Հենրիխ Մխիթարյան

Վիքիպեդիայից՝ ազատ հանրագիտարանից
Football pictogram.svg
Հենրիխ Մխիթարյան
Zarya-MU (7).jpg
Անձնական տվյալներ
Ամբողջական անուն Հենրիխ Համլետի Մխիթարյան
Ազգությունը հայ
Քաղաքացիությունը Հայաստան
Ծննդյան ամսաթիվ հունվարի 21, 1989 (28 տարեկան)
Ծննդավայր Հայկական Խորհրդային Սոցիալիստական Հանրապետություն Երևան, ՀԽՍՀ, Հայաստան
Հասակ 179սմ
Քաշ 72կգ
Դիրք Կիսապաշտպան
Ակումբային տեղեկություններ
Ներկա ակումբ Անգլիա Մանչեսթեր Յունայթեդ
Համար 22
Պատանեկան կարիերա
1995 - 2006 Հայաստան Փյունիկ
Մասնագիտական կարիերա*
Տարի Ակումբ Խաղ (Գոլ)
2006 - 2009 Հայաստան Փյունիկ 70 (30)
2009 - 2010 Ուկրաինա Մետալուրգ Դոնեցկ 37 (12)
2010 - 2013 Ուկրաինա Շախտյոր Դոնեցկ 72 (38)
2013 - 2016 Գերմանիա Բորուսիա Դորտմունդ 90 (23)
2016 - այժմ Անգլիա Մանչեսթեր Յունայթեդ 14 (5)
Ազգային հավաքական
2006 Հայաստան Հայաստան Մ-17 5 (1)
2006 - 2007 Հայաստան Հայաստան Մ-19 6 (1)
2006 - 2010 Հայաստան Հայաստան Մ-21 13 (9)
2007 - այժմ Հայաստան Հայաստան 59 (20)[1]

* Մասնագիտական կարիերայում ընդգրկված են միայն առաջնության խաղերը և գոլերը 
ըստ 15 օգոստոս 2015:

‡ Ազգային հավաքականի խաղերն ու գոլերը ըստ 21 հուլիս 2015

Հենրիխ Համլետի Մխիթարյան (հունվարի 21, 1989, Երևան, ՀԽՍՀ), հայ պրոֆեսիոնալ ֆուտբոլիստ, Հայաստանում ՅՈՒՆԻՍԵՖ-ի բարի կամքի դեսպան[2]։ Հենրիխ Մխիթարյանը ծնվել է ֆուտբոլիստ Համլետ Մխիթարյանի ընտանիքում։ Յոթ տարեկան հասակում ընտանիքի հետ Ֆրանսիայից վերադարձել է Հայաստան, որտեղ էլ որոշել է ընտրել ֆուտբոլիստի կարիերան։ Հայաստանի ազգային հավաքականի լավագույն ռմբարկուն է, իսկ 2015 թվականից՝ ավագը։ Հանդես է գալիս անգլիական «Մանչեսթեր Յունայթեդ» ակումբում որպես կիսապաշտպան։ Ունի Երևանի պատվավոր քաղաքացու կոչում (2012)[3]։ Յոթ անգամ (վեցերորդ անգամ անընդմեջ[4]) դարձել է Հայաստանի լավագույն ֆուտբոլիստ (2009, 2011, 2012, 2013, 2014, 2015 2016 թվականներին)։ Համարվում է Հայաստանի ազգային հավաքականի պատմության լավագույն ռմբարկուն՝ 59 խաղում խփած 20 գնդակով։

Կենսագրություն[խմբագրել | խմբագրել կոդը]

Հենրիխ Մխիթարյանը ծնվել է 1989 թվականի հունվարի 21-ին, Հայաստանի Հանրապետության մայրաքաղաք Երևանում՝ Մարինա Թաշչյանի և Համլետ Մխիթարյանի ընտանիքում։ Մխիթարյանի հայրը՝ Համլետ Մխիթարյանը, ով 1980-ականների Երևանի «Արարատ» ֆուտբոլային ակումբի հայտնի հարձակվողներից էր, մահացել է 33 տարեկան հասակում՝ գլխուղեղի ուռուցքից[5]։

Մխիթարյանի մայրը՝ Մարինա Թաշչյանը, ղեկավարում է Հայաստանի ֆուտբոլի ֆեդերացիայի ազգային հավաքականների բաժինը, իսկ նրա ավագ քույրը՝ Մոնիկա Մխիթարյանը, աշխատում է ՈՒԵՖԱ-ի կենտրոնակայանում[6]։

1990-ակաների սկզբին Մխիթարյանի ընտանիքը տեղափոխվել է Ֆրանսիա, որտեղ նախկինում նրա հայրը՝ Համլետ Մխիթարյանը խաղացել էր տեղի «ԱՍՕԱ Վալենսիա» ակումբում՝ օգնելով թիմին բարձրանալ Լիգա 2-ի երկրորդ դիվիզիոն։ Մխիթարյանն իր վաղ մանկությունն անցկացրել է Վալենսիայում: Ցանկանալով դառնալ ֆուտբոլիստ՝ նա սկսել է հետևել հոր օրինակին։ Երեխա ժամանակ միշտ դիտում էր հոր խաղերը՝ ցանկանալով հետևել նրա մարզումներին։ Մայրը՝ Մարինան պատմում է, որ երբ Համլետը գնալիս է եղել մարզումների, փոքրիկ Հենրիխը միշտ ցանկացել է գնալ հոր հետ, իսկ երբ հայրը նրան չի տարել՝ սկսել է լաց լինել այնքան, մինչև նա ստիպված Հենրիխին իր հետ է տարել։

Aquote1.png Չեք պատկերացնում ոնց կուզեի, որպեսզի նա տեսներ խաղս։ Եթե հայրս կողքիս լիներ, շատ բաներ ավելի հեշտ լուծումներ կստանային, էլ չեմ ասում պրոֆեսիոնալ խորհուրդների մասին։ Սակայն ստացվեց այնպես, որ նա շատ վաղ լքեց մեզ:Գիտակցված ոչինչ չեմ վերցրել նրանից, քանի որ երբ նա մահացավ, ես 8 տարեկան էի։ Սակայն բոլոր նրանք, ովքեր տեսել են հորս, ասում են, որ խաղադաշտում մենք վազում ենք և հարվածներ կատարում նույն կերպ։ Այնպես որ, շատ բաներ, ինչ ես հիմա ունեմ, հորիցս եմ ժառանգել։
- Հենրիխ Մխիթարյան
Aquote2.png


1995 թվականին Մխիթարյանները վերադարձել են Երևան, որտեղ էլ առաջին անգամ Հենրիխի տատիկը՝ Լիդիա Լավրետևան, նրան տարել է ֆուտբոլային դպրոց։

Մխիթարյանն ավարտել է Ֆիզիկական կուլտուրայի հայկական պետական ինստիտուտը: Ներկայումս սովորում է տնտեսագիտություն՝ Սանկտ Պետերբուրգի ինստիտուտի Երևանյան մասնաճյուղում։ Ավարտելուց հետո մտադիր է սովորել այնտեղ՝ որպես իրավաբան։ Մխիթարյանը Զինեդին Զիդանին համարում է իր ֆուտբոլային կուռքը[7][8][9]։

Պրոֆեսիոնալ կարիերա[խմբագրել | խմբագրել կոդը]

Փյունիկ[խմբագրել | խմբագրել կոդը]

1995 թվականին Մխիթարյանը դարձել է Փյունիկի երիտասարդական հավաքականի անդամ և իր առաջին աշխատավարձը ստացել է տասնհինգ տարեկան հասակում[10]։ Ավելի ուշ տեղափոխվել է Փյունիկի մեծահասակների հավաքական, որպես պրոֆեսիոնալ ֆուտբոլիստ առաջին անգամ հանդես գալով 2006 թվականին, 17 տարեկան հասակում։ Վերջին անգամ թիմի կազմում խաղացել է 2009 թվականի խաղաշրջանում։ Այդ խաղաշրջանի 10 թիմային խաղերի ընթացքում նա դարպաս է ուղարկել 11 գնդակ։ Փյունիկի մեծահասակների թիմում 4 տարվա խաղաշրջանի ընթացքում չորս անգամ նվաճել է Հայաստանի պրեմիեր լիգան (200б, 2007, 2008 և 2009 թվականներին)։2007 և 2009 թվականներին նրանց թիմը երկու անգամ նվաճել է Հայաստանի սուպերգավաթը, մեկ անգամ Հայաստանի գավաթը՝ 2009 թվականին։ Ընդհանուր առմամբ Մխիթարյանը մասնակցել է թիմի 70 հանդիպումներին և դարպաս է ուղարկել 30 գնդակ, իսկ հավաքականի 89 հանդիպումներին դարձել է 35 գոլի հեղինակ[11]։ Հայաստանի Փյունիկի ազգային հավաքականի գլխավոր մարզիչ Վարդան Մինասյանն ասել է, որ նա իր լավագույն խաղացողին կցանկանար տեսնել ավելի ուժեղ թիմերում խաղալիս։ Մինասյանը հաստատեց, որ երիտասարդ Հենրիխը լեգենդ դառնալու համար լավ ուղի է անցել։ Մինասյանը Հենրիխի մասին ասել է․ «Նա միայնակ կարող է հաղթել խաղը։ Նա որսում է ճիշտ պահը և հաճույքով հարվածում»[12]։

