Ալեքսանդր III-ի ձիարձան (Ֆաբերժեի ձու)
| Ալեքսանդր III-ի ձիարձան | |
|---|---|
 | |
| Ստեղծման թնական | 1910 |
| Պատվիրատու | Նիկոլայ II |
| Ներկա սեփականատեր | |
| Սեփականատեր | Մարիա Ֆյոդորովնա և Մոսկվայի Կրեմլ (թանգարան-արգելոց) |
| Հավաքածու | Մոսկվայի Կրեմլ (թանգարան-արգելոց) |
| Դիզայն և նյութեր | |
| Նյութեր | Լեռնային բյուրեղապակի, պլատին, ալմաստ, Լաջվարդ և ոսկի |
| Բարձրություն | 15,5 սանտիմետր |
| Ֆաբերժեի ձվեր | |
«Ալեքսանդր III-ի ձիարձան» (ռուս.՝ Конный памятник Александру III), ոսկերչական ձու, որը դարձավ Ֆաբերժեի 52 զատկական ձվերից մեկը՝ պատրաստված Կարլ Ֆաբերժեի ընկերությունում Ռուսաստանի կայսերական ընտանիքի համար։ Այն ստեղծվել է 1910 թվականին[1] Նիկոլայ II կայսեր պատվերով[2]։ Ոսկերչական ձուն Նիկոլայը Զատկի տոնին նվիրել է մորը՝ այրիացած կայսրուհի Մարիա Ֆեոդորովնային[3]։
Այսօր «Ալեքսանդր III-ի ձիարձան» կայսերական ոսկերչական ձուն պահպանվում և ցուցադրվում է Կրեմլի զինապալատում[4] (Մոսկվա, Ռուսաստանի Դաշնություն) և համարվում է այն բացառիկ ձվերից, որոնք երբեք չեն լքել Ռուսաստանի սահմանները։
Դիզայն
[խմբագրել | խմբագրել կոդը]«Ալեքսանդր III-ի ձիարձան» կայսերական ոսկերչական ձուն պատրաստված է Վերածննդի ավանդույթներով[5]։ Այն պատրաստված է լեռնային բյուրեղապակուց[2], որի վրա արված են փորագրություններ՝ ստեղծելով շրջանակի տեսք, որ արտահայտիչ դառնա ներսում տեղադրված անակնկալի դիտումը։ Ձվի վերին հատվածն իրենից ներկայացնում է ադամանդակուռ ցանցկեն ճաղավանդակ։ Գագաթին մեծ ադամանդ է, որի տակ գրված է ստեղծման տարեթիվը՝ «1910»[3]: Ձվի կողային հատվածներում տեղադրված են երկու պլատինե նեցուկ՝ հերալդիկական երկգլխանիկ թագակիր արծիվներով, որոնք ադամանդակուռ են[6]։ Հնգանկյուն տակդիրը փորագիր բյուրեղապակուց է, որի անկյուներում պլատինե հրեշտակներ են տեղադրված, որոնք իրենց վրա են պահում ձուն[5]։
Անակնկալ
[խմբագրել | խմբագրել կոդը]«Ալեքսանդր III-ի ձիարձան» կայսերական ոսկերչական ձվի անակնկալը Ալեքսանդր III կայսեր ձիարձանն[7] է՝ տեղադրված ուղղանկյուն պատվանդանին, որը պատրաստված է լազուրիտից և երկու շերտով եզրավորված է ադամանդե գոտիներով[8]։ Ձիարձանը ոսկեձույլ է։ Այն Սանկտ Պետերբուրգում տեղադրված արձանի[6] մանրակերտն է[9][10][11][12]։
Պատմություն
[խմբագրել | խմբագրել կոդը]Նիկոլայ II կայսրը «Ալեքսանդր III-ի ձիարձան» կայսերական ոսկերչական ձուն նվիրել է մորը՝ Մարիա Ֆեոդորովնային՝ 1910 թվականին՝ Զատկի տոնին[8]։ Ձվի արժեքը կազմել է 14700 ռուբլի[9]։
1917 թվականի Ռուսական հեղափոխության ժամանակ հեղափոխականները հափշտակեցին կայսերական ձվերի հավաքածուն և ուղարկեցին Կրեմլի զինապալատ։ Այդ օրվանից ցայսօր «Ալեքսանդր III-ի ձիարձան» ոսկերչական ձուն պահպանվում և ցուցադրվում է Կրեմլի զինապալատում և համարվում է այն հազվագյուտ ձվերից, որոնք երբեք չեն լքել Ռուսաստանի սահմանները[4]։
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ «Արխիվացված պատճենը». www.webcitation.org. Արխիվացված է օրիգինալից 2013 թ․ նոյեմբերի 11-ին. Վերցված է 2019 թ․ փետրվարի 7-ին.
