Ճանապարհ Սեն Ռեմիում կնոջ ֆիգուրով

Ճանապարհ Սեն Ռեմիում կնոջ ֆիգուրով;
տեսակ	գեղանկար
նկարիչ	Վինսենթ վան Գոգ
տարի	1889
բարձրություն	32,5 սանտիմետր
լայնություն	40,5 սանտիմետր
ստեղծման վայր	Սեն Ռեմի դե Պրովանս
ժանր	բնանկար
նյութ	յուղաներկ
գտնվում է	Kasama Nichidō Museum of Art?
հավաքածու	Kasama Nichidō Museum of Art?
	պատկերված են
	կայք
	Ծանոթագրություններ;
	A Road at Saint-Remy with Female Figure (F728) Վիքիպահեստում

«Ճանապարհ Սեն Ռեմիում կնոջ ֆիգուրով» (անգլ.՝ A Road at Saint-Remy with Female Figure), հոլանդացի նկարիչ, պոստիմպրեսիոնիզմի և էքսպրեսիոնիզմի ներկայացուցիչ Վինսենթ վան Գոգի նկարներից։ Այս ստեղծագործությունը հեղինակը վրձնել է 1889 թվականին։ Յուղաներկով կտավի չափերն են 33,5 × 41,2 սմ։

Այսօր «Ճանապարհ Սեն Ռեմիում կնոջ ֆիգուրով» ստեղծագործությունը պահպանվում և ցուցադրվում է Նիչիդո գեղարվեստի թանգարանում^[1] (Կասամա, Ճապոնիա)։

Պատմություն[խմբագրել | խմբագրել կոդը]

1889 թվականի մայիսին Վինսենթ վան Գոգն ինքնակամ բուժման է մեկնում Սան Ռեմիի հոգեբուժարան՝ Սեն Ռեմի դը Պրովանսում^[2]^[3]։ Այստեղ նկարիչը հարևան հիվանդասենյակ մտնելու թույլտվություն ուներ, որն օգտագործում էր որպես ստուդիա։ Սկզբի շրջանում Գոգը միայն հոգեբուժարանի հիվանդասենյակի պատուհանից երևացող աշխարհն էր նկարում՝ բաղեղով պատված ծառեր, եղրևանի և հիրիկներ^[2]^[4]։ Նա կարող էր տեսնել նաև ցորենի մոտակա դաշտերը՝ Սեն Ռեմիում նկարած շատ նկարների հիմնական առարկան^[5]։ Հիվանդանոցից դուրս գալիս հեղինակը կտավին էր հանձնում ցորենի դաշտերը, ձիթենու այգիները, նոճիները^[4], որոնք նա համարում էր «տիպիկ Պրովանսյան»։ Մեկ տարում Վինսենթը նկարեց ավելի քան 150 կտավ^[2]։

«Ճանապարհ Սեն Ռեմիում կնոջ ֆիգուրով» ստեղծագործությունը Վինսենթ վան Գոգը նկարել է հոգեբուժարանում գտնվելիս՝ 1889 թվականին։

Նկարագիր[խմբագրել | խմբագրել կոդը]

Կտավում հեղինակը պատկերել է կնոջ, որը քայլում է ֆրանսիական Սեն Ռեմի բնակավայրի փողոցներից մեկով։ Ճամփեզրին դեղնականաչ բուսականություն է, որը ցույց է տալիս, որ աշնանային քամոտ օր է դրսում։ Որոշ ցայտերանգություն կա կնոջ և բուսականության գույների մեջ։ Երկինքը՝ երկնագույն է։ Նկարի գույները փայլում են արևի կուրացնող ճառագայթներից։

Ծանոթագրություններ[խմբագրել | խմբագրել կոդը]

↑ «Vincent van GOGH, Woman on a Road among Trees»։ Kasama Nichido Museum of Art։ Վերցված է 2020-04-19 (անգլ.)
↑ ^2,0 ^2,1 ^2,2 «Heilbrunn Timeline of Art History»։ Thematic Essay, Vincent van Gogh։ The Metropolitan Museum of Art։ 2000–2011։ Արխիվացված է օրիգինալից 2011-04-29-ին։ Վերցված է 2011-03-25
↑ «Olive Trees, 1889, Van Gogh»։ Collection։ The Metropolitan Museum of Art։ 2000–2011։ Արխիվացված է օրիգինալից 2011-03-26-ին։ Վերցված է 2011-03-25
↑ ^4,0 ^4,1 «The Therapy of Painting»։ Van Gogh Museum։ Արխիվացված է օրիգինալից 2011-01-07-ին։ Վերցված է 2011-03-25
↑ Van Gogh, V; Leeuw, R. The Letters of Vincent van Gogh / van Crimpen, H; Berends-Albert, M.. — London and other locations: Penguin Books, 1997. — С. F604.