Գանձակ (Գեղարքունիքի մարզ)
Անվան այլ կիրառումների համար տե՛ս՝ Գանձակ (այլ կիրառումներ)
| Գյուղ | |||
|---|---|---|---|
| Գանձակ | |||
 | |||
| Երկիր |  Հայաստան | ||
| Մարզ | Գեղարքունիքի մարզ | ||
| ԲԾՄ | 1978±1 մետր | ||
| Պաշտոնական լեզու | Հայերեն | ||
| Բնակչություն | 3815[1] մարդ (2011) | ||
| Ազգային կազմ | Հայեր | ||
| Կրոնական կազմ | Հայ Առաքելական եկեղեցի | ||
| Ժամային գոտի | UTC+4 | ||
| Փոստային ինդեքսներ | 1206 | ||
| |||
Գանձակ (նախկին անվանումները` Բատիկյան, Քյոսամամեդ), գյուղ Հայաստանի Հանրապետության Գեղարքունիքի մարզի Գավառի տարածաշրջանում, Գավառ քաղաքից անմիջապես հարավ, Գավառագետի աջ ափին, ծովի մակարդակից 1980-2000 մ բարձրության վրա։
Պատմություն[խմբագրել | խմբագրել կոդը]
Գանձակ համայնքը՝ նախկինում Բատիկյան, վերաբնակեցվել է 1828 թվականին Արևմտյան Հայաստանի Բայազետի և Ալաշկերտի գավառներից տեղահանված հայերով։ Գանձակ է վերանվանվել 1991 թվականի օգոստոսի 8-ին։ Գյուղի պատմություն ավելի հին է, որի վկայությունն է գյուղի կենտրոնում պահպանվող 9-րդ դարի Սուրբ Գևորգ եկեղեցին։
Գյուղի տարածքները գտնվում են ծովի մակերևույթից 2000-2750 մ բարձրության վրա և վերջանում Գեղամա լեռների ամենաբարձր գագաթի՝ Աժդահակի ստորոտում[2]։
Կլիմա[խմբագրել | խմբագրել կոդը]
Գյուղի կլիման ամռանը զով է, ձմռանը՝ ցրտաշունչ։ Հաճախակի են չորային, երաշտ տարիները և ցրտահարությունները, որից շատ է տուժում գյուղատնտեսությունը։
Բնակչություն[խմբագրել | խմբագրել կոդը]
Ըստ ՀՀ 2011 թ. մարդահամարի արդյունքների` Գանձակի մշտական բնակչությունը կազմել է 3815, առկա բնակչությունը` 3568 մարդ։ Բնակիչները հայեր են, որոնց նախնիները ներգաղթել են Բայազետի, Մուշի և Ալաշկերտի շրջաններից[3]։ Գանձակի բնակչության փոփոխությունը ժամանակի ընթացքում` ստորև[4].
| Տարի | 1831 | 1873 | 1897 | 1926 | 1939 | 1959 | 1970 | 1979 | 2001 | 2011 |
|---|---|---|---|---|---|---|---|---|---|---|
| Բնակիչ | 489 | 931[5] | 1515 | 1883 | 2206 | 2306 | 2878 | 3392 | 4237 | 3815[1] |
Տնտեսություն[խմբագրել | խմբագրել կոդը]
Բնակչությունը զբաղվում է անասնապահությամբ, երկրագործությամբ, բանջարաբուծությամբ և թռչնաբուծությամբ։
Համայնքն ունի դպրոց, բուժկետ, մշակույթի տուն, մանկապարտեզ(աշխատում է սեզոնային կարգով՝ տարեկան 4 ամիս)։
Պատկերասրահ[խմբագրել | խմբագրել կոդը]
Գյուղապետարան
Հովհաննես Հարությունյանի անվան մշակույթի տուն
Հովհաննես Հարությունյանի անվան մշակույթի տուն
Գանձակի միջնակարգ դպրոց
Սուրբ Գևորգ եկեղեցի
Հուշարձան Գանձակում
Հուշարձան Գանձակում
.jpg)
.jpg)
.jpg)
.jpg)
.jpg)
.jpg)
.jpg)
Տես նաև[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
- World Gazeteer: Armenia(չաշխատող հղում) – World-Gazetteer.com
- Kiesling, Brady (2005), Rediscovering Armenia: Guide, Yerevan, Armenia: Matit Graphic Design Studio
- Brady Kiesling, Rediscovering Armenia, p. 44, available online at the website of the Internet Archive:
Ծանոթագրություններ[խմբագրել | խմբագրել կոդը]
- ↑ 1,0 1,1 2011 թ ՀՀ մարդահամարի արդյունքները
- ↑ «Գեղարքունիքի մարզպետարան, Գանձակ»։ Արխիվացված է օրիգինալից 2014 թ․ հունիսի 22-ին։ Վերցված է 2014 թ․ մայիսի 24
- ↑ «Հայաստանի և հարակից շրջանների տեղանունների բառարան», հտ. 1, էջ 615
- ↑ «Հայաստանի հանրապետության բնակավայրերի բառարան, էջ 50»։ Արխիվացված է օրիգինալից 2014 թ․ սեպտեմբերի 12-ին։ Վերցված է 2014 Ապրիլի 21
- ↑ Զավեն Կորկոտյան, «Խորհրդային Հայաստանի բնակչությունը վերջին հարյուրամյակում (1831-1931)»
| |||||||||||||||||