- ↑ 2,0 2,1 «Яйцо Памятник Александру III Фаберже 1910». faberge-eggs.info. Արխիվացված է օրիգինալից 2017 թ․ օգոստոսի 2-ին. Վերցված է 2019 թ․ փետրվարի 7-ին.
- ↑ 3,0 3,1 «Mieks Fabergé Eggs». www.wintraecken.nl. Վերցված է 2019 թ․ փետրվարի 7-ին.
- ↑ 4,0 4,1 «Пасхальное яйцо с памятником Александру III». www.kreml.ru (ռուսերեն). Վերցված է 2019 թ․ փետրվարի 7-ին.
- ↑ 5,0 5,1 «Fabergé Research Site | Eggs - Fabergé Imperial Egg Chronology». Fabergé Research Site (ամերիկյան անգլերեն). Վերցված է 2019 թ․ փետրվարի 7-ին.
- ↑ 6,0 6,1 «Яйцо с памятником Александру III - яйцо Фаберже». eggs.zhukovich.ru. Վերցված է 2019 թ․ փետրվարի 7-ին.
- ↑ «Пасхальные яйца ФАБЕРЖЕ | Волшебная сила искусства». maxpark.com. Վերցված է 2019 թ․ փետրվարի 7-ին.
- ↑ 8,0 8,1 «Matt & Andrej Koymasky - Fabergé Equestrian Egg». andrejkoymasky.com. Վերցված է 2019 թ․ փետրվարի 7-ին.
- ↑ 9,0 9,1 Мунтян, 2000, էջ 48
- ↑ Перевышко, Фаберже, Скурлов, 2005, էջ 59
- ↑ Мунтян, 2000, էջ 14
- ↑ Мунтян, Пешехонова, Гамзатова, 2001, էջ 18
Գրականություն
[խմբագրել | խմբագրել կոդը]- Перевышко А. И., Фаберже Т. Ф., Скурлов В. В. Петербург Карла Фаберже. — СПб.: Лики России, 2005. — 150 с.
- Мунтян Т. Н., Пешехонова Л. Н., Гамзатова П. Р. Алмазы России. XX век. — Государственный историко-культурный музей-заповедник «Московский Кремль». — М.: ЮТэ-Дизайн, 2001. — 127 с. — ISBN 5-901601-01-7
- Мунтян Т. Н. Фаберже. Великие ювелиры России. — Государственный историко-культурный музей-заповедник «Московский Кремль». — М.: Красная площадь, 2000. — 207 с. — ISBN 5-900743-54-3
- Toby Faber Fabergé's Eggs: The Extraordinary Story of the Masterpieces That Outlived an Empire / Random House. — 2008. — ISBN 978-1-58836-707-5
- Christopher Forbes, Johann Georg Prinz von Hohenzollern Fabergé, the imperial eggs / Prestel. — 1990. — ISBN 978-0-937108-09-3
- Will Lowes, Christel Ludewig McCanless Fabergé Eggs: A Retrospective Encyclopedia / Scarecrow Press. — 2001. — ISBN 0-8108-3946-6
- Abraham Kenneth Snowman Carl Faberge: Goldsmith to the Imperial Court of Russia / Gramercy. — 1988. — ISBN 0-517-40502-4
Արտաքին հղումներ
[խմբագրել | խմբագրել կոդը]- «Яйцо с моделью памятника Александру III, 1910» (ռուսերեն). Государственный музей Московского кремля. Վերցված է 2.9.2011-ին.
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ալեքսանդր III-ի ձիարձան (Ֆաբերժեի ձու) կատեգորիայում։ |