Մետալուրգ Դոնեցկ[խմբագրել | խմբագրել կոդը]

Մխիթարյանը Մետալուրգ, Դոնեցկ ակումբում, 2009

Մխիթարյանը սկսեց խաղալ Դոնեցկի Մետալուրգ ակումբում: Եվրոպայի լիգայում 2009 թվականի հուլիսի 16-ի իր առաջնախաղին նա խփեց մեկ գոլ, և թիմը 3-0 հաշվով հաղթեց Բելառուսի Պրեմիեր լիգայի Մինսկի Պարտիզանին[13]: Հուլիսի 19-ին Ուկրաինայի լիգայի Դնիպրոպետրովսկի Դնիպրոյի հետ խաղում կատարեց իր առաջին դեբյուտը՝ ավարտելով այն ոչ-ոքի՝ 0-0[14]: Իր առաջին գոլը խփել է Ուկրաինայի լիգայում՝ հուլիսի 26-ին, Լվովի Կարպատի ակումբի հետ խաղում, որն ավարտվեց ոչ-ոքի՝ 2-2[15]: Օգոստոսի 6-ին Եվրոպայի լիգայում Մխիթարյանը իր առաջին գոլը խփեց Լյուբլյանայի Ինտերբլոկի հետ խաղում։[16]: Մխիթարյանը խաղաշրջանը ավարտեց 38 ելույթում 14 գոլով՝ ներառված 29 խաղ և 9 գոլ լիգայի կազմում։

Հաջորդ խաղաշրջանին՝ հուլիսի 14-ին, 21 տարեկան հասակում Մխիթարյանը դարձավ ակուբի ավագ՝ դառնալով Դոնեցկի Մետալուրգի պատմության մեջ ամենաերիտասարդ ավագը[17]: Այս խաղաշրջանում Հենրիխը 89-րդ րոպեին տուգանային հարվածով խփեց իր առաջին գոլը՝ 3-0 հաշվով հաղթելով Կիևի Օբոլոնին։[18]: Մխիթարյանն ակումբում իր վերջին խաղը անցկացրեց Դնիպրոյի հետ՝ օգոստոսի 30-ին՝ հաղթելով նրան 2-1 հաշվով։[19]: Իր երկրորդ խաղաշրջանին նա խաղաց 9 խաղ և խփեց 3 գոլ այդ բոլորը լիգայում։ Մետալուրգում լինելու ընթացքում նա ունեցավ 37 լիգայի ելույթ՝ խփելով 12 գոլ[20]: Ընդհանուր առմամբ նա խաղաց ակումբում 46 հանդիպում՝ խփելով 17 գոլ։ Օգոստոսի 30-ին Մխիթարյանը կնքեց 7,5 մլն դոլար արժողությամբ գործարքը՝ անցնելով Պրիմիեր լիգայում իշխող չեմպիոն Դոնեցկի Շախտյոր[21]:

Շախտյոր Դոնեցկ[խմբագրել | խմբագրել կոդը]

2010-2011 խաղաշրջան[խմբագրել | խմբագրել կոդը]

Մխիթարյանի մարզումը Շախտյորի կազմում, 2010 թվական

Դոնեցկի Շախտյորը 2010-11 մրցաշրջանին 7․5 մլն ԱՄՆ դոլարով գնում է Մխիթարյանին[22]: Նրա նորամուտը կայացավ սեպտեմբերի 10-ին Օբոլոն Կիևի հետ արտագնա խաղում, 62֊րդ րոպեին նրան փոխարինեց Էդուարդոն[23], և խաղն ավարտվեց 1։0 հօգուտ Շախտյորի։ Մխիթարյանի տնային նորամուտը շատ ավելի հաջող ստացվեց։ Սեպտեմբրի 19֊ին, խաղի սկզբում նվազագույն հաշվով պարտվելով՝ Շախտյորին հաջողվեց 4։1 հաշվով հաղթել Տավրիա Սիմֆերոպոլին[24]։ Մխիթարյանն իր առաջին գոլը Շախտյորի կազմում հենց այս խաղում տոնեց։ Երեք օր անց նա իր առաջին խաղն անցկացրեց Ուկրաինայի գավաթում՝ խաղալով Կրիբվասի դեմ, որն էլ ավարտվեց 6։0 հաշվով հօգուտ «Շախտյորի»[25]։ Այս խաղում Մխիթարյանը հեղինակեց իր երկրորդ գոլը։ Սեպտեմբերի 25֊ին նա խաղի վերջին րոպեներին կարողացավ Մետալիստ Խարկովի դեմ արտագնա խաղում գոլ խփել՝ օգնելով թիմին հաղթել 2:1 հաշվով[26]։ Եվրոպայում նա իր դեբյուտը նշեց սեպտեմբերի 28֊ին Չեմպիոնների լիգայում խաղալով Սպորտինգ Բրագայի դեմ՝ հաղթելով 3։0 հաշվով[27]։ Նա հանդես է եկել նաև Ուկրաինայի գավաթի եզրափակիչ խաղում։ 81֊րդ րոպեին փոխարինելով Ժադսոնին՝ օգնեց Շախտյորին 2։0 հաշվով հաղթել Կիևի Դինամոյին[28]։ Նրա առաջին մրցաշրջանը չափազանց հաջող ընթացավ Շախտյորի կազմում, քանզի նրանք թրեբլ գրանցեցին (Պրեմիեր լիգա, Ուկրաինայի գավաթ, Ուկրաինայի Սուպեր գավաթ)[29]։

Բորուսիա Դորտմունդ[խմբագրել | խմբագրել կոդը]

2013 թվականի ամռանը Հենրիխ Մխիթարյանը «Շախտյորից» տեղափոխվեց գերմանական Դորտմունդ քաղաքի «Բորուսիա» ֆուտբոլային ակումբ։ Նրա տրանսֆերի համար «Բորուսիան» ուկրաինական ակումբին 27.5 միլիոն եվրո վճարեց, որով Հենրիխը դարձավ դորտմունդյան ակումբի ամենաթանկարժեք ձեռքբերումը։ Այժմ հայ կիսապաշտպանը համարվում է «Բորուսիայի» և Հայաստանի ազգային հավաքականի ֆուտբոլիստ[30]։

Հենրիխի տեղափոխության մասին լուրերը այդ ժամանակ մեծ քննարկումների առիթ էր դարձել։ Բազմաթիվ լրատվամիջոցներ գրում էին, որ «Լիվերպուլը» ցանկանում է գնել Մխիթարյանին, սակայն հետագայում լուրեր տարածվեցին նաև այն մասին, որ գործարքը չի կայանա երրորդ կողմի հետ անհամաձայնության պատճառով։

Մխիթարյանը տեղափոխությունը կարելի էր դասել բարդ տրանսֆերային գործարքների շարքին, քանի որ ֆուտբոլիստի տրանսֆերային իրավուքները պատկանում էին 3 կողմի՝ «Շախտյոր»-ին, «Փյունիկ»-ին և Դոնեցկի «Մետալուրգ»-ի սեփականատեր Օլեգ Մկրտչյանին: Բացի այդ, Հենրիխը ոչ մի կերպ չէր ցանկանում վերադառնալ «Շախտյոր», իսկ ուկրաինական ակումբը ոչ մի կերպ մտադիր չէր փոխզիջումների գնալ և իր առաջատարին բաց թողել։ Այնուամենայնիվ երկարատև ու խառը բանակցություններից հետո «Բորուսիա»-ն կարողացավ «Շախտյոր»-ի հետ ֆուտբոլիստի տրասնֆերի շուրջ ընդհանուր հայտարարի գալ։

