Հայերը Տաջիկստանում

Վիքիպեդիայից՝ ազատ հանրագիտարանից
Հայ-տաջիկական հարաբերություններ

Տաջիկստան

Հայաստան

Տաջիկստանում կա հայկական համայնք։ 1989 թ. մարդահամարով Տաջիկստանում բնակվում էր 5630 հայ, սակայն ԽՍՀՄ փլուզման հետևանքով առաջացած ճգնաժամի և Տաջիկստանում քաղաքացիական պատերազմի պատճառով հայերը սկսեցին արտագաղթել այստեղից։ Մեկ այլ արտագաղթի պատճառ հանդիսացավ հակահայկական տրամադրությունը, որը ստեղծվեց 1990 թ. Դուշանբեում կայացած փողոցային անկարգությունների հետևանքով. դրանց պատճառը հայերին տրվող անվճար բնակարաններն էին և նրանց վերաբնակեցումը։ 2000 թ. մարդահամարին միայն 995 մարդ իրեն հայ ճանաչեց. նրանք հիմնականում ապրում են Դուշանբեում, Խոջենտում, Չկալովսկում և Կուգան-Տյուբեում։ Նրանց 57.6%-ը խոսում է հայերեն, 100%-ը՝ ռուսերեն, 14.8%-ը՝ տաջիկերեն։ Համաձայն համայնքի անդամենի տված հարցազրույցների, հայերը առաջին անգամ Տաջիկստան եկել են 1930-ական թթ.։ Հետագայում թիվը աճել է այնպիսի պատկառելի թվերի, որ անգամ Տաջիկական ԳԱ նախկին ղեկավարն էր Հարությունովը։ Ներկայումս Տաջիկստանի հայերի թիվը 6000 մարդ է։