Ըստ Հայաստանի 2011 թ. մարդահամարի արդյունքների՝ Տանձուտի մշտական բնակչությունը կազմել է 1735, առկա բնակչությունը՝ 1709 մարդ[5]։
Բնակիչների մի մասի նախնիները գաղթել են Կարսի և Մուշի գյուղերից, իսկ մի մասն էլ հայրենադարձվել Իրանից։ Կան նաև Բերդի, Թալինի, Մարալիկի տարածաշրջաններից եկած վերաբնակիչներ[4]։
Տանձուտի բնակչության փոփոխությունը ժամանակի ընթացքում` ստորև.
Տանձուտ գյուղում գործում է Ս. Սահակ եկեղեցին, որը կառուցվել է 1912 թ. Տանձուտ գյուղի բնակիչների ջանքերով։ Աստվածամերժության տարիներին մոտ 1937 թ. մինչև 1990-ականները եկեղեցին վերածվեց պահեստի։ Այնուհետև 1996 թ. Գարեգին Ա Ամենայն Հայոց Կաթողիկոսի կարգադրությամբ ու օրհնությամբ եկեղեցին վերաբացվում և վերաօծվում է։ 1997 թ. եկեղեցու վերակառուցումը հանձն է առնում Ամերիկահայ բարերար Մարգար Սահմանյանը, Նյու Ջերսիից։ Եկեղեցին վերաօծվում է 1997 թ. նոյեմբերի 6-ին Տ. Ասողիկ եպս. Արիստակեսյանի ձեռամբ[9]։
Անվան այլ կիրառումների համար տե՛ս՝ Տանձուտ (այլ կիրառումներ)
Հայաստան
Հայ Առաքելական եկեղեցի
