Պետրո Պորոշենկո

Վիքիպեդիայից՝ ազատ հանրագիտարանից
Jump to navigation Jump to search


Պետրո Պորոշենկո
ուկր.՝ Петро Олексійович Порошенко
Secretary Kerry Shakes Hands With Ukrainian President-elect Poroshenko Before Meeting in Warsaw 03.jpg
Ուկրաինայի 5-րդ նախագահ Ուկրաինա
Ստանձնեց պաշտոնը՝2014
Կուսակցություն՝Our Ukraine?, Social Democratic Party of Ukraine (united)?, Շրջանների կուսակցություն և European Solidarity?
Նախորդող՝Վիկտոր Յանուկովիչ
Ծննդյան օր՝ սեպտեմբերի 26, 1965(1965-09-26)[1][2] (53 տարեկան)
Ծննդավայր՝Բելգորոդ
Ամուսին ՝Մարինա Պորոշենկո
Երեխաներ՝Ալեքսեյ Պորոշենկո
Հայր՝Ալեքսեյ Պորոշենկո
Մայր՝Yevguenia Serguéievna Grigorchuk?
Պարգևներ՝Ուկրաինայի գիտության և տեխնոլոգիաների պետական մրցանակ, Ուկրաինայի պատվավոր տնտեսագետ, Հանրապետության շքանշան, Քաղաքացիական վաստակի համար շքանշանի Մեծ խաչ, «Վաստակի համար» ІІІ աստիճանի շքանշան (Ուկրաինա), «Վաստակի համար» 2-րդ աստիճանի շքանշան (Ուկրաինա), Սպիտակ Արծվի շքանշան, «Ստարա պլանինա» շքանշան, Աբդուլազիզ ալ-Սաուդի շքանշան, անվանական հրազեն, Վիտաուտաս Մեծի շքանշան, «Բացառիկ ծառայությունների համար» շքանշան և Անդրեաս առաքյալի շքանշան
Petro Poroshenko Signature 2014.png

Պետրո Ալեքսեյի Պորոշենկո (ուկր.՝ Петро Олексійович Порошенко, սեպտեմբերի 26, 1965(1965-09-26)[1][2], Բոլգրադ, Օդեսայի մարզ, Ուկրաինական ԽՍՀ, ԽՍՀՄ), ուկրաինացի քաղաքական գործիչ և գործարար։ Ուկրաինայի հինգերորդ նախագահն է (2014 թ. հունիսի 7-2018 թ. մայիսի 20)։ Միլիարդատեր է։

Կենսագրություն[խմբագրել | խմբագրել կոդը]

Ծնվել է Բոլգրադում (Օդեսայի մարզ), մեծացել է Վիննիցայում։ 1989 թ․ ավարտել է Կիևի Տարաս Շևչենկոյի անվան պետական համալսարանը՝ տնտեսագետի մասնագիտությամբ։ Այնուհետև սկսել է աշխատել կակաոյի արտադրությամբ զբաղվող ձեռնարկությունում, որն հետագայում դարձել է «Ռոշենգրուպը»՝ Ուկրաինայում հրուշակեղեն արտադրող ամենախոշոր ձեռնարկությունը։ Այդտեղից էլ նրա «Շոկոլադե թագավոր» կամ «Վիլի Վոնկա» մականունները։ Պորոշենկոյին են պատկանում նաև ավտոմեքենա և ավտոբուս արտադրող և նավաշինական գործարաններ։ 2012 թ․ նա Ֆորբսի աշխարհի ամենահարուստ մարդկանց ցուցակում 1153-րդ տեղում էր[3]։

Քաղաքական գործունեություն[խմբագրել | խմբագրել կոդը]

1998 թվականին Պորոշենկոն դարձավ Ուկրաինայի խորհրդարանի անդամ՝ Միացյալ սոցիալ-դեմոկրատների կուսակցության անունից։ Երկու տարի անց նա լքեց այդ կուսակցությունը ստեղծելով նոր քաղաքական կուսակցություն՝ Սոլիդարությունը։ 2005 թվականին Պորոշենկոն նշանակվեց Անվտանգության և պաշտպանության ազգային խորհրդի քարտուղար։ 2009 թ․ հոկտեմբերի 9-ից 2010 թ․ մարտի 11-ը, Յուլիա Տիմոշենկոյի պաշտոնավարման շրջանում, նա արտաքին գործերի նախարար էր, իսկ դրանից հետո՝ մինչև 2012 թ․ դեկտեմբերի 24-ը, Միկոլա Ազարովի վարչապետության շրջանում, առևտրի և տնտեսական զարգացման նախարար։

Պորոշենկոն պաշտպանում էր 2013 թ․ նոյեմբերին սկիզբ առած «Եվրոմայդանի» հակակառավարական ցույցերը։ 2014 թ․ մարտի 29-ին նա թեկնածու առաջադրվեց արտահերթ նախագահական ընտրություններին և հավաքեց քվեների 56%-ը։ Յուլիա Տիմոշենկոն, որ նույնպես մասնակցում էր ընտրություններին և ձայների միայն 12%-ն էր հավաքել, ճանաչեց Պորոշենկոյի հաղթանակը և ընտրությունները որակեց «ժողովրդավարական և արդար»[4]։

Ծանոթագրություններ[խմբագրել | խմբագրել կոդը]