Գուստավ Մալեր

Գուստավ Մալեր (գերմաներեն՝ Gustav Mahler, 7 հուլիսի 1860, Կալիշտե, Չեխիա — 18 մայիսի 1911, Վիեննա, Ավստրո-Հունգարիա), ավստրիացի երգահան և դիրիժոր, ծագումով հրեա: XIX -XX դդ. խոշորագույն սիմֆոնիստներից մեկը: 10 սիմֆոնիայի (վերջինը մնացել է անավարտ), «Ասք Երկրի մասին» («Das Lied von der Erde») սիմֆոնիա-կանտատի, «Թափառական ենթավարպետի երգերը» («Lieder eines fahrenden Gesellen») և «Երգեր Մահացած երեխաների մասին» (Kindertotenlieder), ինչպես նաև «Մանկան կախարդական եղջյուրը» երգաշարերի և այլ երկերի հեղինակ է: