Վարդենիկ

Վիքիպեդիայից՝ ազատ հանրագիտարանից
Գյուղ
Վարդենիկ
Vardenik.jpg
Կոորդինատներ: 40°08′06″ հս․ լ. 45°26′11″ ավ. ե. / 40.13500° հս․. լ. 45.43639° ավ. ե. / 40.13500; 45.43639
Երկիր Հայաստան Հայաստան
Մարզ Գեղարքունիքի մարզ
Հիմնադրված է 1828 թ.
Մակերես 33,3 կմ²
ԲԾՄ 1994±1 մետր
Պաշտոնական լեզու Հայերեն
Բնակչություն 9669[1] մարդ (2008 հունվարի 1)
Ազգային կազմ Հայեր
Կրոնական կազմ Հայ Առաքելական եկեղեցի
Ժամային գոտի UTC+4
Հեռախոսային կոդ +374(2625)
Փոստային ինդեքս 1418
##Վարդենիկ (Հայաստան)
Red pog.png
##Վարդենիկ (Գեղարքունիքի մարզ)
Red pog.png

Վարդենիկ, գյուղ Հայաստանի Հանրապետության Գեղարքունիքի մարզում։ Գտնվում է Վարդենիս գետի ափին։ Բնակչության քանակով համարվում է երկրորդը հանրապետությունում՝ Ախուրյանից հետո[2][3]:

Պատմություն[խմբագրել | խմբագրել կոդը]

Նախկինում գյուղի տարածքում հին բնակավայր է եղել: Ըստ Ստեփանոս Օրբելյանի վկայության գյուղը հիշատակվում է դեռևս 10-րդ դարից: Գյուղը հիմնահատակ ավերվել է Շահ Աբասի կողմից, իսկ 1770 թվականից դարձել անմարդաբնակ: Այստեղ պահպանվել են 9-րդ դարի Սուրբ Աստվածածին եկեղեցին, «Իշխանավանք» սրբատեղին (13-րդ դար) և 13-17-րդ դարերի գերեզմանոցը բազմաթիվ խաչքարերով։

Ներկայիս գյուղը հիմնադրվել է 1828 թվականին, Արևմտյան Հայաստանից եկած գաղթականների կողմից։ Նրանց ճնշող մեծամասնությունը գաղթել է Ալաշկերտից: Սկզբնական շրջանում օտարների կողմից գյուղն անվանվել է Գյոզալդարա (Գեղեցկաձոր): 1863 թվականին գյուղում բացվել է պետական ծխական դպրոց: 1946 թվականի դեկտեմբերի 7-ին գյուղը վերանվանվել է Վարդենիկ: Գյուղի տարածքում կան 7 գերեզմանոցներ:Ներկայումս գյուղում գործում է 2 հիմնական դպրոց և 1 կրթահամալիր:

Աշխարհագրություն[խմբագրել | խմբագրել կոդը]

Վարդենիկ գյուղը գտնվում է Սևանա լճի հարավային մասում: Բնակավայրի ծովի մակարդակից ունեցած բարձրությունը տատանվում է 1920-2050 մետրի սահմաններում: Գյուղի տարածքը բնութագրվում է զով ամառով և ցուրտ ձմեռով: Ամենացածր ջերմաստիճանը դիտվել է հունվար ամսին՝ -30 աստիճան, իսկ ամենաբարձրը հուլիս, օգոստոս ամիսներին՝ +33 աստիճան: Վարդենիկ գյուղով է հոսում Վարդենիս գետը, որը թափվում է Սևանա լիճ: Համայնքը մարզկենտրոնից հեռու է 40 կմ, իսկ մայրաքաղաքից՝ 143 կմ: Գյուղացիների հիմնական մասը զբաղվում է գյուղատնտեսությամբ և անասնապահությամբ:

Տես նաև[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]


Ծանոթագրություններ[խմբագրել | խմբագրել կոդը]

  1. Գեղարքունիքի մարզի մարդահամար
  2. «« RA Gegharkunik Marz »»։ 2008։ Վերցված է 6 апреля 2009 
  3. «« RA SHIRAK MARZ »»։ 2008։ Վերցված է 6 апреля 2009