Ալվար
Անվան այլ կիրառումների համար տե՛ս՝ Ալվար (այլ կիրառումներ)
| Գյուղ | ||
|---|---|---|
| Ալվար | ||
| Երկիր |  Հայաստան | |
| Մարզ | Շիրակի | |
| Համայնքապետ | Տիգրան Նահապետյան | |
| Այլ անվանումներ | Դյուզքենդ, Դուզքենդ, Տյուզքենտ, Արավետ | |
| Մակերես | 29 կմ² | |
| ԲԾՄ | 1980 մ | |
| Պաշտոնական լեզու | Հայերեն | |
| Բնակչություն | 243[1] մարդ | |
| Խտություն | 53 մարդ/կմ² | |
| Ազգային կազմ | Հայեր | |
| Ժամային գոտի | UTC+4 | |
| Փոստային ինդեքս | 2702 | |
| Պաշտոնական կայք | shirak.mtaes.am/about-communities/580/ | |
| ||
Ալվար, գյուղական համայնք Հայաստանի Շիրակի մարզում, մարզկենտրոնից՝ 44 կմ հյուսիս-արևմուտք։ Այս համայնքը ընդգրկում է 2 բնակավայրեր՝ Ալվարը և Արավետը։ Գյուղը գտնվում է նախկին Ամասիայի տարածաշրջանում, Ամասիայից 10 կմ հյուսիս-արևմուտք, մարզկենտրոնից գտնվում է 44 կմ հեռավորության վրա։ Նախկինում Ալվարն ունեցել է Դյուզքենդ, Տյուզքենտ անվանումները։ Ալվար է վերանվանվել 1991 թվականին մարտի 3-ին։
Աշխարհագրություն
Համայնքը գտնվում է Եղնախաղի լեռնաշղթայի հարավարևելյան ստորոտում, մեղմաթեք սարավանդի վրա՝ ծովի մակարդակից 1980 մ բարձրության վրա։
Կլիմա
Կլիման ցուրտ լեռնային է, ձմեռը տևական, ցուրտ, հաստատուն ձնածածկույթով։ Լինում են ուժեղ քամիներ, հաճախակի են ձնաբքերը և սառնամանիքները։ Ամառը զով է, համեմատաբար խոնավ։ Տարեկան տեղումների քանակը 500-600 մմ։ Բնական լանդշաֆտները սևահողային լեռնատափաստաններ են և մերձալպյան մարգագետինները։
Բնակչություն
Գյուղի բնակչության նախնիների մի մասը 1828-1830 թթ գաղթել է Արևմտյան Հայաստանի Բասեն գավառից և Կարսի մարզից։ Համայնքում հիմնականում բնակվել են ադրբեջանցիներ։ 1988-1989 թթ հայ-ադրբեջանական հակամարտությանտարիներին տեղի ադրբեջանցիները տեղափոխվել են Ադրբեջանի Հանրապետություն և այստեղ վերաբնակվել են հայ ընտանիքներ։ 2001 թվականի մարդահամարի տվյալներով Արավետը առկա բնակչություն չի ունեցել։ Հայաստանի ազգային վիճակագրական ծառայությունը հաղորդում է համայնքի բնակչությունը 2010 թվականի մարդահամարի տվյալներով կազմում է 168 մարդ։ Ըստ ազգային վիճակագրական ծառայության տվյալների համայնքը 2013 թվականինի հունվարի 1-ի դրությամբ ունեցել է 243 մարդ։ Սեռային կազմում տղամարդիկ կազմում են 48%, կանայք՝ 52%։ Տարիքային խմբերը բաշխված են հետևյալ կերպ. մինչաշխատունակներ՝ 31%, աշխատունակներ՝ 51%, հետաշխատունակներ՝ 18%։ Ըստ «Կովկասյան Օրացույցի» է 1912 թվականին 591 մարդ, հիմնականում ադրբեջանցիներ, որոնք ապրում էին Կարսի մարզում[2]։
Ալվարի ազգաբնակչության փոփոխությունը.[3]
| Տարի | 1886 | 1931 | 1959 | 1970 | 1979 | 1989 | 2001 | 2004 |
|---|---|---|---|---|---|---|---|---|
| Բնակիչ | 348 | 468 | 366 | 528 | 630 | 154 | 147 | 157 |
Տնտեսություն
Բնակչությունը զբաղվում է հացահատիկի մշակությամբ։
Գյուղատնտեսական հողահանդակները գրեթե ամբողջությամբ օգտագործվում են որպես վարելահողեր՝ կազմելով 309 հա։ Պետական հողերը գլխավորապես օգտագործվում են որպես վարելահողեր, խոտհարքեր, արոտավայրեր՝ կազմելով համապատասխանաբար 750, 326, 1232 հեկտար։ Գյուղատնտեսության մասնագիտացման ուղղությունն անասնապահությունն է։ Զբաղվում են խոշոր և մանր եղջերավոր անասնաբուծությամբ, թռչնաբուծությամբ, մեղվաբուծությամբ։ Զբաղվում են հացահատիկային, կերային կուլտուրաների մշակությամբ։
Պատմամշակութային կառույցներ
Գյուղում կա «Գևոյի» մատուռ և ավերակ եկեղեցի։ Ալվարի մոտ է գտնվում «Ալվար» ամրոցը։
Հասարակական կառույցներ
Ունի 36 տնտեսություն։ Ունի դպրոց, գրադարան, կապի հանգույց։
Տես նաև
Ծանոթագրություններ
- ↑ [1]
- ↑ Кавказский календарь. Тифлис 1912
- ↑ «Հայաստանի հանրապետության բնակավայրերի բառարան, էջ 10» (PDF). Վերցված է 2014 Ապրիլի 18-ին.
