գյուղի բնակչության նախնիների հիմնական մասը տեղափոխվել է Օշականից։ Դաշտի բնակչության փոփոխությունը ժամանակի ընթացքում՝ ստորև.

Տարի	Բնակչություն
1926	40	^[6]
1939	228	^[6]
1959	394	^[6]
1970	500	^[6]
1979	497	^[6]
1989	634	^[7]
2001	723	^[6]
2011	780	^[2]

Ըստ ազգային վիճակագրական ծառայության տվյալների 2005 թ-ին տղամարդիկ կազմում են 48%, կանայք՝ 52%։ Ըստ տարիքային կազմի բնակչությունը բաշխված է հետևյալ կերպ. մինչաշխատունակներ՝ 18%, աշխատունակներ՝ 68%, հետաշխատունակներ՝ 14%։

Տնտեսություն

Գյուղն ունի 349 առկա տնտեսություն։ Ունի դպրոց, գրադարան, բուժկետ, կապի հանգույց։ Գյուղատնտեսական հողահանդակները ոռոգվում են Արմավիրի ջրանցքի ջրերով։ Գյուղատնտեսական հողահանդակներում մեծ բաժին ունեն վարելահողերը (79 հա), պտղատու (19 հա) և խաղողի այգիները (12 հա)։ Պետական հողերը գլխավորապես օգտագործվում են որպես արոտավայրեր, կազմելով 45 հա։ Զբաղվում են պտղաբուծությամբ, բանջարաբուծությամբ, այգեգործությամբ, թռչնաբուծությամբ, խոշոր եղջերավոր անասնապահությամբ։

Համայնքի հիմանխնդիրներ

Համայնքի հիմնախնդիրների մեջ գլխավորը ոռոգման ջրի հարցն է և ոռոգման, խմելու ջրի ջրագծերի, գյուղամիջյան ճանապարհների վերանորոգումը, դպրոցաշինության հարցը։ Կարևորվում է նաև գյուղտտնտեսական մթերքների իրացումը։

Տես նաև

Դաշտի պատմության և մշակույթի անշարժ հուշարձանների ցանկ (Արմավիրի մարզ)

Ծանոթագրություններ

Արտաքին հղումներ

Էջը Արմավիրի մարզպետարանի կայքում(չաշխատող հղում)
Համայնքի ղեկավարի Էջը Արմավիրի մարզպետարանի կայքում(չաշխատող հղում)

[_d6ee172491b8d283-1] ttps://web.archive.org/web/20200209151002/https://www.cadastre.am/storage/files/pages/pg_8945925618_pg_907871769_HH_bnak._bar..pdf

[_d8ade55dc9466e1e-2] 1 2 Հայաստանի 2011 թ. մարդահամարի արդյունքները (հայ.)

[3] ՀՀ մարզերի կոդեր

[4] Code database of Armenia, Արմավիր

[census2011-5] 2023 թ Հայաստանի մարդահամարի արդյունքները

[_2f851511682cb372-6] 1 2 3 4 5 6 Հայաստանի բնակավայրերի բառարան (հայ.) — Երևան: 2008. — 184 p.

[_983ca2dd38739669-7] Հակոբյան Թ., Մելիք-Բախշյան Ս., Բարսեղյան Հ. Հայաստանի և հարակից շրջանների տեղանունների բառարան (հայ.) — Երևանի համալսարանի հրատարակչություն, 1986. — հատոր 5. — էջ 651. — 4696 p.

[1]

[2]

[3]

[4]

[5]

[6]

[7]