Գեղաքար

Անվան այլ կիրառումների համար տե՛ս՝ Գեղաքար (այլ կիրառումներ)

Գյուղ
Գեղաքար
Երկիր	Հայաստան
Մարզ	Գեղարքունիքի մարզԳեղարքունիքի մարզ
ԲԾՄ	2160 մ
Պաշտոնական լեզու	Հայերեն
Բնակչություն	136 մարդ (2011)
Ազգային կազմ	Հայեր
Կրոնական կազմ	Հայ Առաքելական եկեղեցի
Ժամային գոտի	UTC+4
Գեղաքար Վիքիպահեստում

Գեղաքար (մինչև 1991 թ.` Սուբաթան), գյուղ Հայաստանի Հանրապետության Գեղարքունիքի մարզի Վարդենիսի տարածաշրջանում, մարզկենտրոն Գավառից 81 կմ հարավ-արևելք։ Գեղաքար է վերանվանվել 1991 թվականի ապրիլի 3-ին։ Բնակավայրը գտնվում է ծովի մակերևույթից 2150 մ բարձրության վրա։

Բնակչություն

Ըստ ՀՀ 2011 թ. մարդահամարի արդյունքների` Գեղաքարի մշտական բնակչությունը կազմել է 136, առկա բնակչությունը` 87 մարդ։ Մինչև 1989 թ. բնակեցված է եղել հիմնականում ադրբեջանցիներով, այնուհետ` հայերով։ Գեղաքարի բնակչության փոփոխությունը ժամանակի ընթացքում` ստորև.

Տարի	1873	1897	1926	1939	1959	1979	1989	2001	2011
Բնակիչ	180	306	210	265	334	468	286	129	136

Տնտեսություն

Բնակչությունը զբաղվում է խոշոր եղջերավոր անասնաբուծությամբ և դաշտավարությամբ։ Գյուղի մոտ կան կարմիր տուֆի հանքեր։

Պատմամշակութային կառույց

Գեղաքարի արևելյան մասում գտնվում է քանդակազարդ խաչքարերով ու արձանագիր տապանաքարերով հայկական գերեզմանոց (15-17-րդ դդ.)։

Տես նաև

• Գեղաքարի պատմության և մշակույթի անշարժ հուշարձանների ցանկ