Ծաղկաշեն, գյուղ ՀայաստանիԳեղարքունիքի մարզում, Գեղամա լեռների արևելյան փեշերին, Գելոյիձոր գետի ափին, մարզկենտրոնից 8.6 կմ հարավ-արևմուտք։ Բնակավայրը գտնվում է ծովի մակերևույթից 2160 մ բարձրության վրա։ Նախկինում անվանվել է Վերին Գանձակ։ 1873 թվականին ուներ 289, 1897 թվականին՝ 526, 1926 թվականին՝ 785, 1939 թվականին՝ 787, 1959 թվականին՝ 424, 1970 թվականին՝ 448, 1979 թվականին՝ 384, 1989 թվականին՝ 453, 2001 թվականին՝ 551, 2004 թվականին՝ 575 բնակիչ, որոնց նախնիների մեծ մասը գաղթել է ԱլաշկերտիԱրծափ գյուղից, մնացածները՝ Գանձակից։ Բնակչությունը զբաղվում է անասնապահությամբ։ Ծաղկաշենի արևմտյան մասում կա Սուրբ Հովհաննես եկեղեցի (9-10 րդ դդ.), 9-16-րդ դդ. խաչքարերով գերեզմանոց։ Գյուղից 3 կմ հարավ-արևմուտք գտնվում են «Ուխտավեր» գյուղատեղին (13-17-րդ դդ.) և համանուն մատուռը (13-14 րդ դդ.)[2]։
Անվան այլ կիրառումների համար տե՛ս՝ Ծաղկաշեն (այլ կիրառումներ)
Հայաստան
