Ծաղկաշեն, գյուղ Հայաստանի ՀանրապետությանԳեղարքունիքի մարզում, Գեղամա լեռների արևելյան փեշերին, Գելոյիձոր գետի ափին, մարզկենտրոնից 8.6 կմ հարավ-արևմուտք։ Բնակավայրը գտնվում է ծովի մակերևույթից 2160 մ բարձրության վրա։ Նախկինում անվանվել է Վերին Գանձակ։ 1873 թ. ուներ 289, 1897-ին՝ 526, 1926-ին՝ 785, 1939-ին՝ 787, 1959-ին՝ 424, 1970-ին՝ 448, 1979-ին՝ 384, 1989-ին՝ 453, 2001-ին՝ 551, 2004-ին՝ 575 բնակիչ, որոնց նախնիների մեծ մասը գաղթել է ԱլաշկերտիԱրծափ գյուղից, մնացածները՝ Գանձակից։ Բնակչությունը զբաղվում է անասնապահությամբ։ Ծաղկաշենի արևմտյան մասում կա Սուրբ Հովհաննես եկեղեցի (9-10դդ.), 9-16դդ. խաչքարերով գերեզմանոց։ Գյուղից 3 կմ հարավ-արևմուտք գտնվում են «Ուխտավեր» գյուղատեղին (13-17դդ.) և համանուն մատուռը (13-14դդ.)։[2]
Անվան այլ կիրառումների համար տե՛ս՝ Ծաղկաշեն (այլ կիրառումներ)
Հայաստան
