Իլիփիա (նաև Էյլիթիա/Իլիթիա,հին հունարեն՝ Εἰλείθυια, միկեն․ e-re-u-ti-ja՝ Էլիփիա[1]), անտիկ դիցաբանության մեջ[2] աստվածուհի, որը օգնում էր ծննդաբերության ժամանակ։ Առանց նրա օգնության ծննդաբերությունը չէր իրականանում։ Իլիփիան հաճախ Հերայի և Արտեմիսի հատկանիշն է, հաճախ առանձին էակ։ Ըստ Հեսիոդոսի՝ Իլիփիսը Զևսի և Հերայի դուստրն էր[3]։ Ըստ կրետական տարբերակի, Հերայի դուստրն է և ծնվել է Ամնիսում[4]։ Ամնիսում էլ հենց հայտնաբերվել է Գծային գիր Բ-ն Իլիփիայի համար զոհաբերությունների մասին նշումով։
Հոմերը ասել է, որ մի քանի Իլիփիա է եղել, որոնք Հերայի դուստրերն են[5]։ Սակայն Հոմերոսը և Պինդարոսը հիշատակում են նրան եզակի թվով[6]։ Նա հիշատակվել է Ոդիսականում (XIX 189)։ Ոդիսականում նշված է, որ Իլիփիան մեծ է Կրոնից նրան նմանացնում են ճակատագրի աստվածուհու հետ[7] և Էրոտի մայրը[8]։ Ըստ Կալիմաքոսի, Քարիտները Իլիփիայի դուստրերն են[9]։