Մոննա Վաննա
 | |
|---|---|
 | |
| տեսակ | գեղանկար |
| նկարիչ | Դանթե Գաբրիել Ռոսսետտի[1] |
| տարի | 1866 |
| բարձրություն | 86,4 սանտիմետր[2] |
| լայնություն | 88,9 սանտիմետր[2] |
| ուղղություն | Պրեռաֆայելիտներ |
| նյութ | յուղաներկ[2] և կտավ[2] |
| գտնվում է | Թեյթ Բրիտանիա |
| հավաքածու | Թեյթ և Լոնդոնի ազգային պատկերասրահ |
| https://www.wga.hu/html/r/rossetti/monnavan.html կայք | |
Ծանոթագրություններ | |
 Monna Vanna by Dante Gabriel Rossetti Վիքիպահեստում | |
«Մոննա Վաննա» (նաև «Belcolore», անգլ.՝ Monna Vanna, Belcolore), անգլիացի պրեռաֆայելիտ նկարիչ Դանթե Գաբրիել Ռոսսետտիի նկարը՝ ստեղծված 1866 թվականին։ Ներկայումս նկարը գտնվում է Թեյթ բրիտանական պատկերասրահի հավաքածուում։
Տեղեկություն նկարի մասին
[խմբագրել | խմբագրել կոդը]«Մոննա Վաննան» դարձել է չորս աշխատանքներից մեկը, որտեղ Ռոսսետտին փորձել է ընդօրինակել վենետիկյան հին վարպետների ոճին (Տիցիան, Պաոլո Վերոնեզե և այլք)[3]։ Սկզբնապես Ռոսսետտին նախատեսել է նկարն անվանել Venus Veneta («Վենետիկյան Վեներա»), քանի որ իր իսկ խոսքերով՝ այնտեղ պատկերված է «վենետիկյան գեղեցկության կատարելատիպը»՝ հարուստ ասեղնագործված, սպիտակաոսկեգույն զգեստով տիկինը[4][5]։ Հերոսուհու հանդերձանքի որոշ մանրամասներ ի հայտ են եկել նաև Ռոսսետտիի այլ նկարներում, մասնավորապես՝ զգեստը «Մոննա Ռոզա» նկարի հերոսուհու մոտ[5], մազերի պարուրաձև զարդարանքը հաճախ երևացել է նրա հեղինակած մի շարք դիմանկարներում[3]։ Աշխատանքն ավարտելով՝ նկարիչը որոշել է փոխել անվանումը՝ դարձնելով Monna Vanna (սկզբնապես Ջովաննիիի հերոսուհու անունից, սակայն նկարիչը նաև ցանկացել է ընդգծել Vanna բառի նշանակությունը՝ «սնափառ կին»[3])՝ վերցնելով այն Դանթե Ալիգիերիի բանաստեղծությունների «Նոր կյանք» ժողովածուից[5]։ Ռոսսետտիի կարծիքով՝ նկարը դարձել է իր լավագույն աշխատանքներից մեկը, «ծայրահեղ դեպքում՝ սենյակի ձևավորման համար»[4][5]։ Նկարի համար կեցվածք է ընդունել Ալեքսա Ուայլդինգը[4]։
1873 թվականին նկարիչը կրկին աշխատել է նկարի վրա, բացացրել է հերոսուհու մազերը և փոխել մատանու գույնը (չափազանց վառ գույները բացասական քննադատության են արժանացել), ինչպես նաև ավելացրել է շրջանակ[5]։ Այդ ժամանակ է նա կրկին մտածել անունը փոխել՝ դարձնելով Belcolore՝ որոշելով, որ այն կհնչի ավելի ժամանակակից[5]։ Սակայն հավաքորդների և պատկերասրահների շրջանում, իսկ հետագայում՝ հասարակության մեջ առհասարակ, տարածված մնացել է նախկին անվանումը[5]։
Նկարը հանդիսանում է նկարչի գույների տիրապետման և դրանց սիմվոլիզմի օրինակ. սպիտակ և ոսկեգույն՝ սրբության և անմեղության ավանդական գույները, որոնք հակադրվում են մարջանագույնի և կարմիր երանգներին, ինչի շնորհիվ աղջկա կերպարը դառնում է ավելի երկրային և զգայական[3]։
Առաջին անգամ նկարը հասարակության մեջ ցուցադրվել է 1883 թվականին, ինչից հետո հաջողության է արժանացել այցելուների շրջանում[4]։ Այժմ նկարը գտնվում է Թեյթ բրիտանական պատկերասրահում։
Ծանոթագրություններ
[խմբագրել | խմբագրել կոդը]- ↑ https://artuk.org/discover/artworks/monna-vanna-201563
- ↑ 2,0 2,1 2,2 2,3 http://www.tate.org.uk/art/artworks/rossetti-monna-vanna-n03054
- ↑ 3,0 3,1 3,2 3,3 «Monna Vanna». Rossetti Archive.
- ↑ 4,0 4,1 4,2 4,3 «Monna Vanna». Rossetti Archive.
- ↑ 5,0 5,1 5,2 5,3 5,4 5,5 5,6 «Monna Vanna 1866». Tate Britain.
