Արգիշտի Բ

Արգիշտի Բ
Ծնվել է՝	մ.թ.ա. 743-737
Մահացել է՝	մ.թ.ա. 680
Երկիր	Ուրարտու
միապետ
Հայր	Ռուսա Ա
Երեխաներ	Ռուսա Բ

Արգիշտի II-ի սեպագիր արձանագրությունը Վիշապաքարի վրա։ Գտնվում է Գառնիի հեթանոսական տաճարի մոտ (Կոտայքի մարզ, Հայաստան), հայտնաբերվել է 1954 թվականին"

Արգիշտի Բ (մ.թ.ա. 8-րդ դար - մ. թ. ա. 685), Վանի թագավորության արքա (մ.թ.ա. 714-685)։ Ռուսա Ա-ի որդին և հաջորդը։

Ամրապնդել է կենտրոնական իշխանությունը, վերացրել Ասորեստանի Սարգոն II թագավորի ավերիչ արշավանքի (մ.թ.ա. 714) հետևանքները, հզորացրել բանակը։ Արգիշտի Բ-ի օրոք տերության արևելյան սահմանները հասել են մինչև Կասպից ծով, որի վկայությունն է Արտավետ (Արտաբիլ) քաղաքի մոտ, Սավալան լեռան լանջին պահպանված նրա արձանագրությունը։ Վասպուրականի Արճեշ քաղաքի մոտ թողած արձանագրությունում Արգիշտի Բ-ն հիշատակում է քաղաքի, արհեստական լճի և ջրանցքի կառուցման մասին։ Մ.թ.ա. 681 թ.-ին նրա մոտ ապաստանել են Ասորեստանի Սինախերիբ (Սենեքերիմ) թագավորի հայրասպան որդիներ Ադրամելիքն ու Շարաշարան (Սանասար)։

Այս ժամանակաշրջանում Ուրարտուն կրկին հզորանում է և սկսում պայքարել Ասորեստանի դեմ։ Սարգոնի որդի Սենաքերիբը (Սենեքերիմ) արշավաք է կազմակերպում Ուրարտուի դեմ, այս մասին մենք իմանում ենք նրա թողած մի արձանագրությունից։ Արգիշտին այս ամենը անպատասխան չի թողնում, այլ կրկին արշավանք է կատարում Ասորեստան գրավելով զգալի տարածքներ։

Արգիշտի Բ-ն կազմակերպել է մարզական խաղեր, անձամբ մասնակցել մրցումներին։

Գրականություն

• Б. Б. Пиотровский, Ванское царство (Урарту), М., 1959.

Տես նաև

• Վանի թագավորության արքաների ցանկ

Նախորդող Ռուսա Ա

Ուրարտական արքա Արգիշտի Բ մ.թ.ա. 714-685

Հաջորդող Ռուսա Բ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 2, էջ 5)։