Էրիք Մեսքին

Վիքիպեդիայից՝ ազատ հանրագիտարանից
Jump to navigation Jump to search
Էրիք Մեսքին
անգլ.՝ Eric Maskin
05N3441 emaskin.jpg
Ծնվել է դեկտեմբերի 12, 1950(1950-12-12)[1][2] (68 տարեկան)
Նյու Յորք, Նյու Յորք, ԱՄՆ[3]
Քաղաքացիություն Flag of the United States.svg ԱՄՆ
Մասնագիտություն տնտեսագետ
Հաստատություն(ներ) Փրինսթոնի համալսարան, Հարվարդի համալսարան, Մասաչուսեթսի տեխնոլոգիական ինստիտուտ և Santa Fe Institute
Գործունեության ոլորտ տնտեսագետ
Անդամակցություն Արվեստների և գիտությունների ամերիկյան ակադեմիա, Բրիտանական ակադեմիա և Real Academia de Ciencias Económicas y Financieras[4]
Ալմա մատեր Հարվարդի համալսարան
Գիտական աստիճան դոկտորի աստիճան[3] և փիլիսոփայության դոկտոր
Գիտական ղեկավար Քեննեթ Էրրոու
Եղել է գիտական ղեկավար Ժան Տիրոլ, Drew Fudenberg, Robert W. Vishny, Mathias Dewatripont, David S. Scharfstein և Abhijit Banerjee
Պարգևներ Գուգենհայմի կրթաթոշակ Տնտեսագիտության բնագավառում Նոբելյան մրցանակ[5] Հարվարդի համալսարանի Արվեստի և գիտության բարյրագույն դպրոցի հարյուրամյակի մեդալ Fellow of the Econometric Society և Fellow of the American Academy of Arts and Sciences
Eric Maskin Վիքիպահեստում

Էրիք Մեսքին (անգլ.՝ Eric S. Maskin, դեկտեմբերի 12, 1950(1950-12-12)[1][2], Նյու Յորք, Նյու Յորք, ԱՄՆ[3]), ամերիկացի ականավոր տնտեսագետ, Հարվարդի համալսարանի բակալավր (1972), մագիստրոս (1974) և գիտությունների թեկնածու (1976)։

1977-1984 թվականներին դասավանդել է Մասաչուսեթսի տեխնոլոգիական ինստիտուտում, 1981 թվականից՝ պրոֆեսոր, 1985-2000 թվականներին՝ Հարվարդի համալսարանում, 2000 թվականից՝ Հեռանկարային հետազոտությունների ինստիտուտում։ 2003 թվականին եղել է Էկոնոմետրիկ միության նախագահը։ Economics Letters ամսագրի գլխավոր խմբագիր, Նոբելյան մրցանակի դափնեկիր՝ Օպտիմալ մեխանիզմների տեսության հիմնման համար (2007

Կենսագրություն[խմբագրել | խմբագրել կոդը]

Մեսքինը ծնվել է 1950 թվականի դեկտեմբերի 12-ին Նյու Յորք քաղաքում։ Մանկությունն անց է կացրել Նյու Ջերսիի Էլփայն քաղաքում։ 1968 թվականին ավարտել է Նյու Ջերսիի Թենաֆլայ ավագ դպրոցը[6] և ընդունվել Հարվարդի համալսարան, որտեղ ստացել է գիտությունների թեկնածուի աստիճան կիրառական մաթեմատիկայից։ 1976 թվականին դոկտորի աստիճան ստանալուց հետո, Մեսքինը Քեմբրիջի համալսարանի Ջեսուս քոլեջում սկսում է աշխատել որպես գիտաշխատող, իսկ հաջորդ տարվանից՝ Մասաչուսեթսի տեխնոլոգիական ինստիտուտում։ 1985 թվականին վերադարձավ Հարվարդի համալսարան որպես տնտեսագիտության Լուի Բերկմանի անվան պրոֆեսոր, որտեղ աշխատեց մինչև 2000 թվականը։ Նույն թվականին նա տեղափոխվեց Նյու Ջերսիի Փրինստոնի Առաջատար ուսումնասիրությունների ինստիտուտ։ Համատեղությամբ եղել է նաև Երուսաղեմի Հրեական համալսարանի Առաջատար ուսումնասիրությունների ինստիտուտի Երուսաղեմի՝ տնտեսագիտության տեսության գծով ամառային դպրոցի տնօրենը։[7] 2011 թվականին Մեսքինը կրկին վերադարձել է Հարվարդ։[8]

Անդամակցում է ԱՄՆ գիտությունների և արվեստի ակադեմիային, Էկոնոմետրիկ միությանը, Եվրոպայի տնտեսագիտական ասոցիացիային, Բրիտանական ակադեմիային։ 2003 թվականին եղել է Էկոնոմետրիկ միության նախագահը։

Մեսքինն ամուսնացած է Գեյլ Սոթելի հետ, ով պատմության դասախոս է, ունեն 2 երեխա։[9] Փրինստոնում ապրելու տարիներին բնակվել են Ալբերտ Այնշտայնի նախկին տանը։

Աշխատություններ[խմբագրել | խմբագրել կոդը]

  • Conceptual Economic Theory (1994)
  • Nash Equilibrium and Welfare Optimality (1999)

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]