Լանջաղբյուր

Գյուղ
Երկիր	Հայաստան
Մարզ	Գեղարքունիքի մարզ
Մակերես	24,6 կմ²
ԲԾՄ	2050 մ
Պաշտոնական լեզու	հայերեն
Բնակչություն	▼2115 մարդ (2011)
Ազգային կազմ	Հայեր
Կրոնական կազմ	Հայ Առաքելական եկեղեցի
Ժամային գոտի	UTC+4

Լանջաղբյուր (նախկին անվանումը` Քյուզաջըղ), գյուղ Հայաստանի Հանրապետության Գեղարքունիքի մարզի Գավառի տարածաշրջանում, Գավառ քաղաքից մոտ 7 կմ հարավ։ Գտնվում է ծովի մակարդակից 2050 մ բարձրության վրա։ Բնակչությունը` 2115 մարդ {2011 թ.)^[2], հայեր։

Գյուղը հիմնադրել են 1829-1830 թվականներին Բայազետի գավառի գյուղերից ներգաղթածները։ Քյուզաջըղ անվան տակ ընդգրկված է եղել Ցարական Ռուսաստանի Երևանի նահանգի Նոր Բայազետի գավառում։ Խորհրդային տարիներին մասն է կազմել Հայկական ԽՍՀ Նոր Բայազետի գավառի, 1930 թվականից` Նոր Բայազետի շրջանի։ Վերանվանվել է Լանջաղբյուր 1950 թ. ապրիլի 19-ին^[3]։ 1995 թվականից մտնում է ՀՀ Գեղարքունիքի մարզի մեջ։

1905 թվականին գյուղում կառուցվել է եկեղեցի, որը խորհրդային տարիներին վերածվել է պահեստի և այժմ գտնվում է կիսաքանդ վիճակում։ Լանջաղբյուր գյուղը հարակից է Սարուխան, Գեղարքունիք և Կարմիրգյուղ բնակավայրերին։ Գյուղի ընդհանուր տարածքը կազմում է 2412 հա։

Բնակչություն[խմբագրել | խմբագրել կոդը]

Ըստ ՀՀ 2011 թ. մարդահամարի արդյունքների` Լանջաղբյուրի մշտական բնակչությունը կազմել է 2115, առկա բնակչությունը` 1738 մարդ^[2]։ Բնակիչները հայեր են, որոնց մի մասի նախնիները ներգաղթել են 1828-1829 թթ. Բայազետի գյուղերից^[3]։ Լանջաղբյուրի բնակչության փոփոխությունը ժամանակի ընթացքում` ստորև.

Տարի	Բնակչություն
1831	266 մարդ	^[4]
1873	651 մարդ	^[5]
1926	1808 մարդ	^[4]
1939	1626 մարդ	^[4]
1959	1574 մարդ	^[4]
1970	1688 մարդ	^[4]
1979	1842 մարդ	^[4]
1989	2047 մարդ	^[4]
2001	2367 մարդ	^[4]
2011	2115 մարդ	^[1]