Արման Քարամյան

Վիքիպեդիայից՝ ազատ հանրագիտարանից
Jump to navigation Jump to search
Football pictogram.svg
Արման Քարամյան
Անձնական տվյալներ
Ազգությունը հայ
Քաղաքացիությունը Flag of Armenia.svg Հայաստան
Ծննդյան ամսաթիվ նոյեմբերի 14, 1979(1979-11-14)[1] (39 տարեկան)
Ծննդավայր Երևան, Հայկական ԽՍՀ, ԽՍՀՄ
Հասակ 177 սմ
Քաշ 69 կիլոգրամ
Դիրք Հարձակվող
Մասնագիտական կարիերա*
Տարի Ակումբ Խաղ (Գոլ)
1996-1997 Հայաստան Արաբկիր 7 (4)
1997-1998 Հայաստան Փյունիկ 23 (4)
1999-2001 Հայաստան Կիլիկիա 54 (35)
2001-2002 Հայաստան Փյունիկ 41 (57)
2002-2003 Հունաստան Պանախաիկի 15 (0)
2003-2004 Ուկրաինա Արսենալ (Կիև) 10 (1)
2004-2005 Ռումինիա Ռապիդ Բուխարեստ 6 (0)
2004-2005   Ռումինիա Բրաշով 9 (2)
2005-2006   Ռումինիա Գլորիա (Բիստրիցա) 6 (0)
2006   Ռումինիա Բրաշով 10 (10)
2006-2007 Ռումինիա Չախլեուլ 13 (0)
2007-2010 Ռումինիա Տիմիշոարա 50 (16)
2010 Ռումինիա Ստյաուա 13 (5)
2010-2011 Ռումինիա Ունիրյա (Ուրզիչենի) 5 (0)
2012-2014 Ռումինիա Բուֆտյա 40 (18)
Ազգային հավաքական
2000-2010 Հայաստան Հայաստան 47 (5)
* Մասնագիտական կարիերայում ընդգրկված են միայն առաջնության խաղերը և գոլերը:

Արման Սուրենի Քարամյան (նոյեմբերի 14, 1979(1979-11-14)[1], Երևան, Հայկական ԽՍՀ, ԽՍՀՄ), հայ ֆուտբոլիստ, որը հանդես եկել Հայաստանի ազգային հավաքականում որպես հարձակվող։ Արտավազդ Քարամյանի երկվորյակ եղբայրն է։

Ակումբային կարիերա[խմբագրել | խմբագրել կոդը]

Արման Քարամյանը մեծահասակների մակարդակում իր ֆուտբոլային կարիերան սկսել է 1996 թվականին, երբ նա ու իր ավագ եղբայրը՝ Արտավազդ Քարամյանը, միացել են «Արաբկիրին»։ 1997 թվականին նրանք տեղափոխվել են «Փյունիկ»։ 1999 թվականին երկու եղբայրները տեղափոխվել են «Կիլիկիա», սակայն 2001 թվականին վերադարձել են «Փյունիկ»։ Արման Քարամյանը եղել է «Փյունիկի» կազմում, երբ թիմը հաղթել է Հայաստանի առաջնությունում 2001 և 2002 թվականներին, նվաճել Հայաստանի գավաթը 2002 թվականին և Հայաստանի սուպերգավաթը 2002 թվականին։ 2003 թվականին նրանք միացել են Հունաստանի Պրեմիեր լիգային՝ պայմանագիր կնքելով «Պանախաիկի Պատրաս» ակումբի հետ։ 2003-2004 թվականներին նրանք հանդես են եկել Ուկրաինայի առաջնության «Արսենալ Կիև» ակումբին։ 2004 թվականին Արման և Արտավազդ Քարամյանները միացել են Լիգա I-ի «Ռապիդ Բուխարեստ» ակումբին։ Արտավազդն ակումբում խաղացել է մի քանի մրցաշրջան, իսկ Արման Քարամյանն այդ ընթացքում վարձաճարով հանդես է եկել «Բրաշով» և «Գլորիա Բիստրիցա» ակումբներում և 2006 թվականին կրկին վարձավճարով խաղացել է «Բրաշովում»։ 2006 թվականին նա պայմանագիր է կնքել «Չախլեուլ» ակումբի հետ։ 2007 թվականին երկու եղբայրները վերադարձել են «Պոլիտեխնիկա Տիմիշոարա»։ 2008/09 մրցաշրջանում ակումբը մասնակցել է Լիգա I-ի եզրափակչին։

