Ֆիդելիո
Ֆիդելիո (Op. 72; գերմ.՝ Fidelio), Լյուդվիգ վան Բեթհովենի օպերա երկու գործողությամբ: Այն գերմանացի մեծ երգահանի կողմից գրված միակ օպերան է: Գերմաներեն լիբրետտոյի հեղինակներ` Յոզեֆ Զոնլեեյթներ և Գ. Թրեյչկե, ըստ ֆրանսիացի դրամատուրգ Ժանի Նիկոլյա Բուիի «Լեոնորա կամ ամուսնական սեր» պիեսի: Օպերան ունեցել է մի քանի խմբագրություն: Առաջին խմբագրությունը բեմադրվել է 1805 թ. նոյեմբերի 20-ին Վիեննայում «Լեոնորա» անվան տակ, սակայն հաջողություն չի ունեցել: Ընկերների խորհրդով Բեթհովենը ենթարկել է օպերան վերամշաման: Նոր տարբերակը բեմադրվել է 1806 թ. մարտի 26-ին:
1814 թ. երգահանը նորից է հիմնովին վերամշակում ու վերախմբագրում օպերան: Նոր և վերջնական տարբերակը բեմադրվում է 1814 թ. մայիսի 23-ին մեծ հաջողությամբ:
Օպերան համարվում է գերմանական երաժշտական թատրոնի լավագույն ստեղծագործություններից մեկը` այսօր էլ բեմադրվելով համաշխարհային օպերային թատրոնների կողմից:
