Աշոտ Դ Քաջ

Տե՛ս նաև՝ Աշոտ Բագրատունի (այլ կիրառումներ)

Աշոտ Դ Քաջ
Հայոց թագավոր
Իշխանություն	1022 - 1040
Թագադրում	1022
Լրիվ անուն	Աշոտ Բագրատունի
Մահացել է՝	1040
Ազգություն	հայ
Հաջորդող	Գագիկ Բ
Տոհմ	Բագրատունիներ
գերիշխան
Հայր	Գագիկ Ա
Մայր	Կատրանիդե Բ
Երեխաներ	Գագիկ Բ
Հավատք	Հայաստանեայց Առաքելական Եկեղեցի

Աշոտ Դ (- 1040), Հայոց թագավոր 1022–ից։ Գագիկ Ա–ի որդին։

Իշխանությանը տիրանալու հավանականությամբ 1020–ին ապստամբել է ավագության իրավունքով գահը ժառանգած եղբոր՝ Հովհաննես–Սմբատի (Սմբատ Գ-ի) դեմ։ Օգնական զորք ստանալով Վասպուրականի թագավոր Սենեքերիմից՝ պաշարել է Անին։ Ճակատամարտում հաղթել է եղբորը։ Հայ իշխանի միջնորդությամբ 1022–ին հաշտություն է կնքվել, որով Հովհաննես–Սմբատը թագավորելու էր Անիում և շրջակա գավառներում, իսկ Աշոտ Դ՝ Պարսկաստանին և Վրաստանին սահմանակից գավառներում։ Հաշտությունից հետո էլ եղբայրների միջև շարունակվել է պայքարը։ Աշոտ Դ օգնություն է ստացել նաև Բյուզանդիայի կայսր Վասիլ II կողմից։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 488)։