Փանիկ

Անվան այլ կիրառումների համար տե՛ս՝ Փանիկ (այլ կիրառումներ)

Փանիկ, գյուղ Հայաստանի Հանրապետության Շիրակի մարզում, մարզկենտրոնից 16 կմ հարավ-արևելք, Մանթաշի ձորահովտի և Շիրակի դաշտի միացման վայրում, Գեղաձոր գետակի ձախափնյա արգավանդ դաշտում։

Բնակչության մեծամասնությունը կաթոլիկ հայեր են։

Փանիկ է վերանվանվել 1925 թ.-ին։ Գյուղը ժամանակին եղել է գրչության կենտրոն։

Բնակչություն

1842 թ.-ին Ալաշկերտից մի խումբ հայեր վերաբնակվել են այս գյուղում։

Փանիկի ազգաբնակչության փոփոխությունը^[3].

Տարի	1831	1897	1926	1939	1959	1970	1979	1989	2001	2004
Բնակիչ	176	1235	1685	1707	1838	2292	2377	3304	2831	2531

Բնակչությունը զբաղվում է դաշտավարությամբ, ճակնդեղագործությամբ, մեղվաբուծությամբ և բանջարաբոստանային կուլտուրաների մշակությամբ։

Գյուղի մոտակայքում կան բազալտի քարհանքեր։

Գյուղում կա Տիրամայր եկեղեցի (1761-1846 թթ.), գյուղից 5 կմ հյուսիս, «Ավերք» կոչվող վայրում, կան անտիկ շրջանի բերդի ավերակներ։