Ագլայա
Ագլայա (հին հուն․՝ Ἀγλαΐα՝ «հոյակապ, շքեղ, փայլուն»), հին հունական դիցաբանությունում[1] երեք Քարիտներից ամենակրտսերը (ըստ Հեսիոդոսի)[2][3], Զևսի և օվկեանուհի Եվրինոմեի դուստրը (կամ Հերայի), ուրախության, ցնծության աստվածուհի Եփրոսինայի և խնջույքների հովանավոր Թալիայի քույրը[4][5]։ Միասին նրանք կազմել են Ափրոդիտեի շքախմբի մասը, և Ագլայան հաճախ կատարել է նրա լրաբերի դերը[6]։
Անունը բառացիորեն նշանակում է «մաքուր, փայլուն»: Հունական դիցաբանությունում անձնավորում է գեղեցկությունը, շքեղությունը, փառքը, պերճությունը։ Հեսիոդոսի «Թեոգոնիայում» Ագլայան Հեփեստոսի կինն է, որից ունեցել է 4 դուստր։ Որոշ հեղինակների մոտ Ագլայան Հեփեստոսի երկրորդ կինն է, որին կնության էր առել Ափրոդիտեից բաժանվելուց հետո, երբ վերջինս դավաճանել էր նրան Արեսի հետ[7]։
Դիցաբանական կերպարի անունով է կոչված Ագլայա (47) աստերոիդը՝ հայտնաբերված 1857 թվականին:
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
- Grimal, Pierre, The Dictionary of Classical Mythology, Wiley-Blackwell, 1996, 978-0-631-20102-1. "Charites" p. 99
- Smith, William, Dictionary of Greek and Roman Biography and Mythology, London (1873). "Charis"