Այստեղ կային նաև մի շարք գործոններ, որոնք ստիպեցին Հենրիխին ընտրել հենց «Բորուսիան»: Առաջինն իհարկե Եվրոպական թոփ-ակումբ տեղափոխվելն էր, որը նոր հեռանկարներ էր բացում Մխիթարյանի համար։ «Բորուսիա»-ն համարվում է Բունդեսլիգայի առաջատար ակումբներից մեկը, բացի դա Բունդեսլիգայում Մխիթարյանը կարող էր իր ամենալավ որակները ցուցադրել, քանի որ վերջին շրջանում Բունդեսլիգան մեծ քայլերով շարունակում է աճել ու տարեցտարի բարելավում է իր ցուցանիշները այլ լիգաների նկատմամբ։

Հենրիխ Մխիթարյանը

Այստեղ կային նաև այն ժամանակվա գլխավոր մարզիչ Յուրգեն Կլոպի և Մարիո Գյոթցեի գործոնները։ 2013 թվականին թիմը հրաժեշտ տվեց Մարիո Գյոտցեին և անհրաժեշտ էր նրան փոխարինող գտնել։ Գերմանացի երիտասարդ ֆուտբոլիստը հանդես էր գալիս կիսապաշտպանության առջևի գծում և շատ հաճախակի միանում էր թիմի գրոհներին։ Կլոպը նրան խաղադաշտում ազատ գործելու հնարավորություն էր ընձեռում։ Գյոթցեն «Բորուսիա»-ի կազմում ստեղծագործ ֆուտբոլիստներից մեկն էր, որն իր ոչ ստանդարտ գործողությունների շնորհիվ միշտ անակնկալի էր բերում մրցակիցներին և ավելի գունեղ էր դարձնում «Բորուսիա»-ի խաղը։ Հենց այդպիսի փոխարինող էլ փնտրում էր Կլոպը, և իհարկե գտավ նրան։ Հենրիխը կարողացավ ապացուցել, որ իզուր չի գերմանական ակումբը ձեռք բերել իր ամենաթանկարժեք տրանսֆերը։ Բացի դա, Յուրգեն Կլոպը կարողացավ «Բորուսիային» հասցել իր լավագույն մակարդակին։ Կլոպը վերակենդանացրեց երբեմնի հզոր գերմանական ակումբներից մեկին՝ հաղորդելով նոր շունչ և խաղային նոր փիլիսոփայություն։

Կա ևս մեկ հետաքրքիր ցուցանիշ, որը նպաստել է Հենրիխի տեղափոխվելուն. 580 հազար բնակչություն ունեցող Դորտմունդ քաղաքն ամբողջովին ապրում է «Բորուսիա» ֆուտբոլային ակումբով և իրենց սիրելի թիմի խաղերի ժամանակ 80.700 հանդիսատես տեղավորող մարզադաշտում ասեղ գցելու տեղ չի լինում։ Ակումբի տնային խաղերին միջինը ներկա են լինում 80.520 երկրպագու և այդ ցուցանիշով «Բորուսիա»-ն գլխավորում է Եվրոպայի ամենահաճախելի ֆուտբոլային ակումբների վարկանիշային ցուցակը։ Դորտմունդյան ակումբը տարեկան վաճառում է 50 հազարից ավելի տոմս։

«Բորուսիայում» Մխիթարյանի առաջին մրցաշրջանն այդքան էլ հարթ չընթացավ։ Նա հեղինակեց ընդամենը 9 գնդակ, և whoscored կայքի արդյունքներով Եվրոպայի հինգ առաջատար առաջնություններում հանդես եկող 100 լավագույն ֆուտբոլիստների դասակարգման աղյուսակում զբաղեցրեց 30-րդ հորիզոնականը՝ 7.58 միջին գնահատականով[31]: Բացի դա նա իր վրա մեծ ճնշում էր զգում, ինչպես նաև պատասխանատվության մեծ զգացում։

2014 թվականին Հենրիխ Մխիթարյանը ներառվել է FourFourTwo ամսագրի լավագույն ֆուտբոլիստների վարկանշային աղյուսակում՝ զբաղեցնելով 84-րդ հորիզոնականը[32]։

Հետագայում բազմաթիվ վնասվածքների և այլ պատճառներով տուժեց ինչպես Մխիթարյանի, այնպես էլ ողջ թիմի խաղը։ Այդ ժամանակաշրջանում «Բորուսիան» ցուցադրում էր իր ամենավատ խաղը։ Ակումբն անընդհատ վարկանիշային աղյուսակում հետընթաց էր ապրում, ինչի պատճառով էլ տուժում էր թիմի բոլոր ֆուտբոլիստների խաղը։ Գերմանիայի առաջնության 15-րդ տուրում կայացած «Հերտա»-«Բորուսիա» հանդիպման ընթացքում Մխիթարյանը վնասվածք ստացավ և հետ մնաց 6 շաբաթով։

Այդ ամենից հետո Յուրգեն Կլոպը լքեց «Բորուսիան» և տեղափոխվեց «Լիվերպուլ»: Հենրիխը Մխիթարյանը Կլոպի և իր ակումբի հետ միասին կարողացավ նվաճել Բունդեսլիգայի փոխչեմպիոնի տիտղոսը, դարձավ Գերմանիայի գավաթի ֆինալիստը, իսկ 2014 թվականին հռչակվեց Գերմանիայի սուպերգավաթակիր։ Այդ խաղում «Բորուսիան» հաղթեց Մխիթարյանի և Պիեռ Էմերիկ Օբամեյանգի գոլերի շնորհիվ։

2015 թվականի հուլիսի 1-ին Թոմաս Տուխելը 3 տարվա պայմանագիր կնքեց Դորտմունդի «Բորուսիայի» հետ։ Նա սկսեց թիմին մարզել և հենց այդ ժամանակ թիմը ծաղկում ապրեց։ Կարճ ժամանակում «Բորուսիան» ցույց տվեց իր իրական դեմքը։ Ակումբը վարկանիշային աղյուսակում բաձրացավ և ամրապնդվեց առաջին հորիզոնականներում՝ ցույց տալով իր լավագույն խաղը։

Aquote1.png Առաջին անգամ ես Տուխելի հետ հանդիպեցի անցած տարվա մարտին (2014 թվականին), և նա ինձ համոզեց մնալ «Բորուսիայում»: Ես մնացի, որովհետև մարդկանց պետք է ինչ-որ բան ապացուցեի: Անհրաժեշտ էր ցուցադրել, որ իզուր չեմ հայտնվել այստեղ: Նույն պատճառով ես ուզում եմ շարունակել ելույթներս դորտմունդյան թիմում: Արդյոք Տուխելը կարո՞ղ է համոզել ինձ՝ նաև հաջորդ մրցաշրջանում հանդես գալու «Բորուսիայի» կազմում: Հույս ունեմ: Առաջին քայլը նա կատարել է: Իսկ ինչո՞ւ չի կարող անել երկրորդը»[33]:
- Հենրիխ Մխիթարյան
Aquote2.png


2015 թվականի սեպտեմբերի 23-ին Հենրիխ Մխիթարյանը իր 100-րդ խաղն անցկացրեց Դորտմունդի «Բորուսիայի» կազմում։ Նոյեմբեր ամսվա դրությամբ Եվրոպայի լավագույն ռմբարկուների վարկանիշային աղյուսակում Մխիթարյանը զբաղեցնում է 8-րդ հորիզոնականը՝ 13 գոլով։ Հենրիխ Մխիթարյանը, Մարկո Ռոյսը և Պիեռ Էմերիկ Օբամեյանգը համարվում են Բորուսիայի և Եվրոպայի լավագույն տրիոներից մեկը։ Նրանց բաձր արդյունավետության և փոխանցումների շնորհիվ «Բորուսիան» պարբերաբար հաղթանակներ է տանում։

Aquote1.png «Շախտյոր»-ում իմ գլխավոր նպատակը գոլեր խփելն էր, քանի որ իմ բրազիլացի խաղընկերները ստեղծում էին գրոհներն ու կառավարում էին խաղը:«Բորուսիա»-ում ես կարող եմ կառավարել խաղը, գոլեր խփել, ու արդյունավետ փոխանցումներ կատարել: Այստեղ ես ամեն ինչ էլ կարող եմ: Եվ, փառք աստծո, կարող եմ լուծել այդ խնդիրները:Եվ ես մեծ հույս ունեմ, որ կշարունակեմ այսպես խաղալ[34]:
- Հենրիխ Մխիթարյան
Aquote2.png


Բորուսիայի 2015-2016 մրցաշրջանում 27–ամյա Մխիթարյանը Բունդեսլիգայի շրջանակում մասնակցել է թիմի 31 խաղին` դառնալով 11 գոլի և 16 գոլային փոխանցման հեղինակ։ Նա խաղադաշտում անցկացրել է 4383 րոպե։ Ընդհանուր առմամբ Մխիթարյանը «Բորուսիայի» կազմում մասնակցել է 140 հանդիպման եւ դարձել 41 գոլի հեղինակ։

Մանչեսթեր Յունայթեդ[խմբագրել | խմբագրել կոդը]

Հենրիխ Մխիթարյանը, Զլատան Իբրահիմովիչը և Խուան Մատան

2015 թվականի հունիսի 15-ին Մխիթարյանի գործակալ Մինո Ռայոլան հայտարարեց, որ իր ներկայացուցիչը ցանկանում է տեղափոխվել «Մանչեսթեր Յունայթեդ»։

Aquote1.png Յունայթեդ» տեղափոխվելու հնարավորություն կյանքում մեկ անգամ է ընձեռվում, և Միկին ուզում է օգտվել այդ հնարավորությունից: Մի քանի ամիս առաջ «Բորուսիայի» ղեկավարության ներկայացուցիչները նրան ասացին, որ կարող է հեռանալ այս ամառ, սակայն հիմա սկսեցին վախենալ սեփական երկրպագուներից և հանկարծ սկսեցին խոսել այն մասին, որ Մխիթարյանը պետք է մնա ևս մեկ սեզոն` մինչև պայմանագրի ժամկետի ավարտը։ Սա վատ բիզնես է, նրանք Հումելսին տալիս են իրենց երդվյալ թշնամուն, սակայն միաժամանակ թույլ չեն տալիս Միկիին հեռանալ։ Այսպես չի լինի Aquote2.png


Հունիսի 23-ին մի շարք հայկական լրատվամիջոցներ սկսեցին հաղորդել Հենրիխ Մխիթարյանի` «Մանչեսթեր Յունայթեդ» տեղափոխության մասին` նշելով, որ անգլիական ակումբը համաձայնել է վճարել պահանջվող 40 մլն եվրոն, մինչդեռ «Բորուսիայի» համաձայնության մասին ոչ մի հստակ տեղեկատվություն չկար։ Միակ լուրը եղել է այն, որ դորտմունդցիներն այժմ ավելի մեղմ են տրամադրված, ու բաց կթողնեն ֆուտբոլիստին, եթե նրանց վճարվի պահանջվող գումարը։ Հունիսի 28-ին The Guardian-ը, SkySports-ը հայտնեցին, որ ակումբների միջև համաձայնությունն արդեն կա, իսկ ավելի ուշ դա հաստատեց նաև գերմանական աղբյուր Ruhr Nachrichten-ը: Հաղորդվում էր 26,3 մլն ֆունտի շուրջ պայմանավորվածության մասին։ Ավելի ուշ ասվեց, որ Մխիթարյանը ինքն է վճարելու իր տրանսֆերի մի մասը։ Ոչ ամենաարժանահավատ աղբյուրներից հաղորդվում էր նաև, որ Մխիթարյանը կնքելու է 4 տարվա պայմանագիր ու ստանալու տարեկան 12 մլն ֆունտ։ Դորտմունդի «Բորուսիայի» գործադիր տնօրեն Հանս-Յոահիմ Վացկեն նշել էր, որ դժվար է որոշում կայացնել Մխիթարյանի տեղափոխության շուրջ, նրա տրանսֆերի հարցը պետք է լուծվի մինչեւ հուլիսի 4-ը, երբ թիմը սկսելու է նախամրցաշրջանային հավաքը։

Ի վերջո հուլիսի 6-ին Անգլիական «Մանչեսթեր Յունայթեդը» պաշտոնապես հայտարարեց Դորտմունդի «Բորուսիայի» արդեն նախկին կիսապաշտպան Հենրիխ Մխիթարյանի տեղափոխության մասին[35]: Նրա տրանսֆերն անգլիական ակումբի վրա արժեցել է ռեկորդային 42 մլն եվրո, որով 27-ամյա ֆուտբոլիստը դարձել է հետխորհրդային տարածշրջանի երկրների ամենաթանկ ֆուտբոլիստը։ Նախկինում այդ ռեկորդը պատկանում էր ուկրաինացի հարձակվող Անդրեյ Շեւչենկոյին, ով 2006 թվականին իտալական «Միլանից» անգլիական «Չելսի» տեղափոխվեց 40 մլն եվրոյի դիմաց[36]: Մխիթարյանը համարվում է նաև մանչեսթերցիների կազմում հանդես եկած 40-րդ ազգության, ինչպես նաև առաջին հայ ֆուտբոլիստը[37]: Նրա աշխատավարձը Մանչեսթերում կազմելու է տարեկան 12.5 մլն եվրո։ Բացի այդ, Հենրիխը 8 մլն եվրո բոնուս կստանա «կարմիր սատանաներին» միանալու համար։ MUTV-ին տված հարցրազրույցում Հենրիխը նշել է, որ «Մանչեսթեր Յունայթեդը» հանդիսանում է աշխարհի մեծագույն ակումբներից մեկը, այդ իսկ պատճառով նա չէր կարող մերժել այդ առաջարկը[38]: Նա իր նոր ակումբում հանդես է գալու 22 համարի մարզաշապիկով։

Տեղափոխությունից անմիջապես հետո Հենրիխն իր ֆեյսբուքյան էջում գրառում կատարեց՝ ուղղված «Բորուսիայի» երկրպագուներին։

Aquote1.png Հարգելի ընկերներ: Ցանկանում եմ օգտվել այս հնարավորությունից ու շնորհակալություն հայտնել «Բորուսիայում» բոլորին՝ ղեկավարությունից մինչեւ մարզչական շտաբ, թիմակիցներիս ու երկրպագուներին՝ ցուցադրած սիրո ու աջակցության համար: Երբեք չեմ մոռանա այն պահերը, որոնք միասին կիսել ենք վերջին երեք տարիներին: Երբ վերադառնում եմ արմատներիս ու հորս ֆուտբոլային կարիերային, ապա ինձ սովորեցրել են ընդունել նոր մարտահրավերները: Պետք է կատարեմ այս քայլը եւ միանամ «Մանչեսթեր Յունայթեդին»: Շնորհակալություն լավ հուշերի համար: Դուք միշտ յուրահատուկ տեղ կունենաք իմ սրտում
- Հենրիխ Մխիթարյան
Aquote2.png


Իր նորամուտը անգլիացիների կազմում Հենրիխը նշեց հուլիսի 16-ին՝ «Ուիգանի» հետ ընկերական խաղում՝ դաշտում անցկացնելով 45 րոպե: Առհասարակ Մխիթարյանն իր բոլոր նորամուտի խաղերում աչքի է ընկել արագությամբ, գոլերով, ինպես նաև գոլային փոխանցումներով[39]: «Ուիգանի» հետ խաղից հետո, հուլիսի 20-ին Մխիթարյանն իր ակումբի հետ մեկնեց Չինաստան, որտեղ «Յունյթեդն» անցկացնելու էր ուսումնամարզական հավաք: Հուլիսի 22-ին Շանհայում կայացավ International Champions Cup-ի «Մանչեսթեր Յունայթեդ» – «Բորուսիա Դորտմունդ» մրցավեճը, որտեղ Մխիթարյանը խփեց իր առաջին գոլը մանչեսթերցիների կազմում։ Խաղն ավարտվեց 4:1 հաշվով՝ «Բորուսիայի» հաղթանակով[40]:

Խաղաոճ[խմբագրել | խմբագրել կոդը]

Մխիթարյանը հանդես է գալիս հարձակվողական ոճով կիսապաշտպանի և ենթահարձակվողի դիրքերում։ Նա մասնագիտացել է հարձակվողների ետևից խաղում։ Դա նրան հնարավորություն է տալիս համատեղ աշխատել թիմակիցների հետ և՛ իր դիրքում, և՛ դիրքից դուրս։ «Կոտրելով» մրցակցի պաշտպանական շղթան, Հենրիխը հարձակվողների համար ստեղծում է ազատ տարածություն, ինչն իր հերթին բերում է գոլային բազում հնարավորությունների։ Նա գովասանքի է արժանացել իր տեխնիկայի, շարժունակության, ճշգրիտ փոխանցումների, դրիբլինգի, ստեղծագործ խաղի, ինչպես նաև գնդակ պահելու կարողության և աշխատասիրության համար։ Նա տիրապետում է բարդ և վտանգավոր հարվածների, պաշտպաններին ճարպկորեն շրջանցելու հնարքների և դեպի փոխացումը գնալու հրաշալի հմտությամբ[41][42]։

2012-2013 մրցաշրջանի ընթացքում շոտլանդացի նախկին ֆուտբոլիստ Փեթ Նևինը հետևյալ կերպ է արտահայտվել Մխիթարյանի մասին.

