Ծովակ
Անվան այլ կիրառումների համար տե՛ս՝ Ծովակ (այլ կիրառումներ)
| Գյուղ | |||
|---|---|---|---|
| Ծովակ | |||
 | |||
| Երկիր |  Հայաստան | ||
| Մարզ | Գեղարքունիքի մարզ | ||
| Մակերես | 1586,11 կմ² | ||
| ԲԾՄ | 1920 մ | ||
| Պաշտոնական լեզու | Հայերեն | ||
| Բնակչություն | 2860[1] մարդ (2008 հունվարի 1) | ||
| Ազգային կազմ | Հայեր | ||
| Կրոնական կազմ | Հայ Առաքելական եկեղեցի | ||
| Ժամային գոտի | UTC+4 | ||
| Փոստային ինդեքս | 1612 | ||
| |||
Ծովակ, գյուղական համայնք Հայաստանի Հանրապետության Գեղարքունիքի մարզում։ Բնակավայրը գտնվում է ծովի մակերևույթից 1920 մ բարձրության վրա:
Անվանում
Ունեցել է ներքին Զաղալու անվանումը, ստուգաբանվում է` Զաղա` նշանակում է հեր-քարայր, որոնցից մի քանիսը ստորգետնյա անցումներով կապված են եղել իրար հետ:
Աշխարհագրություն
Գյուղը գտնվում է Սևանի լճափնյա հարթավայրում, Մարտունի-Վարդենիս ավտոճանապարհի վրա, մարզկենտրոնից 64 կմ հարավ-արևելք: Գյուղի տարածքը կազմում է 1586,11 կմ², բնակչություն՝ 2887 մարդ։ Մարզկենտրոնից Գավառից գտնվում է մոտ 60-62 կմ հեռավորության վրա։1920-ական թվականներից այն հայտնի է եղել իր նավահանգստով որտեղից կապ է հաստատվել Սևան բնակավայրի հետ: Նավագնացությունը եղել է հիմնական տրանսպորտային միջոցը: Լճին հարող ցամաքը անտառապատ գոտի է: Հին գյուղի ավերակների և բնակիչների մասին վկայություններ կան ներկայիս գյուղի տարածքի արևմտյան բարձրադիր մասում: Ծովակը հետագայում կառուցվել է լճի արհեստական ցամաքեցման հետևանքով չորացված հողերի վրա, որպես հանգստի գոտի կարող է ծառայել նախկինում գործող «Ֆազենդա» տարածք շինությունը:
Պատմամշակութային կառույցներ
Գյուղում պահպանվել են 19-րդ դարի սուրբ Աստվածածին եկեղեցին, 11-րդ և հետագա դարերում բազմաթիվ խաչքարեր, որոնցից 7-ը մի շարքի վրա են և կոչվում են «Յոթ եղբայր» (1013թ.): Գյուղից 1,5 կմ հյուսիս-արևելք կա «Ավերք» գյուղատեղի (մջնդ.), արևմտյան մասում` «Թուխ Մանուկ» մատուռ և գերեզմանոց: Շրջակայքում կան կիկլոպյան ամրոց-բնակավայր (մ.թ.ա. 1-ին հզմ.), Սարդուր II-ի սեպագիր արձանագրությունը (մ.թ.ա. 8-րդ դ.)։[2]
Տնտեսություն
Բնակչությունը զբաղվում է ծխախոտագործությամբ, ձկնորսությամ, կարտոֆիլի և հացահատիկի, բանջարաբոստանային, կերային կուլտուրաների մշակությամբ: Գյուղացիները զբաղվում են հիմնականում մանր և խոշոր եղջերավոր անասնաբուծությամբ, թռչնաբուծությամբ։
Կլիմա
Գյուղը գտնվում է բարեխառն գոտում՝ ցամաքային կլիմային բնորոշ հատկանիշերով: Ձմեռները տևական են, ցուրտ, ձնածածկույթով։ Ամառները տաք են, համեմատաբար խոնավ։ Տարեկան միջին ջերմաստիճանը +4.6 ْC է: Առավելագույն բարձր ջերմաստիճանը +32 ْC, նվազագույնը` -35-36 ْ C : Տարեկան տեղումների քանակը 400-500 մմ. (առավելագույնը` մայիսին):
Բնակչություն
Համայնքի բնակչությունը այստեղ են գաղթել 1827 թ. Արևմտյան Հայաստանի Մուշ Բուլալու բնակավայրից։ Ունի դպրոց, մանկապարտեզ, գրադարան, կապի հանգույց։
| Տարի | 1878 | 1897 | 1926 | 1939 | 1959 | 1970 | 1979 | 1989 | 2001 | 2004 |
|---|---|---|---|---|---|---|---|---|---|---|
| Բնակիչ | 521 | 843 | 1005 | 1341 | 1683 | 2315 | 2324 | 2393 | 2623 | 2705 |
Ծովակցիներ
Տես նաև
Ծանոթագրություններ
- ↑ Գեղարքունիքի մարզի մարդահամար
- ↑ (PDF) http://www.cadastre.am/storage/files/pages/pg_907871769_HH_bnak._bar..pdf.
{{cite web}}: Missing or empty|title=(օգնություն)
Արտաքին հղումներ
- Ծովակ բնակավայրը «GEOnet Names Server» կայքում։
- World Gazeteer: Armenia – World-Gazetteer.com
- 2001 թվականի Հայաստանի մարդահամարի արդյունքները, Հայաստանի վիճակագրական կոմիտե
- Brady Kiesling, Rediscovering Armenia, p. 47, available online at the website of the Internet Archive:
| |||||||||||||||||
