Հիդարնես Բ

Վիքիպեդիայից՝ ազատ հանրագիտարանից
Jump to navigation Jump to search
Հիդարնես Բ Երվանդունի
Հայոց Արքա
Իշխանությունմ.թ.ա. 5-րդ դարի սկիզբ
Ծնվել է՝մ.թ.ա. 6-րդ դար
ՀաջորդողՀիդարնես Գ
ՏոհմԵրվանդունիներ
ռազմական գործիչ և Սատրապ
ՀայրՀիդարնես Ա
ԵրեխաներՀիդարնես Գ

Հիդարնես Բ Երվանդունի, հայ արքա Երվանդյան Հայաստանում, Հիդարնյան-Երվանդունիների տոհմից, ով կառավարել է մ.թ.ա. 5-րդ դարի սկզբում։ Նա հավանաբար Հիդարնես Ա-ի թոռն էր:

Ներսեհ Երվանդունու և Հիդարնես Ա-ի դստեր որդին, Հայոց սատրապ-թագավոր է կարգվել Հիդարնես Ա-ից հետո: Սրա ժամանակ Աքեմենյան տերության արքան էր  Դարեհ  I-ի որդին՝ Քսերքսես I-ը: Հայոց զորքով Հիդարնես Բ-ն իր եղբոր հետ միասին մասնակցել է մ.թ.ա. 480-ին դեպի Հունաստան կատարած Քսերքսես I-ի արշավանքին, որտեղ գլխավորել է <անմահներ> կոչված էլիտար պարսկական զորագունդը /հայոց բանակի սպարապետությունը իրականացնում էր Արտոքմես զորավարը/: Այս պատերազմում Քսերքսես I-ը անհաջողության է մատնվել:

Փորձելով կասեցնել Աքեմենյանների տերության քայքայման ընթացքը հույն-պարսկական պատերազմներում կրած անհաջողություններից հետո՝ Քսերքսեսը անցկացրել է կրոնական ռեֆորմ, արգելվել է տեղական տոհմացեղային աստվածների պաշտամունքը, ուժեղացել է համաիրանական Ահուրամազդա աստծու պաշտամունքը: Այս ռեֆորմի պայմաններում Հիդարնես Բ-ն պաշտպանել է Վահունի քրմերի շահերը պարսիկ մոգերի ճնշումներից, հասնելով նրան, որ Հայ-Արամազդական կրոնը պահել է Վահագնի գերագահությունը Միհրանականության նկատմամբ, և պաշտպանել մի շարք հին հայկական հավատալիքներ:  Աքեմենյան տերության այս ճգնաժամային պայմաններում պալատական դավադրություն է կազմակերպվել Քսերքսես I-ի դեմ, որը սպանվել է իր գահաժառանգ ավագ որդու՝ Դարեհի հետ միասին: Այդ սպանությունից հետո գահակալական կռիվներ են սկսվել Քսերքսես I-ի որդիներ՝ Արտաքսերքսեսի և Վշտասպի միջև: Այս գահակալական կռիվներում Հիդարնես Բ-ն դաշնակցել է Արտաքսերքսես Երկայնաբազուկին, որը հաղթելով իր եղբորը՝ իշխել է միանձնյա:   

Ծանոթագրություններ[խմբագրել | խմբագրել կոդը]

Геродот. История (книга VII, главы 66 и 83)

Աղբյուրներ[խմբագրել | խմբագրել կոդը]

  • John R. Grant. Leonidas' Last Stand // Phoenix. Vol. 15 (1961), S. 14-27.
  • Nicholas G. L. Hammond. Sparta at Thermopylae // Historia: Zeitschrift für Alte Geschichte. Bd. 45 (1996), S. 1-20..
  • Ա.Ե. Մխիթարյան <<Հաբեթի սերունդները>>  Եր.-2002թ