Aquote1.png Առաջնության 8 խաղում 11 գոլ խփելը արդեն ֆանտաստիկ է, բայց երբ այդ ամենին ավելանում է այն փաստը, որ նա կիսապաշտպան է, դա արդեն ֆենոմենալ է։ Եթե դուք նրա մասին դեռ չեք լսել, եթե անգամ Եվրոպայի գերակումբների գործակալները նույնպես չեն լսել նրա մասին, ապա դուք շուտով կիմանաք նրան։ Նա ունի արագություն, թնդանոթային հարված և արագ խաղի մեջ մտնելու կարողություն՝ Ֆրենկ Լեմպարդի նման։ Այս բոլոր հատկանիշների շնորհիվ նա պետք է հաճախ աչքի ընկնի[43]։ Aquote2.png


Քաղվածքներ[խմբագրել | խմբագրել կոդը]

  • Ես «Բորուսսիայի» մասնիկ եմ ու երջանիկ եմ։ Ես փորձում եմ ամեն ինչ անել թիմի համար, ու կարծես թե հիմա գործերը լավ են ընթանում, այնպես որ ես երջանիկ եմ։ Փորձում եմ խաղալ այն խաղը, որը բոլորը սպասում են ինձնից։ Կարող եմ ասել, որ այս տարի բախտս էլ է բերում։ Գոլեր եմ խփում, փոխանցումներ կատարում, ուրախ եմ դրա համար։ Ինձ համար դա լավ է, բայց բավարար չէ, այնպես որ պետք է շարունակեմ աշխատել ու առաջ շարժվել։ Փորձելու եմ ավելի շատ խփել, ավելի շատ գոլային փոխանցումներ կատարել, քանի որ դա լավ է թե՛ ինձ, թե՛ թիմի համար։ Ես չեմ կարող բավարարվել ձեռք բերածով, պետք է շարունակեմ աշխատել ամեն օր:[44]
  • Չգիտեմ, թե այդ գաղափարն ակումբում ինչպես է ծագել։ Բայց ինձ շատ հաճելի է, որ 50 հազարանոց մարզադաշտում ամեն գոլիցս հետո հնչում է «Սուսերով պարը», որովհետև ցանկացած մարդ պետք է ծանոթ լինի հայկական մշակույթին, հայ ժողովրդին։ Ինձ համար դա մեծ պատիվ է:[45]
  • Ցանկացած մարդ ունի տաղանդ և պետք է գտնի իր տաղանդն այն բնագավառում, որում ուժեղ է։ Եթե ֆուտբոլիստն օժտված է ֆուտբոլային տաղանդով, միայն դրանով չի կարող առաջ գնալ, պիտի կարողանա տաղանդը համատեղել աշխատանքի և նվիրվածության հետ։ Դա նույնն է, որ ինչ-որ նկարիչ լավ նկարի, բայց չգնա նկարչության։ Ամեն մարդ պիտի կարողանա գտնել իր ճիշտ ուղին
  • Ես սկսել եմ «Մանչեսթեր Յունայթեդ»-ի խաղերը նայել, երբ Էրիկ Կանտոնան դեռ թիմում էր և ինձ դուր էր գալիս նայել նրա խաղը: Հետևում էի նաև Անդրեյ Կանչելսկիսի խաղին, քանի որ ռուս էր, ինձ հետաքրքիր էր թվում նրա խաղը: Բայց մեծաապես երկրպագել եմ Ալեքս Ֆերգյուսոնին: Սակայն պրոֆեսիոնալ ֆուտբոլիստ դառնալու ընթացում երկրպագել եմ Զինեդին Զիդանին: Եվ հարց նրանում չէր, թե ինչեր է նա անում խաղադաշտում, այլ այն, որ նա կարողանում էր իր հետևից տանել ամբողջ թիմը:
  • Ես 7 տարեկան էի, երբ սկսեցի մարզվել «Փյունիկում»։ Շատ երջանիկ էի, երբ հետագայում միացա «Փյունիկի» հիմնական թիմին։ Դա իմ կարիերայի վաղ շրջանի ամենահուզիչ պահերից մեկն էր ինձ համար։ Ես միշտ երազել եմ պրոֆեսիոնալ ֆուտբոլիստ դառնալու մասին, և երբ երազանքդ կատարվում է, և դու սկսում ես քո ճանապարհը, դու անհավանական երջանկություն ես զգում։ Երբ ես տեղափոխվեցի իմ առաջին արտասահմանյան ակումբը՝ Դոնեցկի «Մետալուրգ», հասկացա, որ կարող եմ շարունակել առաջխաղացումս և ֆուտբոլային լավ կարիերա ունենալ։
  • Երբեմն ֆուտբոլիստի կարիերայի ընթացքում լինում են դժվար ժամանակներ, բայց երբեք պետք չէ հանձնվել։ Երբեմն կարող ես ունենալ մտքեր, որ պետք է կանգ առնել։ Դա մարդկային բնական զգացողություն է, բայց դա չի կարող քեզ ստիպել դադարեցնել այն, ինչ դու սկսել ես։ Դու պետք է ուժ գտնես վատ մտքերը վանելու համար։
  • Իմ հաջողության գաղտնիքն այն էր, որ ես երբեք չեմ դադարել աշխատել և երբ ես խփեցի 25 գոլ, դա ոչ միայն իմ, այլ ամբողջ թիմի՝ «Շախտյոր»-ի աշխատանքի արդյունքն էր։ Այդ ժամանակ մենք շատ ուժեղ թիմ ունեինք՝ Դուգլաս Կոստա, Վիլիան, Ֆերնանդինյո, Դարիո Սռնա, դա «հանքափորների» պատմության մեջ լավագույն թիմն էր [46]։
  • Իմ գաղտնիքը շատ պարզ է։ Ողջ կյանքիս ընթացքում ինձ շրջապատել և շրջապատում են գերազանց մարդիկ, ովքեր օգնում են, աջակցում են անհաջողությունների դեպքում, չեն թողնում գոռոզանամ հաջողությունների դեպքում։ Դրա համար կարող եմ շնորհակալ լինել Աստծուց։
  • Ես շատ շնորհակալ եմ Նիկոլայ Կոստովին, որովհետև նրանից ես շատ բան սովորեցի տակտիկական գրագիտության առումով։ Նա միշտ կարողանում էր ինձնից քաղել առավելագույնը։ Միրչա Լուչեսկուն ինձ հնարավորություն տվեց միանալ Ուկրաինայի լավագույն ակումբին և խաղալ Չեմպիոնների լիգայում։ Նա կառուցել էր ակումբի պատմության կազմում լավագույն թիմը՝ բրազիլացի բոլոր ֆուտբոլիստներով հանդերձ, և նրա հետ աշխատելը ևս մեծ փորձ էր ինձ համար։ Յուրգեն Կլոպը վստահեց ինձ և դարձրեց թիմի կարևորագույն խաղացողներից մեկը։ Նա ինձ հետ շատ աշխատանք էր տանում հոգեբանական առումով։ Թոմաս Տուխելը տվեց ինձ բոլոր հնարավորությունները, լիակատար վստահություն հաղորդեց, և ամեն ինչ սկսեց գնալ իր բնականոն հունով։ Ես այնքան ազատ էի իմ գործողություններում նրա օրոք, որ կարծես ճախրեի օդում․․․ Ինչ վերաբերում է Ժոզե Մոուրինյոին, ես հուսով եմ շատ բան սովորել նրանից։ Նա ֆանտաստիկ նվաճումների հասած մարզիչ է։
  • Ամեն մարդ ինքն ավելի լավ գիտի, ինչից սկսել: Ես ինքս սկսել եմ վաղ տարիքից, ֆուտբոլ խաղացել, գումար վաստակել, ինձ եւ ընտանիքիս ապահովել, արել եմ ամեն բան, ընտանիքիս օգնելու համար: Պետք է քչից սկսել, հավատալ սեփական ուժերին, ընտրել այն ճանապարհը, որով կկարողանաս հաջողության հասնել, ոչ թե ժամանակը վատնել ոչինչ չանելու վրա:
  • Ես շատ հասարակ մարդ եմ, և, ինձ թվում է, մնացել եմ այնպիսին, ինչպիսին 5 կամ 7 տարեկան էի: Ինձ համար կարևոր է, որպեսզի բոլորն, ովքեր ինձ գիտեն, ասեն՝ Հենրիխ Մխիթարյանը չի փոխվել ո՛չ «Շախտյոր» տեղափոխվելուց, ո՛չ էլ Հայաստանի և ԱՊՀ լավագույն ֆուտբոլիստ ճանաչվելուց հետո, ես շատ լավ գիտակցում եմ, որ աստղային հիվանդությունը ճանապարհ է դեպի սրընթաց անկում։