Քարամյան եղբայրները տեղափոխվել են «Ստյաուա» ակումբ 2010 թվականին։ 2009/10 մրցաշրջանում Արման Քարամյանն ընտրվել է տարվա լավագույն ձախ վինգեր։ Լիգա I-ի 2009/10 մրցաշրջանի ավարտից հետո եղբայրներն հեռացել են «Ստյաուայից» և սկսել փնտրել նոր ակումբ, որտեղ երկուսն էլ կարող էին հանդես գալ։ Սակայն այդ գործընթացը ձգձգվել է։ Հետագայում լուրեր են տարածվել, որ Քարամյանները բանակցել են «Բրաշով» ակումբի հետ։ Սակայն ակումբի մարզիչ Դանիել Իսայլն ավելի ուշ նշել է, որ նրանց տեղափոխությունը դժվար թե իրականանա, քանի որ բանակցությունները մտել են փակուղի[2]։ Լուրեր են տարածվել, որ Քարամյան եղբայրները բանակցություններ են սկսել «Աստրա Ջուրջու» տեղափոխվելու վերաբերյալ, որը գլխավորում էր Միխայ Ստոյկիցեն, սակայն մարզչի՝ ակումբից հեռանալուց հետո բանակցությունները դադարեցվել են։ Ըստ TotalFootball հրատարակության՝ նոր թիմի որոնումների ձգձգման պատճառով Քարամյան եղբայրների ֆինանսական պահանջները հասել են նվազագույնի՝ 10,000 եվրո ամսական։ Քննարկվել է այն տեսակետը, թե երկու եղբայրներն էլ կարող են ավարտել խաղացողի կարիերան և սկսել զբաղվել մարզչական գործունեությամբ[3]։

2010 թվականի սեպտեմբերի կեսերին Արման և Արտավազդ Քարամյանները պայմանագիր են կնքել և պաշտոնապես տեղափոխվել «Ունիրյա Ուրզիչենի»[4]։ Շուտով Արման Քարամյանը կատարել է իր նորամուտը այդ ակումբում՝ փոխարինման դուրս գալով «Օցելուլ» ակումբի դեմ խաղի 81-րդ րոպեին[5]։

2011 թվականի հոկտեմբերի վերջերին Ստոյկիցեն, որ լավ գիտեր Քարամյան եղբայրների ունակությունները, նրանց հրավիրել է իր գլխավորած «Միովենի» ակումբ, սակայն Արտավազդը որոշել է ավարտել ֆուտբոլային կարիերան և զբաղվել բիզնեսով[6]։

Մեկ տարի անց Արտավազդը վերսկսել է ֆուտբոլային կարիերան, և նա ու Արմանը միացել են Լիգա II-ի «Բուֆտյա» ակումբին։ Նոր թիմի կազմում անցկացրած առաջին խաղում Արտավազդը ձևակերպել է դուբլ, իսկ երկրորդ խաղում գոլի հեղինակ է դարձել Արման Քարամյանը[7][8]:

Միջազգային կարիերա[խմբագրել | խմբագրել կոդը]

Արման Քարամյանը հանդես է եկել Հայաստանի ազգային հավաքականի կազմում՝ մասնակցելով 49 խաղի և խփելով հինգ գոլ։ Հայաստանի հավաքականում իր նորամուտը նա կատարել է 2000 թվականի հունվարի 9-ին՝ մասնակցելով Գվատեմալայի դեմ ընկերական խաղին, որն ավարտվել է 1։1 հաշվով։ 2010 թվականին նա հեռացել է ազգային հավաքականից։

Անձնական կյանք[խմբագրել | խմբագրել կոդը]

Արման Քարամյանն ու իր եղբայրը՝ Արտավազդ Քարամյանը, իրենց ֆուտբոլային կարիերայի մեծ մասն անցկացրել են միասին՝ հանդես գալով նույն ակումբներում։

