Նատյուրմորտ` ծղոտե գլխարկով (նկար, Վան Գոգ)
 | |
|---|---|
 | |
| տեսակ | գեղանկար |
| նկարիչ | Վինսենթ վան Գոգ |
| տարի | 1885 |
| բարձրություն | 36,5 սանտիմետր |
| լայնություն | 53,5 սանտիմետր |
| ստեղծման վայր | Նյուենեն |
| ժանր | նատյուրմորտ |
| նյութ | յուղաներկ |
| գտնվում է | Կյոլլեր-Մյուլլերի թանգարան[1] |
| հավաքածու | Կյոլլեր-Մյուլլերի թանգարան[1] |
| հիմնական թեմա | գլխարկ |
պատկերված են
| |
| http://www.vggallery.com/painting/p_0062.htm, https://vangoghworldwide.org/artwork/F62 կայք | |
Ծանոթագրություններ | |
 Still Life with Yellow Straw Hat Վիքիպահեստում | |
Նատյուրմորտ` ծղոտե գլխարկով կամ Նատյուրմորտ` ծղոտե դեղին գլխարկով, Նատյուրմորտ` գլխարկով և ծխամորճով, նիդերլանդացի նկարիչ Վինսենթ վան Գոգի նկար։ Ստեղծվել է 1881 թվականի նոյեմբեր-դեկտեմբեր ամիսներին կամ, հնարավոր է, 1885 թվականին Նյուենենում[2][3]։
Վան Գոգը Նյուենենում[խմբագրել | խմբագրել կոդը]
1884 թվականի նոյեմբերին Վան Գոգը Նյուենենի մոտ գտնվող Էյնդհովեն ոչ մեծ քաղաքի իր ընկերներին սովորեցրել է յուղաներկով նկարել անշունչ առարկաներ։ Նկարիչն ինքը մեծ ոգևորությամբ ստեղծել է նատյուրմորտների շարք` շշերի, թասերի, ծաղկամանների ու այլ առարկաների պատկերմամբ[4]։ «Նատյուրմորտ` ծղոտե գլխարկով» նկարը ստեղծվել է Նյուենենում հենց այս շրջանում։ Վան Գոգը գրել է, որ դժվար կլինի նկարները վաճառել, սակայն արժեքավոր համարելով այս ջանքերը` նա նատյուրմորտներ է նկարել ողջ ձմեռվա ընթացքում[3]։
Նկար[խմբագրել | խմբագրել կոդը]
«Նատյուրմորտ` ծղոտե գլխարկով» նկարը և այս շրջանի մեկ այլ նկար` «Կավե ծաղկամանով նատյուրմորտը», քննադատները գնահատել են տեխնիկական վարպետության համար։ Երկուսին էլ բնորոշ են հարթ վրձնահարվածները և նուրբ գուներանգները[5]։ Նյուենենում լինելու երկու տարիներին նկարիչը բազմաթիվ նկարներ է նկարել ջրաներկով և մոտ երկու հարյուր աշխատանք յուղաներկով, սակայն նրա գունապնակը հիմնականում բաղկացած է եղել հողի մռայլ երանգներով, և նկարիչը վառ գունապնակ կիրառելու ոչ մի նշան չի դրսևորել, որով առանձնանում են նրա ավելի ուշ շրջանի առավել հայտնի ստեղծագործությունները։ Երբ Վան Գոգը դժգոհել է, որ եղբայրը` Թեոն, բավարար ջանք չի դրսևորում իր աշխատանքները Փարիզում վաճառելու համար, Թեոն պատասխանել է, որ դրանք չափազանց մռայլ են և չեն համապատասխանում իմպրեսիոնիստների վառ նկարների ժամանակակից ոճին[6]։
Նկարը գտնվում է Կյոլլեր-Մյուլլերի թանգարանի հավաքածուում (Օթերլո, Նիդերլանդներ)[2]։
Պատմություն[խմբագրել | խմբագրել կոդը]
Անտոն Կյոլլերի կինը` Էլեն Կյոլլերը, իր կյանքն ու կարողությունը նվիրել է Վան Գոգի աշխատանքները հավաքելուն։ Նրա` 19-20-րդ դարերի արվեստը ներկայացնող հավաքածուն անցել է Նիդերլանդների կառավարությանը և հայտնվել Կյոլլեր-Մյուլլերի թանգարանում։ Միանգամայն հավանական է, որ պայմանավորվածությունը ավելի շուտ եղել է միլիոնավոր գուլդենների վերադարձման միջոց, որ Նիդերլանդների կառավարությունը, որը եղել է Անտոն Կյոլլերի ընկերության խոշորագույն հաճախորդներից մեկը, 1930-ական թվականներին վճարել է բանկի վճարունակությունը պահպանելու համար[7][8]։
Ծանոթագրություններ[խմբագրել | խմբագրել կոդը]
- ↑ 1,0 1,1 http://data.collectienederland.nl/page/aggregation/kroller-muller/44480
- ↑ 2,0 2,1 «Still Life with Straw Hat»։ Kröller-Müller Museum։ Արխիվացված է օրիգինալից 2012-03-09-ին։ Վերցված է մարտի 20, 2011
- ↑ 3,0 3,1 Barr, A (1966) [1935]։ Vincent van Gogh։ New York: The Museum of Modern Art։ էջ 58։ ISBN 0-7146-2039-4
- ↑ Nordenfalk, C (1953)։ The Life and Work of Van Gogh։ New York: Philosophical Library։ էջեր 83–84
- ↑ Hulsker, J (1980)։ The Complete Van Gogh։ Oxford: Phaidon։ էջեր 196–205։ ISBN 0-7148-2028-8
- ↑ Tralbaut, M (1981) [1969]։ Vincent van Gogh, le mal aimé։ Edita, Lausanne (French) & Macmillan, London 1969 (English); reissued by Macmillan, 1974 and Alpine Fine Art Collections, 1981։ էջեր 123–160։ ISBN 0-933516-31-2
- ↑ Schultz, P (2010) [2003]։ 1,000 Places to See Before You Die։ New York: Workman Publishing Company։ էջ 245
- ↑ Tromp, H (2010)։ A Real Van Gogh: How the Art World Struggles with Truth։ Amsterdam University Press։ էջեր 116–118
.jpg)
