Ագռավներ ցորենի դաշտի վրա (նկար, Վան Գոգ)

Վիքիպեդիայից՝ ազատ հանրագիտարանից
Ագռավներ ցորենի դաշտի վրա
Korenveld met kraaien
տեսակգեղանկար
նկարիչՎինսենթ վան Գոգ
տարի1890[1]
բարձրություն50,5[1]
լայնություն103[1]
ստեղծման վայրՕվեր Սյուր Ուազ[2]
ուղղությունիմպրեսիոնիզմ և Պոստիմպրեսիոնիզմ[3]
ժանրբնանկար
նյություղաներկ
գտնվում էՎան Գոգի թանգարան[4]
հավաքածուՎան Գոգի թանգարան
http://www.vggallery.com/painting/p_0779.htm, https://vangoghworldwide.org/artwork/F779 կայք
Ծանոթագրություններ
 Wheatfield with Crows Վիքիպահեստում

Ագռավներ ցորենի դաշտի վրա (հոլ.՝ Korenveld met kraaien, ֆր.՝ Champ de blé aux corbeaux), հոլանդացի նկարիչ Վինսենթ վան Գոգի հեղինակային կտավ։ Կտավը պահվում է Ամստերդամում՝ հեղինակի թանգարանում։ Հեղինակի առավել հայտնի կտավներից է։

Պատմություն[խմբագրել | խմբագրել կոդը]

Ցորենի դաշտ

Կտավն ավարտուն տեսքի է բերվել 1890 թվականի հուլիսի 10-ին՝ վան Գոգի մահից 19 օր առաջ Օվեր Սյուր Ուազում։ Վարկած կա, ըստ որի, վան Գոգը ինքնասպան է եղել այս կտավի ստեղծման ընթացքում․ այսպիսի վարկած ներկայացված է Կյանքի ծարավ ֆիլմում, որտեղ դերակատարը՝ Քըրք Դուգլասը, ով մարմնավորում է վան Գոգին, ցորենի դաշտում կրակում է իր կոկորդին։ Այնուամենայնիվ, այս վարկածն ապացուցող որևէ հստակ փաստ չկա, բացառությամբ կտավում առկա դեպրեսիվ վիճակը, որը, հավանաբար, պայմանավորված է եղել սուիցիդալ մտքերով։ Երկար ժամանակ համարվել է, որ սա վան Գոգի վերջին աշխատանքն է, բայց նրա վերջին նամակների հետազոտություններից պարզ է դարձել, որ հեղինակի վերջին աշխատանքը «Ցորենի դաշտ» կտավն է[5][6], թեև այս հարցում ևս տարակարծություններ կան։

Վան Գոգն այս կտավը նկարել է ատրճանակով ինքնասպան լինելուց ոչ շատ առաջ։ Վինսենթ վան Գոգը ողբերգական կերպով հեռացավ կյանքից՝ անցնելով ֆինանսական և ընտանեկան բազմաթիվ խնդիրների միջով, որոնք չէին կարող չարտացոլվել նրա աշխատանքներում։ Եվ հատկապես այս կտավում նկարիչն արտահայտել է իր հոգեկան ծանր ապրումները, անելանելի վիճակը։ Նույնիսկ եղբոր՝ Թեոյի օգնությունները չկարողացան օգնել նկարչին պահպանել կյանքը։ Ուսման և աշխատանքի ողջ ընթացքում նա ոչ մի կերպ չի կարողացել որևէ նկար վաճառել, թեև շատ աշխատանքներ անվճար նվիրել է մարդկանց։

Նկարագիր[խմբագրել | խմբագրել կոդը]

Կտավն արտացոլում է անհանգիստ իրավիճակ, նկարչի ամբողջական շփոթմունքը։ Այս Կոմպոզիցիայում նկարիչը փոխանցում է իր «անսահման մենակությունը»։ Նկարիչն ընտրել է անսովոր լայն կոմպոզիցիա՝ ձգվող հորիզոնով և կենտրոնում պատկերած է 3՝ տարբեր ուղղություններով ձգվող արահետներ։ Դիտողին դժվար է հասկանալ, որտեղ է ավարտվում հորիզոնն ու դաշտերը։ Տեսարանը պատկերված է այնպես, կարծես հեռանկարային կենտրոնը բացակայում է։ Գորշ երկինքը և դեղին դաշտը, կարծես, ուժգնորեն միաձուլվում են միմյանց և ագռավների ահաբեկված երամը առջևի պլանում ճախրում են երկնքում։

Ներկապնակը հարուստ չէ․ կազմված է 4 գույնից և դրանց երանգներից։ Լազուր երկինքը, ցորենի ոսկեգույն դաշտը, կարմիր արահետները և տեղ-տեղ հանդիպող կանաչ մարգագետինը կազմում են նկարի հիմնական մասը։ Կտավում կարևոր մաս է կազմում հորիզոնագիծը, որը կտավը տեսողական առումով բաժանում է 2 մասի․ դա միայն կոմպոզիցիայի կառուցողական մասն է, այն ահռելի զգացմունքային նշանակություն ունի, այն արտահայտում է նկարչի չափազանց անհանգիստ ներքին վիճակը․

Ես անհանգստանում եմ պարզության սարսափելի իրավիճակում, այսպիսի պահերին բնությունն ինձ հիասքանչ է թվում։ Բայց ես վստահ չեմ, իսկ գեղանկարչությունն ինքը ներկայանում է ինձ կարծես երազանք կամ պատրանք։
- Վինսենթ վան Գոգ[7]


Կտավի ստորին հատվածում արահետը արտացոլում է նկարչի ծանր հոգեվիճակը։ Վան Գոգը գրել է․

Ստեղծելով այսպիսի նկար, ես փորձում եմ արտահայտել սեփական տխրությունն ու աներևակայելի մենակությունը[8][9]


Ծանոթագրություններ[խմբագրել | խմբագրել կոդը]

  1. 1,0 1,1 1,2 Կտավի տվյալներ
  2. http://www.vggallery.com/painting/p_0779.htm
  3. Կազմեք ցանկեր, ոչ թե պատերազմ — 2013.
  4. http://www.vangoghmuseum.nl/nl/collectie/s0149V1962
  5. "Статья в газете The Independent от 22 сентября 2007". Արխիվացված է օրիգինալից 2015 թ․ սեպտեմբերի 25-ին. Վերցված է 2015 թ․ հուլիսի 31-ին.
  6. "Վինսենթ վան Գոգի կտավներ". Արխիվացված է օրիգինալից 2016 թ․ հունվարի 19-ին. Վերցված է 2015 թ․ հուլիսի 31-ին.
  7. Կտավի վերլուծություն
  8. Կտավի նկարագիր
  9. Նկարագիր