Հայաստանի ֆուտբոլի ֆեդերացիա
| Հայաստանի ֆուտբոլի ֆեդերացիա |
|
|---|---|
| Երկիր | Հայաստան |
| Հիմնված | 1992 թ. հունվարի 18 |
| Շտաբ | Երևան |
| ՖԻՖԱ-ի անդամ | 1992 թ. հուլիսի 3 |
| Նախագահ | Ռուբեն Հայրապետյան |
| Կայք | ffa.am |
| Կոորդինատներ: 40°10′34.749999998391″ հս․ լ. 44°31′15.99999999959″ ավ. ե. / 40.17631944444399750° հս․. լ. 44.5211111111109972° ավ. ե. | |
Հայաստանի ֆուտբոլի ֆեդերացիան (ՀՖՖ), հայկական ֆուտբոլը կառավարող մարմին։ Հիմնադրվել է 1992-ի հունվարի 18-ին։ ՖԻՖԱ-ի անդամ է 1992-ի հուլիսի 3-ից, ՈՒԵՖԱ-ի լիիրավ անդամ՝ 1993-ի հունվարի 17-ից։ Ֆեդերացիայի նախագահը 2002-ից Ռուբեն Հայրապետյանն է։
Բովանդակություն
ՀՖՖ-ի գործառույթները[խմբագրել | խմբագրել կոդը]
ՀՖՖ-ի հիմնական խնդիրներն են երկրում ֆուտբոլի տարածումը, զարգացումը, զանգվածային և մանկապատանեկան ֆուտբոլի կազմակերպման ապահովումը, ֆուտբոլիստների վարպետության բարձրացումը, մրցավարների, մարզիչների, մարզիկների բարոյական բարձր հատկանիշների դաստիարակումը, հանրապետության մրցումների կազմակերպումն ու անցկացումը, այդ համակարգերի կատարելագործումը, հայրենական ֆուտբոլի նյութատեխնիկական բազայի զարգացմանը նպաստելը։
ՀՖՖ-ն մշակում է հանրապետությունում ֆուտբոլի զարգացման ընթացիկ և հեռանկարային ծրագրեր, կազմակերպում հանրապետության հավաքական թիմերի նախապատրաստումը միջազգային տարբեր մրցումների։ ՀՖՖ-ն միավորում է մարզային ֆեդերացիաները, ֆուտբոլի ակումբները, մարզադպրոցները, մարզակենտրոնները, բաժանմունքները, համագործակցում է ՀՀ սպորտի և երիտասարդության հարցերի նախարարության հետ։
ՀՖՖ մարմինները[խմբագրել | խմբագրել կոդը]
ՀՖՖ բարձրագույն մարմինը համագումարն է, որը 4 տարով ընտրում է նախագահ և գործադիր կոմիտեի անդամներ։
Աշխատանքային մարմինը գործկոմն է։ Հրատապ խնդիրներ լուծելու համար ստեղծվել է գործկոմի բյուրո։ Ֆուտբոլի զարգացման հարցերի կարգավորման, ընդունված որոշումների կատարման ընթացքը հսկելու, գործկոմին առաջարկներ ներկայացնելու համար ստեղծվել են բաժիններ (զանգվածային, մրցավարական, պատանեկան, միջազգային կապեր և այլն)։ Ֆեդերացիայում գործում է բաժանմունք, որի գործունեությունը նպատակաուղղված է կանանց ֆուտբոլին։[1]
ՀՖՖ նախագահները[խմբագրել | խմբագրել կոդը]
- Նիկոլայ Ղազարյան (1992-1994)։
- Արմենակ Սարգսյան (1994-1998)։
- Սուրեն Աբրահամյան (1998-2002)։
- Ռուբեն Հայրապետյան (2002-ից հիմա)։[2]
Աղբյուրներ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
|
||||||||||||||||||
