Տրդատ Բ

Տրդատ Բ Հռոմեասեր
Պատկեր:Tiridates 2 king of Armenia.jpg
Իշխանություն	217 - 252
Ծնվել է՝	մոտ 194
Մահացել է՝	մոտ 256
Վախճանի վայր	Չրմես
Երկիր	Մեծ Հայք
Նախորդ	Խոսրով Ա
Հաջորդող	Խոսրով Բ
Ուղեկից	Շուշանդուխտ քուշանների թագավոր Վասուդեվա II-ի դուստրը ?
Տոհմ	Արշակունիներ
միապետ և գերիշխան
Հայր	Խոսրով Ա
Երեխաներ	Խոսրով Բ

Տրդատ Բ (մոտ 194 - 256 թթ.), Հայոց թագավոր 217-252 թվականներին, Արշակունիների արքայատոհմից, Խոսրով Ա-ի որդին։

Գործունեությունը

216թ.-ին մայիսին Հռոմեական կայսր Կարակալլան իր մոտ կանչեց Հայոց Խոսրով Ա թագավորին և նրա կնոջը ու բանտարկեց։ Կարակալայի այդ տմարդի արարքը հանգեցրեց Հայաստանում Հռոմի դեմ ապստամբության։ Հռոմի կայսրը ապստամբ հայերի դեմ է ուղարկում իր զորավարներից Թեոկրիտոսին, որ սակայն պարտություն է կրում և հեռանում Հայաստանից։ Հայոց գահ է բարձրանում Տրդատ Բ-ն։ 217թ. ապրիլի 8-ին Կարակալլան սպանվում է իր զինվորներից մեկի ձեռքով,իսկ նրան հաջորդած Մակրինոսը նույն տարվա հունիսի 8-ին Մծբինի մոտ պարտություն է կրում պարթևահայկական միացյալ զորքից և ստիպված է լինում բանտից ազատել դեռևս Կարակալլա կայսեր կողմից բանտարկված հայոց թագուհուն, ինչպես նաև Մեծ Հայքի թագավորությանն է վերադարձնում Փոքր Հայքն ու Գիմաթենե գավառը։ 224թ.-ի ապրիլի 28-ին Արտաշիր Սասանյանը Որմզդականի ճակատամարտում պարտության է մատնում Տրդատ Բ-ի դաշնակից Պարթևստանի արքա Արտավան Ե Արշակունուն, խորտակում պարթևական պետությունը և հռչակվում Սասանյան Պարսկաստանի առաջին թագավոր։ Պարթևստանի վերջին թագավոր Արտավան Ե-ը զոհվում է մարտի դաշտում։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։