Գուսանագյուղ

Գուսանագյուղ
Գյուղ
	Գուսանագյուղ
	ադրբ.՝ Qusanagyuğ; ադրբ.՝ Qapılı
	Գյուղի համայնապատկերը
Երկիր	Հայաստան
Մարզ	Շիրակի
Մակերես	23.5 կմ²
ԲԾՄ	1500 մ
Պաշտոնական լեզու	Հայերեն
Բնակչություն	1056 մարդ (2012)
Ազգային կազմ	Հայեր
Ժամային գոտի	UTC+4
Փոստային ինդեքս	2905
	Գուսանագյուղ (Հայաստան)
	Գուսանագյուղ (Հայաստան)
	Գուսանագյուղ Վիքիպահեստում

Գուսանագյուղ, գյուղ Մարալիկի տարածաշրջանում, մարզկենտրոնից գտնվում է 21 կմ հեռավորության վրա։ Նախկինում ունեցել է Գափուլու, Կապլի, Կապուլի, Կափուլի, Ղափըլչի, Ղափլու, Ղափչի, Ղափուլու անվանումները։ Գտնվում է Երևան-Գյումրի երկաթուղու վրա։ Գուսանագյուղ է վերանվանվել 1977 թվականին։

Կլիմա

Կլիման բարեխառն լեռնային է, ձմեռը տևական, ցուրտ, հաստատուն ձնածածկույթով։ Լինում են ուժեղ քամիներ, հաճախակի են մառախուղները և ձնաբքերը։ Ամառը տաք է, համեմատաբար խոնավ։ Տարեկան տեղումների քանակը 600-700մմ։ Բնական լանդշաֆտները սևահողային լեռնատափաստանները։

Բնակչություն

Նախնիները 1829-1830 թվականներին այստեղ են գաղթել Ալաշկերտի, Բասենի և Մուշի գյուղերից։ Ըստ ազգային վիճակագրական ծառայության տվյալների համայնքը 2013 թվականի հունվարի 1-ի դրությամբ ունեցել է 923 մարդ։ Սեռային կազմում տղամարդիկ կազմում են 46%, կանայք՝ 54%։ Տարիքային խմբերը բաշխված են հետևյալ կերպ. մինչաշխատունակներ՝ 32%, աշխատունակներ՝ 49%, հետաշխատունակներ՝ 19%։

Գեղանիստի ազգաբնակչության փոփոխությունը.^[2]

Տարի	1831	1897	1926	1939	1959	1970	1979	2001	2004
Բնակիչ	138	1466	1062	1433	1207	978	876	898	1061

Տնտեսություն

Ունի 97 տնտեսություն։ Ունի դպրոց, գրադարան, հիվանդանոց, կապի հանգույց։ Գյուղատնտեսության մասնագիտացման ուղղությունը երկրագործությունն է։ Գյուղատնտեսական հողահանդակները գրեթե ամբողջությամբ օգտագործվում են որպես վարելահողեր՝ կազմելով 668 հա։ Պետական հողերը գլխավորապես օգտագործվում են որպես վարելահողեր, արոտավայրեր, կազմելով համապատասխանաբար 368 և 995 հեկտար։ Զբաղվում են հացահատիկային, բանջարաբոստանային, կերային կուլտուրաների մշակությամբ։ Զբաղվում են նաև անասնապահությամբ, թռչնաբուծությամբ^[3]։

Կրթություն

Համայնքում գործում է դպրոց, որտեղ 2016 թվականից սկսած իրականացվում են ՔՈԱՖ-ի արտադասարանային խմբակներ՝ «Աֆլաթուն» սոցիալ-ֆինանսական կրթության ծրագիր, Առողջ ապրելակերպի սեմինարներ։ Դպրոցում վերանորոգվել և գործում են ճաշարան և ատամնակայան տարրական դպրոցականների համար։

Հայաստանի մանուկներ բարեգործական հիմնադրամի ջանքերով իրականացվում են բուժաշխատողների վերապատրաստումններ։

Պատմամշակութային կառույցներ

Գյուղն ունի կանգուն եկեղեցի (11-րդ դար)։ Շրջակայքում պահպանվել են նախնադարյան և ուրարտական ժամանակներին վերաբերող հնավայրեր՝ ավերակ բերդ, որին տեղացիներին անվանում են Ղալա։ Պահպանվել են նաև կիկլոպյան շինությունների հետքեր։