Կարծիքներ Մխիթարյանի մասին[խմբագրել | խմբագրել կոդը]

Aquote1.png Նա լավ ընկեր է իր ընկերների համար, շատ համեստ է, խելացի, շատ կոռեկտ ու զուսպ։ Նա նույն համեստ և լավ ֆուտբոլիստն է։ Հիմա էլ ավելի փորձառու է դարձել։ Կարծում եմ՝ նորմալ է, որ մարդը չի փոխվել, որ ոչինչ չի կարողացել իրեն փոխել. ոչ այն, որ նա լավ ակումբում է խաղում, ոչ այն, որ ավելի շատ գումար է վաստակում։ Նա իրեն պահում է այնպես, ինչպես միշտ եղել է և դա շատ ուրախալի է։ Ես Հենրիխին միշտ համեստ եմ հիշում։ Նա շատ է սիրում կատակներ անել և հասկանում է ուրիշների արած կատակները։ Ինչպես նրան տեսնում եք խաղադաշտում, նա այդպիսին է նաև խաղադաշտից դուրս։ Դա շատ լավ է, որովհետև բազմաթիվ ֆուտբոլիստներ գիտեմ, ում խաղադաշտում բոլորը սիրում են, բայց կյանքում այդքան էլ սիրված անձինք չեն։ Կարծում եմ՝ Հենրիխը սիրված անձնավորություն է։ Ցանկացած խաղի նա ցույց է տվել, որ ինքն առաջատար է։ Ցանկացած խաղի ժամանակ օգուտ է տվել թիմին, որպես առաջատար տարել է թիմին իր ետևից՝ թե խոսքերով, թե գործով։ Aquote2.png


Aquote1.png Հենրիխը շատ հանգիստ բնավորության տեր մարդ է, կրթված է, հավասարակշռված, շատ ընկերասեր, մարդամոտ, ուրախ և հետաքրքիր։ Միայն մի բան կարող եմ ասել. որքան ժամանակ որ ճանաչում եմ Հենրիխին, նա այդ ժամանակից ի վեր չի փոխվել։ Փոքր տարիքում Հենոն շատ աշխատասեր էր և սովորելու մեծ ընդունակություն ուներ։ Կարելի է ասել՝ խաղադաշտում շատ էմոցիոնալ է, իսկ խաղադաշտից դուրս շատ հանգիստ ու հասարակ։ Նրա բնավորության գծերից մեկն այն է, որ ունի հաղթողի բնավորություն ու ամեն օր, ամեն ժամ սիրում է կատարելագործվել։ Հենրիխը միշտ ձգտում է խաղալ լավ ակումբներում և հույս ունեմ, որ օրերից մի օր նրան կտեսնենք ավելի լավ առաջնությունում, ինչպիսիք են Անգլիայի և Իսպանիայի առաջնությունները։ Իսկ Գերմանիայում նա միայն առաջընթաց է ապրում։ Հենրիխը միշտ էլ մեծ սիրով է հավաքական գալիս և միշտ մեծ օգուտ է տալիս հավաքականին։ Նա բոլոր խաղերում 100% նվիրվածությամբ է խաղացել։ Aquote2.png


Aquote1.png Հենրիխն անչափ տաղանդավոր ֆուտբոլիստ է, ով օգտակար է եղել իր նախկին ակումբին՝ «Բորուսիային», եւ ազգային հավաքականին: Նա թիմային ֆուտբոլիստ է, ով հրաշալի հնարավորություններ ունի: Մխիթարյանը տեսնում է խաղադաշտը եւ աչքի է ընկնում գոլային հոտառությամբ: Ուրախ եմ, որ նա ընտրեց «Մանչեսթեր Յունայթեդը»: Հավատում եմ, որ նա շատ արագ կհարմարվի թիմին, քանի որ նրա խաղաոճը համապատասխանում է Անգլիայի Պրեմիեր լիգային: Մենք անհամբերությամբ սպասում ենք Հենրիխի հետ աշխատելուն, նա թոփ մակարդակի ֆուտբոլիստ է: 27-28 տարեկանների շրջանում լավագույններից մեկն է: Նա հիանալի է, ֆուտբոլային մտքի մանևրումները շատ արագ են ստացվում: Այնքան լավ է, երբ նա գնդակով է: Aquote2.png


Aquote1.png Հենրիխը «Բորուսիայում» է եղել երեք տարի։ Եթե անկեղծ լինենք, մեկնարկային երկու մրցաշրջանները նրա համար հեշտ չէին։ Նա այնպիսի ֆուտբոլիստ է, ում վստահություն է հարկավոր սեփական ուժերի հանդեպ։ Նրան անհրաժեշտ է անընդհատ խաղալ, ինքնահաստատվել ու ավելի լավը դառնալ։ «Բորուսիան» այն ժամանակ լավ չէր խաղում, ու հարմարվելը Հենրիխի համար հեշտ չէր։ Մխիթարյանը որոշակի խնդիրներ ուներ։ Սակայն նախորդ մրցաշրջանում նա անհավանական խաղ ցուցադրեց։ Հնարավոր է՝ նա նախորդ 2015-2016 մրցաշրջանում «Բորուսիայի» ամենակարևոր խաղացողն էր։ Եթե նա այդկերպ շարունակի, ապա մեծ ազդեցություն կունենա «Մանչեսթեր Յունայթեդի» խաղի վրա։ Նրան մաղթում եմ լավագույնը Aquote2.png


Հետաքրքիր փաստեր[խմբագրել | խմբագրել կոդը]

  • Պոլիգլոտ է, տիրապետում է 8 լեզուների՝ հայերեն, ռուսերեն, ուկրաիներեն, ֆրանսերեն, անգլերեն, պորտուգալերեն, իտալերեն և գերմաներեն:
  • Սիրած ֆիլմն է «300 սպարտացիները»։
  • Եթե չդառնար ֆուտբոլիստ, ապա դառնալու էր վազորդ:
  • Բորուսիայի պատմության մեջ Մխիթարյանի ձեռքբերումը Շախտյորից հանդիսանում է ամենաթանկ տրանսֆերը:
  • Նրա սիրած զբաղմունքներից մեկն ընթերցանությունն է, բացի այդ սիրում է շախմատ, սեղանի թենիս, ծովային ֆուտբոլ:
  • Մանկության ամենասիրելի թիմը «Արսենալն» է։
  • Առաջին խաղը, որ դիտել է ստադիոնում 1996 թվականին կայացած Հայաստան-Գերմանիա խաղն է։
  • Սիրած վայրը Երեւանում Թումանյան փողոցն է:
  • Հենրիխն իրեն համարում է ֆատալիստ:
  • Մայրական տատիկը ռուս է։
  • Մանուկ ժամանակ վախեցել է մթից:
  • Քաղցրակեր է, շատ է սիրում շոկոլադ և պաղպաղակ:
  • Լսում է Ար ընդ Բի, փոփ, իսկ երբեմն էլ ռեփ երաժշտություն։
  • Սիրելի գույներն են սպիտակը եւ կապույտը։
  • Մխիթարյանն ամենաշատ լեզուներն իմացող ֆուտբոլիստն է աշխարհում (7 լեզու՝ հայերեն, գերմաներեն, անգլերեն, իտալերեն, ֆրանսերեն, ռուսերեն, պորտուգալերեն:)[47]
  • Ըստ Transfermarkt.com-ի Հենրիխի տրանսֆերային արժեքը կազմում է 22 մլն եվրո, բայց Բորուսիան նրա համար վճարել է 27.5 մլն եվրո։
  • Հաճախ է զբաղվում բարեգործությամբ, սակայն չի սիրում բարձրաձայնել դրանց մասին, քանի որ բարեգործությունը համարում է յուրաքանչյուր մարդու պարտքը։[48]
  • 2012/2013 մրցաշրջանում Մխիթարյանը «Շախտյորում» ամենաշատ խաղաժամանակ ստացած ֆուտբոլիստն է՝ 2507 րոպե, մասնակցել է 29 խաղի։ Խփել է ռեկորդային 25 գոլ, ընդ որում ձևակերպելով 1 հեթ-տրիկ, 6 դուբլ, և ընդամենը մեկ 11 մետրանոց հարվածի իրացում։
  • Երկրպագուները և խաղընկերները Հենրիխին հաճախ անվանում են Միկի կամ MagicTaryan, իսկ ռուսները՝ Самый лучший из армян – это Генрих Мхитарян (լավագույնը հայերից Հենրիխն է Մխիթարյան
  • Պաշտոնական խաղերում խփել է 150 գնդակ։[49]
  • Առաջին հայն է, ով խաղացել է «Մանչեսթեր Յունայթեդում» և Պրեմիեր լիգայում։

