Էրսին Թաթար
| Էրսին Թաթար | |
.jpg)
| |
| Կուսակցություն՝ | Ազգային միասնություն կուսակցություն |
|---|---|
| Կրթություն՝ | Քեմբրիջի համալսարան, Հիսուսի քոլեջ և Անտառային դպրոց |
| Մասնագիտություն՝ | քաղաքական գործիչ |
| Ծննդյան օր | սեպտեմբերի 7, 1960[1] (64 տարեկան) |
| Ծննդավայր | Նիկոսիա, Նիկոսիայի շրջան, Կիպրոս |
| Քաղաքացիություն |  Հյուսիսային Կիպրոսի Թուրքական Հանրապետություն
|
էրսին Թաթար (թուրքերեն՝ Ersin Tatar, սեպտեմբերի 7, 1960[1], Նիկոսիա, Նիկոսիայի շրջան, Կիպրոս), մասամբ ճանաչված Հյուսիսային Կիպրոսի Թուրքական Հանրապետության պետական և քաղաքական գործիչ։ Վարչապետի պաշտոնը ստանձնել է 2019 թվականի մայիսին Թուֆան Էրհյումանի կոալիցիոն կառավարության փլուզումից հետո[2]։ Նա նաև «Ազգային միաբանություն» կուսակցության ղեկավարն էր և ընդդիմության առաջնորդը[3]։ Մասնակցել է Հյուսիսային Կիպրոսի Թուրքական Հանրապետության 2020 թվականի նախագահական ընտրություններին որպես «Ազգային միասնություն» կուսակցության թեկնածու և ընտրվել է նախագահ 2020 թվականի հոկտեմբերի 18-ին կայացած ընտրությունների երկրորդ փուլում[4]։ Հյուսիսային Կիպրոսի հինգերորդ նախագահն է (2020 թվականի հոկտեմբերի 23-ից)։
Կյանքի վաղ շրջան
[խմբագրել | խմբագրել կոդը]Էրսին Թաթարը ծնվել է 1960 թվականին Նիկոսիայում։ Ավարտել է Անգլիայի միջնակարգ դպրոցը, իսկ 1982 թվականին դարձել է Քեմբրիջի համալսարանի շրջանավարտ[5]։ Նրա հայրը՝ Ռուստեմ Թաթարը, հաշվապահ և քաղաքական գործիչ էր, իսկ մայրը՝ Կանև Թաթարը, տնային տնտեսուհի։ Կիշկլիչիֆթլիքի տարրական դպրոցն ավարտելուց հետո 1971-1974 թվականներին նա սովորել է անգլիական դպրոցում։ 1974 թվականին Կիպրոսում իրականացված գործողությունից հետո, քանի որ նրա դպրոցը մնացել էր կղզու հարավում, նա ուսումը շարունակել է Լոնդոնի Forest School դպրոցում։ Այստեղ 1979 թվականին նա ավարտել է միջնակարգ դպրոցը։ 1982 թվականին ավարտել է Քեմբրիջի համալսարանը «տնտեսագիտություն» մասնագիտությամբ։
Կարիերա
[խմբագրել | խմբագրել կոդը]
1982-1986 թվականներին աշխատել է անգլիական PriceWaterhouse ընկերությունում որպես հաշվապահ։ 1986-1991 թվականներին աշխատել է PollyPeck-ում։ 1991 թվականին տեղափոխվել է Անկարա, որտեղ աշխատել է FMC Nurol Defense Industry Co-ում մինչև 1992 թվականը։ 1992-2001 թվականներին նա եղել է ShowTV-ի գլխավոր տնօրեն։ Նա Թուրքիայի կիպրական թուրք համայնքի ակտիվ անդամ էր։ 1997-2001 թվականներին նա աշխատել է որպես Ստամբուլի թուրք-կիպրական մշակութային միության նախագահ[5][6]։
1990-ականներին Դողան Հարմանի և Հուսեյն Մացիտ Յուսուֆի հետ միասին նա հրատարակել է «Կիպրսկայա գազետա»-ն։ Հետո նա Հաթա Օզերի հետ միասին հրատարակել է Kıbrısım ամսագիրը։ 2001-2003 թվականներին զբաղեցրել է Yenicami Ağdelen ակումբի նախագահի պաշտոնը։ 2000-ականներին նրա հոդվածները տպագրվել են Halkın Sesi թերթի «Փորձագիտական կարծիք» բաժնում։ Նա նաև Tatar & Co անկախ աուդիտորական ընկերության գործընկերն էր։
