Անիկետոս (Հռոմի պապ)
| Անիկետոս
հին հունարեն՝ Ανίκητος
| |
| Մասնագիտություն | կաթոլիկ քահանա |
|---|---|
| Ծնունդ | 1-ին դար Հոմս, Սիրիա |
| Մահ | 168[1], ոչ վաղ քան 165 և ոչ ուշ քան 166 կամ մոտ 166[2] Հռոմ, Հռոմեական կայսրություն |
Անիկետոս (լատիներեն՝ Anicetus, 1-ին դար, Հոմս, Սիրիա - 168[1], ոչ վաղ քան 165 և ոչ ուշ քան 166 կամ մոտ 166[2], Հռոմ, Հռոմեական կայսրություն), Հռոմի պապ, ով գլխավորել է Հռոմի Կաթոլիկ եկեղեցին 157-168 թվականներին[3]։ Ըստ «Annuario Pontificio» տեղեկագրքի նրա պապության սկիզբն է համարվում 153 թվականը։ Անիկետոս անունը հունարեն նշանակում է «անհաղթելի» (ἀ-νίκητος)։ Ըստ «Liber Pontificalis» գրքի Անիկետոսը սիրիացի է եղել, Էմեսա քաղաքից (ներկայիս՝ Հոմս)[4]։
Կենսագրություն
[խմբագրել | խմբագրել կոդը]Ըստ Հիրենեոս Լիոնացու Անիկետոսի պապության ժամանակ Պողիկարպոս Զմյուռնիացին՝ Հովհաննես առաքյալի աշակերտը, այցելել է Հռոմ՝ քննարկելու Փեսախ տոնը նրա հետ։ Պողիկարպոսը և նրա Զմյուռնիայի եկեղեցին տոնում էին խաչելությունը Նիսանի 14-րդ օրը, իսկ հռոմեական եկեղեցին Զատկի կիրակի օրը տոնում էր Հիսուսի հարությունը։ Նրանք համաձայնության չեն գալիս, սակայն Անիկետոսը թույլատրում է Պողիկարպոսին և Զմյուռնիայի եկեղեցուն պահպանել այն օրը, որին նրանք սովոր էին։ Տարաձայնությունը հետագա դարերի ընթացքում թեժանում է[5]։
Անիկետոսի պապականության ժամանակ քրիստոնեական պատմիչ Հեգեսիպոսը ևս այցելել է Հռոմ։ Այս այցը հաճախ մեջբերվում է որպես Սուրբ Աթոռի վաղ կարևորության նշան[5]։
Անիկետոսն ակտիվորեն դիմադրում էր Գնոստիցիզմին ու Մարկիոնականությանը։ «Liber Pontificalis» գրքում արձանագրվում է, որ Անիկետոսը հրամանագրել է, որ քահանաները չունենան երկար մազեր (թերևս այն պատճառով, որ գնոստիկները կրում էին երկար մազեր)[4]։
Ըստ լեգենդի Սուրբ Անիկետոսը տանջվել է Մարկոս Ավրելիոսի գահակից՝ կայսեր Լուցիոս Վերոսի օրոք, սակայն այդ մասին պատմական վկայություններ չկան[6]։ Ապրիլի 16, 17 և 20 համարվում են նրա մահվան օրը, սակայն ապրիլի 20-ը տոնվում է որպես նրա պաշտամունքի օր[7]։ Մինչև 1970 թվականը այդ օրն էր համարվում ապրիլի 17-ը[6]։ Ըստ «Liber Pontificalis» գրքի Անիկետոսի մամինն ամփոփված է Սուրբ Կալլիստոսի կատակոմբում[4]։
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- 1 2 Pope St. Anicetus // Catholic Encyclopedia — 1995.
- 1 2 St. Anicetus // Encyclopædia Britannica
- ↑ Campbell, Thomas (1907). "Pope St. Anicetus" in The Catholic Encyclopedia. Vol. 1. New York: Robert Appleton Company.
- 1 2 3 The Book of Pontiffs (Liber Pontificalis), translated by Raymond Davies (Liverpool: University Press, 1989), p. 5
- 1 2 Irenaeus, cited in Eusebius, Historia Ecclesiastica, 5.24; translated by G.A. Williamson, Eusebius: History of the Church (Harmondsworth: Penguin, 1965), pp. 232f
- 1 2 Calendarium Romanum (Libreria Editrice Vaticana 1969), p. 120
- ↑ Martyrologium Romanum (Libreria Editrice Vaticana 2001 ISBN 88-209-7210-7)
Արտաքին հղումներ
[խմբագրել | խմբագրել կոդը]- Wikisource-logo.svg Campbell, Thomas Joseph (1907). "Pope St. Anicetus". In Herbermann, Charles. Catholic Encyclopedia. 1. New York: Robert Appleton Company.
- Duff, Eamon. Saints and Sinners: A History of the Popes, Yale University Press, 2001, p. 13. ISBN 0-300-09165-6
- Maxwell-Stuart, P. G. Chronicle of the Popes: The Reign-by-Reign Record of the Papacy from St. Peter to the Present, Thames & Hudson, 2002, p. 19. ISBN 0-500-01798-0.
- Anicetus in the Ecumenical Lexicon of Saints
- Collected works of Migne Patrologia Latina
| Նախորդող Պիոս I |
Հռոմի պապ Անիկետոս 157 - 168 |
Հաջորդող Սովտեր |
| Վիքիպահեստն ունի նյութեր, որոնք վերաբերում են «Անիկետոս (Հռոմի պապ)» հոդվածին։ |
| ||||||||||