Երվանդ Բ

Երվանդ Բ
Երվանդ Բ Երվանդունի
	Մեծն Հայք
Իշխանություն	մ.թ.ա. 404–մ.թ.ա. 360
Ծնվել է՝	մ.թ.ա. 4-րդ դար
Մահացել է՝	մ. թ. ա. 331
Վախճանի վայր	Գավգամելա, Իրաք
Հաջորդող	Երվանդ Գ
Ուղեկից	Հռոդոգունե
Տոհմ	Երվանդունի
Հայր	Արտաշիր
Մայր	Հռոդոգունե
Երեխաներ	Միհրան

Երվանդ Բ (ծն.թ. անհայտ - մ.թ.ա. մոտ 344), Հայաստանի սատրապ։ Սերել է Դարեհ I Մեծ Աքեմենյանի զինակից Հիդարնեսից, որը մ.թ.ա. VI դարում խնամիացել էր Երվանդունի արքայատան հետ։ Ամուսնացել է Աքեմենյան Արտաքսերքսես թագավորի դստեր՝ Հռոդոգունեի հետ։ Ըստ Քսենոփոնի, Երվանդի օրոք Հայաստանի սատրապությունն ընդգրկել է գրեթե ամբողջ Հայկական լեռնաշխարհը։ Մ.թ.ա. 386 թվականից հետո Երվանդը Փոքր Ասիայում վարել է տարբեր պաշտոններ, գլխավորել նրա սատրապների ապստամբությունը Արտաքսերքսես II-ի դեմ։ Ապստամբության ճնշումից հետո Երվանդը կրկին հպատակվել է Արտաքսերքսեսին և ճանաչվել Միսիայի սատրապ։ Աթենքում գտնված արձանագրությունները վկայում են, որ Երվանդն ի վերջո հանգրվանել է Հունաստանում և, հավանորեն, մահացել այնտեղ։

Գրականություն

Քսենոփոն, Անաբասիս, Երևան, 1970։

Ծանոթագրություններ

↑ Settipani C. Continuité des élites à Byzance durant les siècles obscurs (ֆր.): Les princes caucasiens et l'Empire du VIe au IXe siècle — Paris: 2006. — P. 100. — ISBN 978-2-7018-0226-8
1 2 Toumanoff C. Les dynasties de la Caucasie chrétienne de l'Antiquité jusqu'au xixe siècle (ֆր.): Tables généalogiques et chronologiques — Rome: 1990. — P. 394.

Աղբյուրներ

History of Armenia, E. L. Danielyan, A. A. Melkonyan, Yerevan, 2008, Zangak Publishing, ISBN 978-99941-1-425-2

Վիքիպահեստն ունի նյութեր, որոնք վերաբերում են «Երվանդ Բ» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 639)։

[_63f9a8c9ac7ee988-1] Settipani C. Continuité des élites à Byzance durant les siècles obscurs (ֆր.): Les princes caucasiens et l'Empire du VIe au IXe siècle — Paris: 2006. — P. 100. — ISBN 978-2-7018-0226-8

[_afcfd4be9472a5d6-2] 1 2 Toumanoff C. Les dynasties de la Caucasie chrétienne de l'Antiquité jusqu'au xixe siècle (ֆր.): Tables généalogiques et chronologiques — Rome: 1990. — P. 394.

[1]

[2]