Անաստաս Ա Ակոռեցի

Անաստաս Ա Ակոռեցի (ծ. թ. անհտ, գ. Ակոռի (Մեծ Հայքի Այրարատ նահանգի Մասյացոտն գավառ) – 667, Ակոռի, ամփոփվել է իր կառուցած եկեղեցու բակում), Ամենայն հայոց կաթողիկոս 661-ից: Հաջորդել է Ներսես Գ Տայեցուն, եղել է կաթողիկոսի սենեկապետը, վերջինիս կարգադրությամբ հսկել է Զվարթնոցի Ս. Գրիգոր կաթողիկեի շինարարությունը: 652–659-ին վարել է հայրապետական ընթացիկ գործերը: Կաթողիկոսության տարիներին իր ծննդավայր Ակոռի գյուղում կառուցել է եկեղեցի՝ կից հյուրանոցով և աղքատանոցով ( կործանվել է 1840-ի երկրաշարժից): Անանիա Շիրակացու միջոցով Հայոց շարժական տոմարն անշարժ է դարձրել: Կաթողիկոս. գահին Անաստաս Ա Ակոռեցուն հաջորդել է Իսրայել Ա Ոթմսեցին:

Արտաքին հղումներ

Քրիստոնյա Հայաստան հանրագիտարան, Երևան, 2002

Նախորդող՝ Ներսես Գ Տայեցի

Կաթողիկոս 661–667

Հաջորդող՝ Իսրայել Ա Ոթմսեցի