Ակումբային վիճակագրություն[խմբագրել | խմբագրել կոդը]

Մրցաշրջան Ակումբ Առաջնություն Գավաթ Եվրոգավաթ Ընդհանուր
Football pictogram.svg Soccerball.svg Football pictogram.svg Soccerball.svg Football pictogram.svg Soccerball.svg Football pictogram.svg Soccerball.svg
2006 Փյունիկ ՀԲԽ 12 1 ՀԱԳ 0 0 12 1
2007 ՀԲԽ 24 12 ՀԱԳ 0 0 ՉԼ 4 0 28 12
2008 ՀԲԽ 24 6 ՀԱԳ 6 3 ՉԼ 2 0 32 9
2009 ՀԲԽ 10 11 ՀԱԳ 3 2 13 13
Ընդհանուր 70 30 11 5 6 0 87 35
2009-10 Մետալուրգ Դոնեցկ ՈւՊԼ 29 9 ՈւԳ 2 1 ԵԼ 6 4 37 14
2010-11 ՈւՊԼ 8 3 ՈւԳ 0 0 8 3
Ընդհանուր 37 12 2 1 6 4 45 17
2010-11 Շախտյոր Դոնեցկ ՈւՊԼ 17 3 ՈւԳ 3 1 ՉԼ 7 0 27 4
2011-12 ՈւՊԼ 26 10 ՈւԳ 5* 1 ՉԼ 6 0 37 11
2012-13 ՈւՊԼ 29 25 ՈւԳ 5** 2 ՉԼ 8 2 42 29
Ընդհանուր 72 38 13*** 4 21 2 104 44
2013-14 Բորուսիա Դորտմունդ ԲԼ 31 9 ԳԳ 4 2 ՉԼ 10 2 45 13
2014-15 ԲԼ 2 0 ԳԳ 2 2 ՉԼ 0 0 4 2
Ընդհանուր 33 9 6 4 10 2 49 15
Ընդհանուր կարիերայում 212 89 30 14 43 8 285 111

2014 թվականի սեպտեմբերի 7-ի դրությամբ
Աղբյուր [5]
*-որից 1-ը՝ Ուկրաինայի 2012 թվականի սուպերգավաթում
**-որից 1-ը՝ Ուկրաինայի 2013 թվականի սուպերգավաթում
***-ներառյալ խաղերը Ուկրաինայի սուպերգավաթներում

Միջազգային կարիերա[խմբագրել | խմբագրել կոդը]

Մխիթարյանը Հայաստանի հավաքականում իր նորամուտը նշեց 2007 թվականի հունվարի 14-ին, Պանամայի հետ ընկերական խաղում։

Միջազգային գոլեր[խմբագրել | խմբագրել կոդը]

Ամսաթիվ Մրցավայր Մրցակից Հաշիվ Վերջնական հաշիվ Մրցույթ
1 Մարտի 28, 2009 «Հանրապետական» մարզադաշտ, Երևան, Հայաստան Էստոնիա Էստոնիա 1-0 2-2 Ֆուտբոլի աշխարհի առաջնություն 2010 (Ընտրական փուլ)
2 Մայիսի 25, 2010 «Հանրապետական» մարզադաշտ, Երևան, Հայաստան Ուզբեկստան Ուզբեկստան 1-0 3 - 1 Ընկերական հանդիպում
3 Հոկտեմբերի 8, 2010 «Հանրապետական» մարզադաշտ, Երևան, Հայաստան Սլովակիա Սլովակիա 3-1 3-1 Ֆուտբոլի Եվրոպայի առաջնություն 2012 (Ընտրական փուլ)
4 Հոկտեմբերի 12, 2010 «Հանրապետական» մարզադաշտ, Երևան, Հայաստան Անդորա Անդորրա 2-0 4-0 Ֆուտբոլի Եվրոպայի առաջնություն 2012 (Ընտրական փուլ)
5 Սեպտեմբերի 2, 2011 «Estadi Comunal d'Aixovall» մարզադաշտ, Անդորրա լա Վելլա, Անդորրա Անդորա Անդորրա 3-0 3-0 Ֆուտբոլի Եվրոպայի առաջնություն 2012 (Ընտրական փուլ)
6 Սեպտեմբերի 6, 2011 «Štadión pod Dubňom» մարզադաշտ, Ժիլինա, Սլովակիա Սլովակիա Սլովակիա 2-0 4-0 Ֆուտբոլի Եվրոպայի առաջնություն 2012 (Ընտրական փուլ)
7 Հոկտեմբերի 7, 2011 «Հանրապետական» մարզադաշտ, Երևան, Հայաստան Մակեդոնիայի Հանրապետություն Մակեդոնիա 2-0 4-1 Ֆուտբոլի Եվրոպայի առաջնություն 2012 (Ընտրական փուլ)
8 Հոկտեմբերի 11, 2011 «Aviva Stadium» մարզադաշտ, Դուբլին, Իռլանդիա Իռլանդիա Իռլանդիա 1-2 1-2 Ֆուտբոլի Եվրոպայի առաջնություն 2012 (Ընտրական փուլ)
9 Հոկտեմբերի 12, 2012 «Հրազդան» մարզադաշտ, Երևան, Հայաստան Իտալիա Իտալիա 1-1 1-3 Ֆուտբոլի աշխարհի առաջնություն 2014 (Ընտրական փուլ)
10 Նոյեմբերի 14, 2012 «Հանրապետական» մարզադաշտ, Երևան, Հայաստան Լիտվա Լիտվա 3-0 4-2 Ընկերական հանդիպում
11 Հունիսի 11, 2013 «Պարկեն» մարզադաշտ, Կոպենհագեն, Դանիա Դանիա Դանիա 4-0 4-0 Ֆուտբոլի աշխարհի առաջնություն 2014 (Ընտրական փուլ)
12 Հոկտեմբերի 15, 2013 «Սան Պաոլո» մարզադաշտ, Նեապոլ, Իտալիա Իտալիա Իտալիա 2-1 2-2 Ֆուտբոլի աշխարհի առաջնություն 2014 (Ընտրական փուլ)
13 Մայիսի 27, 2014 «Ստադ դե լա Ֆոնտենետ» մարզադաշտ, Կարուժ, Շվեյցարիա ԱՄԷ ԱՄԷ 2-1 4-3 Ընկերական հանդիպում
14 3-2
15 Հունիսի 6, 2014 «Կոֆաս» մարզադաշտ, Մայնց, Գերմանիա Գերմանիա Գերմանիա 1-1 1-6 Ընկերական հանդիպում
16 Սեպտեմբեր 7, 2014 «Պարկեն» մարզադաշտ, Կոպենհագեն, Դանիա Դանիա Դանիա 1-0 0-1 Ֆուտբոլի Եվրոպայի առաջնություն 2016 (Ընտրական փուլ)

Նվաճումներ[խմբագրել | խմբագրել կոդը]

Ակումբային[խմբագրել | խմբագրել կոդը]

ՀայաստանՓյունիկ ՖԱ
ՈւկրաինաՇախտյոր Դոնեցկ

Գերմանիա Բորուսիա Դորտմունդ

Անգլիա Մանչեսթեր Յունայթեդ

Անձնական[խմբագրել | խմբագրել կոդը]

Աղբյուրներ[խմբագրել | խմբագրել կոդը]