2014 թվականի վերջին նրանք երկուսն էլ ստացել են Ռումինիայի քաղաքացիություն, որտեղ էլ ապրում են իրենց ընտանիքների հետ[9]։

Միջազգային վիճակագրություն[խմբագրել | խմբագրել կոդը]

Հայաստանի հավաքական
Տարի Խաղեր Գոլեր
2000 8 1
2001 4 0
2002 3 1
2003 7 1
2004 5 2
2005 3 0
2006 3 0
2007 5 0
2008 3 0
2009 6 0
2010 1 0
Ընդհանուր 48 5

Գոլերը հավաքականում[խմբագրել | խմբագրել կոդը]

# Ամսաթիվ Վայր Հակառակորդ Հաշիվ Արդյունք Մրցություն
1 2 փետրվարի, 2000 Կիպրոս Կիպրոսի Հանրապետություն Կիպրոս 2-3 Պարտություն Ընկերական խաղ
2 7 հունիսի, 2002 Անդորրա Անդորա Անդորրա 2-0 Հաղթանակ Ընկերական խաղ
3 10 սեպտեմբերի, 2003 Հյուսիսային Իռլանդիա Հյուսիսային Իռլանդիա Հյուսիսային Իռլանդիա 1-0 Հաղթանակ ՈՒԵՖԱ Եվրո-2004 որակավորման փուլ
4 19 փետրվարի, 2004 Կիպրոս Ղազախստան Ղազախստան 3-3 Ոչ-ոքի Ընկերական խաղ
5 21 փետրվարի, 2004 Կիպրոս Վրաստան Վրաստան 2-0 Հաղթանակ Ընկերական խաղ

Ձեռքբերումներ[խմբագրել | խմբագրել կոդը]

Ակումբային[խմբագրել | խմբագրել կոդը]

Փյունիկ Երևան

Տիմիշոարա

  • Լիգա 1-ի եզրափակչի մասնակից (1) – 2008/09
  • Ռումինիայի գավաթի խաղարկության եզրափակչի մասնակից (1) – 2008/2009

Անհատական[խմբագրել | խմբագրել կոդը]

  • Հայաստանի տարվա ֆուտբոլիստ – 2002
  • Հայաստանի առաջնության լավագույն ռմբարկու (2) – 2001 (21 գոլ), 2002 (36 գոլ)

Ծանոթագրություններ[խմբագրել | խմբագրել կոդը]

  1. 1,0 1,1 Transfermarkt — 2000.
  2. «Переговоры с Карамянами зашли в тупик» (ռուսերեն)։ armsport.am։ Արխիվացված օրիգինալից-ից 21 August 2010-ին։ Վերցված է 31 March 2013 
  3. «Братья Карамяны могут завершить карьеру» (ռուսերեն)։ ArmFootball.com։ Վերցված է 31 March 2013 
  4. «Братья Карамян перешли в «Унирю»» (ռուսերեն)։ armsport.am։ Արխիվացված օրիգինալից-ից 21 November 2010-ին։ Վերցված է 31 March 2013 
  5. «Арман Карамян дебютировал в составе «Унири»» (ռուսերեն)։ armsport.am։ Արխիվացված օրիգինալից-ից 21 September 2010-ին։ Վերցված է 31 March 2013 
  6. «Братья Карамяны оставили футбол ради бизнеса» (ռուսերեն)։ armsport.am։ Արխիվացված օրիգինալից-ից 14 January 2013-ին։ Վերցված է 31 March 2013 
  7. «Արտավազդ Քարամյանը վերադարձել է մեծ ֆուտբոլ և դարձել է դուբլի հեղինակ»։ ArmFootball.com։ Վերցված է 31 March 2013 
  8. «Արման Քարամյանը աչքի է ընկել «Դինամո-2»-ի դեմ խաղում»։ ArmFootball.com։ Վերցված է 31 March 2013 
  9. «Karamienii sunt români!» (Romanian)։ SportNews։ 4 November 2014 

Արտաքին հղումներ[խմբագրել | խմբագրել կոդը]