Քաղաքական գործունեություն
[խմբագրել | խմբագրել կոդը]2003 թվականին Էրսին Թաթարը զբաղվել է քաղաքականությամբ՝ անդամակցելով Ազգային միասնության կուսակցությանը։ 2009 թվականին առաջին անգամ ընտրվել է խորհրդարան և զբաղեցրել է Դերվիշ Էրօղլուի կառավարությանն առընթեր ֆինանսների նախարարի պաշտոնը մինչև 2013 թվականի ընտրություններում նրա կուսակցության պարտությունը։ 2015 թվականին առաջադրվել է Ազգային միասնության կուսակցության ղեկավարի պաշտոնում, սակայն պարտվել է։ 2018 թվականին կրկին առաջադրել է իր թեկնածությունն այդ պաշտոնում և հաղթել[6]։
2019 թվականին կողմ է արտահայտվել Սիրիայի հյուսիս-արևելքում թուրքական հարձակմանը և հայտարարել, որ կիպրոսցի թուրքերը միշտ Թուրքիայի կողքին են[7]։
Էրսին Թաթարն Կիպրոսի հակամարտության կարգավորման համար աջակցել է «Երկու պետություն երկու ժողովուրդների համար» ծրագրին[8][9]։
2018 թվականի հոկտեմբերի 27-ին տեղի ունեցած Ազգային միասնության կուսակցությանկոնգրեսի ժամանակ նա առաջինն էր՝ հավաքելով 2592 ձայն և ներկայիս նախագահ Հուսեյն Օզգյուրգունի հետ, որը 2005 թվականին երկրորդն էր, անցել է երկրորդ փուլ։ 2018 թվականի հոկտեմբերի 31-ին ՄԱԿ-ի Ասամբլեայի վարչությունը հայտարարել է, որ ինքը նախագահ է ընտրվել առանց ընտրությունների երկրորդ փուլի։ 2020 թվականի նախագահական ընտրությունների առաջին փուլում Հյուսիսային Կիպրոսի Թուրքական Հանրապետությունում ստացել է ձայների 32,5 տոկոսը և անցել երկրորդ փուլ։ Երկրորդ փուլում, որն անցկացվել է 2020 թվականի հոկտեմբերի 18-ին, նա ընտրվել է Հյուսիսային Կիպրոսի Թուրքական Հանրապետության Նախագահ՝ հավաքելով ձայների 52 տոկոսը[10]։
Ընտանիք
[խմբագրել | խմբագրել կոդը]Էրսին Թաթարն ամուսնացած է, ունի երկու երեխա։
Ծանոթագրություններ
[խմբագրել | խմբագրել կոդը]- ↑ 1,0 1,1 http://www.kibrispostasi.com/iste-vekiller!-09012018
- ↑ Evie Andreou (2019 թ․ մայիսի 23). «Clash in north over direction of Cyprus problem». Արխիվացված է օրիգինալից 2019 թ․ մայիսի 26-ին. Վերցված է 2019 թ․ մայիսի 26-ին.
- ↑ «Ersin Tatar is the new leader of TRNC main opposition, the National Unity Party – T-VINE». Վերցված է 2019 թ․ մայիսի 26-ին.
- ↑ Президентом Турецкой Республики Северного Кипра избран Эрсин Татар 18 октября 2020
- ↑ 5,0 5,1 «Ersin Tatar kimdir? Ersin Tatar'ın biyografisi».
- ↑ 6,0 6,1 «Ersin Tatar is the new leader of TRNC main opposition, the National Unity Party – T-VINE».
- ↑ «KKTC'den Barış Pınarı Harekatı'na destek». www.trthaber.com.
- ↑ Cyprus talks cannot last forever: Turkish Cypriot PM — Turkey News
- ↑ «North Cyprus News | Tatar Promotes Two-State Solution». Արխիվացված է օրիգինալից 2019 թ․ դեկտեմբերի 15-ին. Վերցված է 2020 թ․ հոկտեմբերի 25-ին.
- ↑ На Северном Кипре президентом стал Эрсин Татар — в Татарстане задумались 20 октября 2020
 | Վիքիպահեստն ունի նյութեր, որոնք վերաբերում են «Էրսին Թաթար» հոդվածին։ |
| ||||||