  1. Henrikh Mkhitaryan | National Football Teams
  2. Հենրիխ Մխիթարյանը դարձավ ՅՈւՆԻՍԵՖ-ի բարի կամքի դեսպան
  3. Ալ. Գրիգորյանին, Ռ. Վահանյանին և Հ. Մխիթարյանին հանձնվել են Երևանի պատվավոր քաղաքացու կոչումներ
  4. Հենրիխ Մխիթարյանը՝ Հայաստանի տարվա լավագույն ֆուտբոլիստ
  5. «Հենրիխ Մխիթարյան. Գնահատում եմ նույնիսկ իմ թշնամիներին, որոնք ինձ ավելի ուժեղ են դարձնում [Henrikh Mkhitaryan: I even value my enemies, because they make me stronger]»։ Tert.am (Armenian)։ մայիսի 14, 2011։ Վերցված է 2012 թ․ հունիսի 14 
  6. «Sabre Dance by Henrikh Mkhitaryan»։ Ukrainian Football 1894։ օգոստոսի 16, 2012։ Վերցված է 2012 թ․ օգոստոսի 22 
  7. Yokhin Michael (հոկտեմբերի 2, 2012)։ «Juve been warned: Henrikh Mkhitaryan is Europe's most in-form player»։ goal.com։ Վերցված է 2013 թ․ մարտի 1 
  8. «Henrikh Mkhitaryan: I never take the praise, if I know that I played badly»։ panorama.am։ փետրվարի 27, 2013։ Վերցված է 2013 թ․ մարտի 3 
  9. «Armenia’s got talent»։ shakhtar.com։ դեկտեմբերի 9, 2012։ Վերցված է 2013 թ․ մարտի 1 
  10. «Հենրիխ Մխիթարյան. Հատկապես ուրախ եմ եղել 15 տարեկանում "Փյունիկում" ստացած առաջին աշխատավարձիս» (Armenian)։ sport.news.am։ հունվարի 11, 2013։ Վերցված է մարտի 1, 2013 
  11. «Sky Sports Scout – Henrikh Mkhitaryan»։ www.skysports.com։ հունիսի 18, 2013։ Վերցված է օգոստոսի 22, 2012 
  12. Chakhoyan Khachik (մայիսի 22, 2009)։ «Mkhitaryan worthy of a higher calling»։ UEFA.com։ Վերցված է մարտի 1, 2013 
  13. «Metalurh vs Partizan Minsk»։ Soccerway։ հուլիսի 16, 2009։ Վերցված է սեպտեմբերի 20, 2012 
  14. «Metalurh vs Dnipro 0–0»։ Soccerway։ հուլիսի 19, 2009։ Վերցված է սեպտեմբերի 20, 2012 
  15. «Karpaty vs Metalurh 2–2»։ Soccerway։ հուլիսի 26, 2009։ Վերցված է սեպտեմբերի 20, 2012 
  16. «Interblock vs Metalurh 0–3»։ Soccerway։ օգոստոսի 6, 2009։ Վերցված է սեպտեմբերի 20, 2012 
  17. Dereyan Antranig (հունվարի 29, 2011)։ «Henrikh Mkhitaryan: ‘The Maestro’ of Armenian Soccer»։ www.armenianweekly.com։ Վերցված է օգոստոսի 22, 2012 
  18. «Metalurh vs Obolon 3–0»։ Soccerway։ հուլիսի 16, 2010։ Վերցված է սեպտեմբերի 20, 2012 
  19. «Dnipro vs Metalurh 1–2»։ Soccerway։ օգոստոսի 30, 2010։ Վերցված է սեպտեմբերի 20, 2012 
  20. «H. Mkhitaryan»։ Soccerway։ Global Sports Media։ Վերցված է հունվարի 21, 2012 
  21. «Henrikh Mkhitaryan seals FC Shakhtar switch»։ shakhtar.com։ օգոստոսի 30, 2010։ Վերցված է սեպտեմբերի 20, 2012 
  22. Генрих Мхитарян – игрок "Шахтера" (Russian)։ Shakhtar.com։ օգոստոսի 30, 2010։ Վերցված է հուլիսի 21, 2013 
  23. «Obolon vs Shakhtar 1–0»։ Soccerway։ սեպտեմբերի 10, 2010։ Վերցված է սեպտեմբերի 18, 2012 
  24. «Shakhtar vs Tavriya 4–1»։ Soccerway։ սեպտեմբերի 19, 2010։ Վերցված է սեպտեմբերի 18, 2012 
  25. «Shakhtar vs Kryvbas 6–0»։ Soccerway։ սեպտեմբերի 22, 2010։ Վերցված է սեպտեմբերի 18, 2012 
  26. «Metalist vs Shakhtar 1–2»։ Soccerway։ սեպտեմբերի 25, 2010։ Վերցված է սեպտեմբերի 18, 2012 
  27. «Henrik Mkhitaryan: Braga level is not our concern»։ Shakhtar.com։ դեկտեմբերի 3, 2010։ Վերցված է հունիսի 14, 2012 
  28. «Dynamo vs Shakhtar 0–2»։ Soccerway։ մայիսի 25, 2011։ Վերցված է սեպտեմբերի 18, 2012 
  29. Fussball Fedya (դեկտեմբերի 12, 2011)։ «Ukraine 2010/11»։ RSSSF։ Վերցված է հուլիսի 21, 2013 
  30. Հենրիխ Մխիթարյանի վիճակագրությունը Sports.ru կայքում(ռուս.)
  31. Հենրիխ Մխիթարյանը՝ Եվրոպայի 5 առաջատար առաջնությունների 100 լավագույն ֆուտբոլիստների շարքում
  32. Հենրիխ Մխիթարյանն՝ աշխարհի 100 առաջատար ֆուտբոլիստների թվում
  33. Մխիթարյան. «Մեր առաջին իսկ խոսակցության ժամանակ Տուխելն ասաց. «Միկի, ես կարող եմ քեզ բարձր մակարդակի հասցնել»
  34. Երջանիկ եմ թիմում
  35. Մանչեսթեր Յունայթեդը հայտարարել է Մխիթարյանի տեղափոխության մասին (լուսանկարներ, տեսանյութ)
  36. Հենրիխ Մխիթարյանը` հետխորհրդային տարածաշրջանի ամենաթանկ ֆուտբոլիստ
  37. Մխիթարյանը Մանչեսթեր Յունայթեդի 40-րդ ազգության ֆուտբոլիստն է
  38. Մխիթարյանի տված հարցազրույցը՝ MUTV-ին (տեսանյութ)
  39. Ուիգան - Մանչեսթեր Յունայթեդ. Մխիթարյանի բոլոր նորամուտները
  40. Մանչեսթեր Յունայթեդը խոշոր հաշվով պարտվեց Բորուսիային. Մխիթարյանը` գոլի հեղինակ (տեսանյութ)
  41. «UEFA Champions League: 4 players to keep an eye out for.»։ tikitakastyle.wordpress.com։ սեպտեմբերի 18, 2012։ Վերցված է 2013 թ․ մարտի 3 
  42. «Mkhitaryan is one of the best footballers of the Ukraine cup: Buryak»։ Lurer.com։ օգոստոսի 14, 2012։ Վերցված է 2013 թ․ մարտի 3 
  43. Nevin Pat (սեպտեմբերի 11, 2012)։ «PAT NEVIN: GROUP TASK»։ www.chelseafc.com։ Վերցված է 2013 թ․ մարտի 3 
  44. [1] Հենրիխ Մխիթարյան. «Ուրախ եմ խփածս գոլերի ու կատարած գոլային փոխանցումների համար, բայց դա ինձ բավարար չէ» (VIDEO)
  45. [2] Հենրիխ Մխիթարյան. Ամենակարեւորն այն է, որ երեխադ լավ մարդ մեծանա
  46. [3] Միշտ պայքարում եմ՝ իմ նպատակին հասնելու համար
  47. [4] Հենրիխ Մխիթարյանն աշխարհում ամենաշատ լեզուներն իմացող ֆուտբոլիստն է, ով խոսում է 7 լեզվով (տեսանյութ)
  48. ՀՖՖ TV. Հենրիխ Մխիթարյանի բարեգործական այցը «Զատիկ» կենտրոն
  49. Հենրիխ Մխիթարյան. 150 գոլ պաշտոնական մրցումներում
  50. «Հենրիխ Մխիթարյանը՝ լավագույն ֆուտբոլիստ». Միշել Պլատինին՝ հայերեն
  51. Հենրիխ Մխիթարյանը՝ Հայաստանի 2015 թ. լավագույն ֆուտբոլիստ
  52. (ռուս.) «Мхитарян назван лучшим футболистом украинской Премьер-лиги»։ Независимое бюро новостей։ դեկտեմբերի 28, 2012։ Վերցված է 2013 թ․ հունիսի 6 
  53. (ռուս.) «Генрих Мхитарян назван лучшим игроком»։ 2 Հուլիս 2013։ Վերցված է 2 Հուլիս 2013 

Արտաքին հղումներ[խմբագրել | խմբագրել կոդը]

Wikiquote-logo-hy.svg
Վիքիքաղվածքն ունի քաղվածքների հավաքածու, որոնք վերաբերում են