Ծաղկաման դափնեվարդերով

Վիքիպեդիայից՝ ազատ հանրագիտարանից
Picto infobox artiste.png
Ծաղկաման դափնեվարդերով
Still Life Vase with Oleanders 1888 van Gogh.jpg
տեսակգեղանկար
նկարիչՎինսենթ վան Գոգ
տարի1888
բարձրություն56 սանտիմետր
լայնություն36 սանտիմետր
ստեղծման վայրԱռլ[1]
ժանրծաղկային նատյուրմորտ
նյություղաներկ և կտավ
հավաքածուանհայտ
կայք
Ծանոթագրություններ
Commons-logo.svg Still Life: Vase with Oleanders (F594) Վիքիպահեստում

«Ծաղկաման դափնեվարդերով» (անգլ.՝ Vase with Oleanders), հոլանդացի նկարիչ, պոստիմպրեսիոնիզմի և էքսպրեսիոնիզմի ներկայացուցիչ Վինսենթ վան Գոգի նկարներից։ Այս ստեղծագործությունը հեղինակը վրձնել է 1888 թվականին։ Յուղաներկով կտավի չափերն են 56 × 36 սմ։

Այսօր «Ծաղկաման դափնեվարդերով» ստեղծագործության գտնվելու մասին ստույգ տեղեկություն չկա. հնարավոր է, որ այն ոչնչացել է Երկրորդ համաշխարհային պատերազմի ժամանակ։

Պատմություն[խմբագրել | խմբագրել կոդը]

«Ծաղկաման դափնեվարդերով» ստեղծագործության գտնվելու ստույգ վայրն այսօր անհայտ է։ Գոյություն ունի վարկած կամ լեգենդ, ըստ որի նկարը 1944 թվականին գողացվել է Երկրորդ աշխարհամարտի ժամանակ։

Մինչ 1940 թվականը կտավը գտնվում էր Փարիզի Բեռնեմ-Ժյոն պատկերասրահի հավաքածուում։ Այն պատկանում էր ֆրանսիական հրեա ընտանիքի, որը մեծ դեր է խաղացել Փարիզում իմպրեսիոնիստների և պոստիմպրեսիոնիստների նկարների մարքետինգում։

1901 թվականին Ալեքսանդր Բեռնեմը (1839-1915) իր որդիների՝ Ջոսի (1870-1941) և Գաստոնի (1870-1953) հետ կազմակերպել է Վինսենթ վան Գոգի նկարների ցուցադրությունը Փարիզում՝ արվեստաբան Ժյուլիեն Լեկլերկի օգնությամբ։ Իսկ 1906 թվականին Բեռնեմը որդիների հետ սեփական պատկերասրահն է բացում, որը մասնագիտացած էր ժամանակակից արվեստում[2][3]։

1940 թվականին թվականին, զգալով, որ հրեաները Նացիստական Գերմանիայի թիրախն են դառնալու՝ Բեռնեմ ընտանիքը երեսուն կտավ փաթեթավորեց՝ իմպրեսիոնիստների և պոստիմպրեսիոնիստների, ու տեղափոխեց Դորդոն՝ Ռաստինյակ դղյակ, որը պատկանում էր ընտանիքի բարեկամներին։ 1941 թվականին Բեռնեմ-Ժյոն պատկերասրահը վերցվեց նացիստների կողմից, նկարները պետականացվեցին, իսկ շենքը՝ վաճառվեց[4]։

1944 թվականի մարտի 30-ին ՍՍ-ի զորքերը փորձեցին կործանել Ռաստինյակ դղյակը[5]։ Արդյունքում Ռաստինյակից դուրս բերվեց հինգ բեռնատար և շենքը դարձրին հրո ճարակ։ Այդ օրվանից հետո նկարի մասին տեղեկությունները լռում են[6]։

Ծանոթագրություններ[խմբագրել | խմբագրել կոդը]

  1. http://www.vggallery.com/painting/p_0594.htm
  2. Frick research Retrieved March 22, 2011
  3. Bernheim-Jeune gallery history Archived 2011-02-28 at the Wayback Machine. Retrieved March 22, 2011
  4. Harclerode, P; Pittaway, B. The Lost Masters: World War II and the Looting of Europe's Treasurehouses. — Welcome Rain Publishers, 2000. — С. 90—91.
  5. Michael Johnson, Our Whitehouse in France Archived 2011-07-04 at the Wayback Machine. Retrieved March 21, 2011
  6. Nicholas, L. The rape of Europa: the fate of Europe's treasures in the Third Reich and the Second World War. — Vintage eBooks, 1995.