Հին եկեղեցական աշտարակ Նյուենենում

Վիքիպեդիայից՝ ազատ հանրագիտարանից
Jump to navigation Jump to search
Picto infobox artiste.png
Հին եկեղեցական աշտարակ Նյուենենում
De oude kerktoren te Nuenen (nl)
Van Gogh - Der alte Friedhofsturm in Nuenen3.jpeg
տեսակգեղանկար
նկարիչՎինսենթ վան Գոգ
տարի1885
բարձրություն65
լայնություն80
ստեղծման վայրՆյուենեն
ուղղությունռեալիզմ
ժանրբնանկար
նյութկտավ, յուղաներկ
գտնվում էՎան Գոգի թանգարան[1]
հավաքածուՎան Գոգի թանգարան
հիմնական թեմազանգակատուն
Կտավը Վան Գոգի թանգարանում
The Old Cemetery Tower at Nuenen (F84) Վիքիպահեստում

Հին եկեղեցական աշտարակ Նյուենենում (հոլ.՝ De oude kerktoren te Nuenen), նիդերլանդացի հայտնի գեղանկարիչ Վինսենթ վան Գոգի կտավը[2]։

Պատմություն[խմբագրել | խմբագրել կոդը]

Այս նկարը, որտեղ պատկերված է Նյուենենի հին եկեղեցին և գերեզմանատունը, ինչպես «Կարտոֆիլ ուտողները» և «Տունը» կտավները, կարելի է համարել Վան Գոգի առաջին «լուրջ» և «հասուն» գործերը։

Այս կտավներով նկարիչը ցանկացել է ձեռք բերել ճանաչում եղբոր՝ Թեոյի և փարիզյան մյուս գեղարվեստական սրահների մոտ։ Նկարում պատկերված է հին եկեղեցին և դրան կից հասարակ գերեզմանատուն, դաշտ, Նյուենեն քաղաքի դաշտերն ու մարգագետինները, ինչպես նաև գորշ երկնքում թռչող սև ագռավներ։

1885 թվականին այս եկեղեցական աշտարակն արդեն լքված էր, սակայն գերեզմանատանը շարունակում էին թաղել քաղաքի բնակիչներին։ Արդեն երկար տարիներ է, ինչ պատրաստվում են եկեղեցին քանդել։ Նույն թվականի մայիս ամսին այս ծրագիրն իբր թե պետք է իրագործվեր։ Վան Գոգի համար սա առիթ էր պատկերել գրեթե ոչնչացված եկեղեցական աշտարակը։ Կտավի վրա աշխատելիս գեղանկարչի մոտ առաջացել են անձնական կարծիք և նպատակ։ Այս կտավի միջոցով Վան Գոգը ցանկացել է փոխանցել այն գաղափարը, որ Աստծո հանդեպ հավատը և ուղղակի կրոնը աստիճանաբար կորցնում են ժողովրդի մոտ իրենց նշանակությունը, բայց հասարակ գյուղացիների կյանքը մնում է անփոփոխ։

Պատկերասրահ[խմբագրել | խմբագրել կոդը]

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]