Ռոբերտ Դե Նիրո

Ռոբերտ Դե Նիրո
Բնագիր ԱԱՀ	Ռոբերտ Դե Նիրո
Ծնվել է`	օգոստոսի 17, 1943 (1943-08-17)
Ծնվելու վայր`	Նյու Յորք, ԱՄՆ
Ազգություն`	ԱՄՆ
Մասնագիտություն	Դերասան, Ռեժիսոր, Պրոդյուսեր
Ակտիվ շրջան	1965–այժմ
Ժանրեր	Կատակերգություն, Դրամա, Քրեական
Ամուսին(ներ)	Գրեյս Հայթաուեր (2 երեխա), Դայան Էբոթ (ամուսնալուծված) (1 երեխա)
Երեխա(ներ)	3 երեխա
IMDb-ում էջ	ID 0000134
Վեբկայք	kinopoisk-ում էջ
Ստացած պարգևներ Օսկար 1981, լավագույն դերասան «Կատաղած ցուլը» ֆիլմում, 1975, երկրորդ պլանի լավագույն դերասան «Կնքահայրը 2» ֆիլմում Ոսկե Գլոբուս 2011, Սեսիլ ԴեՄիլյա մրցանակ 1981, լավագույն դերասան «Կատաղած ցուլ» ֆիլմում

Ռոբերտ Դե Նիրո-կրտսեր (անգլերեն՝ Robert De Niro, Jr., օգոստոսի 17, 1943, Նյու Յորք, ԱՄՆ) Ամերիկացի նշանավոր դերասան, ռեժիսոր և պրոդյուսեր:

Կենսագրություն

Ռոբերտ Դե Նիրոյի նախնիները գաղթել են Իտալիայից ԱՄՆ: Նրա հայրը` Ռոբերտ Դե Նիրո ավագը հայտնի քանդակագործ ու նկարիչ էր: Մայրը` Վիջինիա Ադմիրալը բանաստեղծուհի էր: Նրանց ամուսնությունից մեկ տարի անց ծնվում է Ռոբերտ Դե Նիրո կրտսերը: Իսկ 3 տարի անց Դե Նիրոյի ծնողները ամուսնալուծվում են: Ռոբերտ Դե Նիրոյի մանկությունը անցել է Մանհեթենի Գրինվիչ-Վիլլիջ շրջանում, որը երկար տարիներ համարվում էր Նյու-Յորքի գեղարվեստական և արտիսիտիկ բոհեմիայի բնակավայր: Սպիտակ մաշկ ունենալու պատճառով նրան անվանում էին «Բոբբի-Կաթ»: 10 տարեկան հասակում նա խաղաց իր առաջին դերը «Օզ երկրի հրաշագործը» դպրոցական բեմադրության մեջ, հանդես գալով առյուծի կերպարով: Մի քանի տարի ընդհանուր կրթությամբ դպրոցում ուսանելուց հետո մոր նախաձեռնությամբ տեղափոխվում է սովորելու Նյու-Յորքի Ֆիորելլո Լա Գարդիայի անվան երաժշտության, արվեստի և կատարողական վարպետության բարձրագույն մասնավոր դպրոցը, որտեղ սովորել է նաև Ալ Պաչինոն:

Ֆիլմացանկ

Նրա խաղացանկը հասնում է մոտ 80 ֆիլմի: Հայտնի ռեժիսոր Մարտին Սկորսեզե-ի սիրված դերասանն է ու խաղացել է նրա շատ ֆիլմերում:

Առավել նշանավոր ֆիլմերն են

տարեթիվը	ֆիլմի անվանումը	բնօրինակ անվանումը	հերոսը	ռեժիսոր	խաղընկերներ
1974	«Կնքահայրը 2»	The Godfather Part II	երիտասարդ Վիտո Կոռլեոնե	Ֆրենսիս Ֆորդ Կոպպոլա	Ալ Պաչինո
1976	«Տաքսու վարորդը»	Taxi Driver	Տրեվիս Բիկլ	Մարտին Սկորսեզե	Ջուդի Ֆոսթեր Հարվի Քեյթլ
1978	«Եղնիկների որսորոդը»	The Deer Hunter	Միխայիլ Վրոնսկի	Մայքլ Չիմինո	Մերիլ Սթրիփ
1980	«Կատաղած ցուլ»	Raging Bull	Ջեյք ԼաՄոտտա	Մարտին Սկորսեզե	Ջո Պեշի
1981	«Խոստովանության գաղտնիքները»	Raging Bull	մոնսինյոր Դեսմոնդ Սպելլասի	Ուլու Գրոսբարդ	Ռոբերտ Դյուվալ
1984	«Մի անգամ Ամերիկայում»	Once Upon a Time in America	Դևիդ Աարոնսոն, ձախլիկ	Սերժիո Լեոնե	Ջեյմս Վուդս Ուիլյամ Ֆորսայթ Ջո Պեշի Դեննի Այելլո
1987	«Անձեռնմխելիները»	The Untouchables	Ալ Կապոնե	Բրայան դե Պալմա	Շոն Քոնների Քեվին Քոսթներ
1987	«Անգելի սիրտը»	Angel Heart	Լուիս Սայֆեր	Ալան Փարքեր	Միքի Ռուրկ
1989	«Մենք հրեշտակներ չենք»	We’re No Angels	Նեդ	Նիլ Ջորդան	Շոն Փեն
1990	«Փառավոր տղաներ»	Goodfellas	Ջիմմի Կոնվեյ	Մարտին Սկորսեզե	Ջո Պեշի
1990	«Արթնացում»	Awakenings	Լեոնարդ Լոուվ	Պեննի Մարշալ	Ռոբին Ուիլյամս Մաքս ֆոն Սյուդով
1991	«Վախի հրվանդանը»	Cape Fear	Մաքս Քեյդի	Մարտին Սկորսեզե	Նիկ Նոլթի Ջեսիկա Լենգ Գրեգորի Պեկ Ռոբեևտ Միտչեմ
1992	«Գիշեր և քաղաք»	Night and the City	Հարրի Ֆաբիան	Իրվին Վինկլեր	Ջեսիկա Լենգ Էլի Ուոլլակ
1993	«Կատաղած շունը և Գլորիան»	Mad Dog and Glory	Ուեյն Դոբի	Ջոն Մաքնոութոն	Բիլ Մյուռեյ Ումա Թուրման
1993	«Բրոնքսյան պատմություն»	A Bronx Tale	Լորենցո Անելլո	Ռոբերտ Դե Նիրո
1994	«Մերի Շելլի Ֆրանկենշտեյնը»	Mary Shelly’s Frankenstein	հրեշ	Քենեթ Բրանա	Քենեթ Բրանա Հելենա Բոնեմ Քարթեր
1995	«Կազինո»	Casino	Սեմ Ռոտստայն	Մարտին Սկորսեզե	Շերոն Սթոուն Ջո Պեշի Ջեյմս Վուդս
1995	«Հակամարտություն»	Heat	Նիլ Մակկոլի	Մայքլ Ման	Ալ Պաչինո Վել Քիլմեր Նատալի Փորտման Ջոն Վոյթ
1996	«Քնածները»	Sleepers	հայր Բոբբի	Բարի Լևինսոն	Դասթին Հոֆման Բրեդ Փիթ Քեվին Բելքոն
1996	«Մարվինի սենյակը»	Marvin’s Room	բժիշկ Ուոլլի	Ջերրի Զեքս	Լեոնարդո ԴիԿապրիո Մերիլ Սթրիփ Դայան Քիթոն
1997	«Ոստիկանները»	Cop Land	լեյտենանտ Մո Տիլդեն	Ջեյմս Մենգոլդ	Սիլվեստր Ստալոնե Հարվի Քեյթլ Ռեյ Լիոտա
1998	«Ռոնին»	Ronin	Սեմ	Ջոն Ֆրանկենհայմեր	Ժան Ռենո
1999	«Վերլուծիր սա»	Analyze This	Պոլ Վիտտի	Հարոլդ Ռեմիս
2000	«Ծանոթություն ծնողների հետ»	Meet the Parents	Ջեք Բեռնս	Ջեյ Ռոաչ	Բեն Ստիլլեր
2004	«Ծանոթություն Ֆաքերների հետ»	Meet the Fockers	Ջեք Բեռնս	Ջեյ Ռոաչ	Բեն Ստիլլեր Դասթին Հոֆման Բարբարա Սթրեյզենդ
2010	«Ծանոթություն Ֆաքերների հետ - 2»	Little Fockers	Ջեք Բեռնս	Փոլ Վայց	Բեն Ստիլլեր Դասթին Հոֆման Ջեսսիկա Ալբա Բարբարա Սթրեյզենդ Օուեն Ուիլսոն

Մրցանակներ և փաստեր

Ռոբերտ Դե Նիրոն և Մարտին Սկորսեզեն «Կազինո» ֆիլմի նկարահանումների ժամանակ

2 անգամ արժանացել է «Օսկար» կինոմրցանակի, 1975 թվականին լավագույն երկրորդ պլանի դերասան անվանակարգում «Կնքահայրը 2» ֆիլմի համար և 1980 թվականին լավագույն դերասան անվակարգում «Կատաղած ցուլ» ֆիլմի համար, որի համար ստացել է նաև «Ոսկե Գլոբուս» կինոմրցանակ: Եվս մեկ Ոսկե գլոբուս ստացել է 2011 թվականին կինեմատոգրաֆիայում ունեցած ավանդի համար: Ընդհանուր առմամբ արժանացել է 31 տարբեր կինոմրցանակների
Ամերիկյան բոլոր ժամանակների 100 լավագույն ֆիլմերի ցանկում առկա է նրա մասնակցությամբ 5 ֆիլմ, իսկ 250 լավագույն ֆիլմեր (ըստ IMDb վարկածի) ցանկում 8 ֆիլմ: Ռոբերտ Դե Նիրոն գլխավորել է 2011 թվականի Կաննի փառատոնի ժյուրին:
Ռոբերտ Դե Նիրոյի մասնակցությամբ ֆիլմերի ընդհանուր շահույթը գերազանցում է 2 միլիորադ դոլլարը: 2011 թվականի սեպտեմբեր ամսվա դրությամբ նրա ամենաշահութաբեր ֆիլմերը հետևալներն են.

• «Ծանոթություն Ֆաքերների հետ» - 576 միլիոն դոլլար
• «Ծանոթություն ծնողների հետ» - 330 միլիոն դոլլար
• «Հակամարտություն» - 187 միլիոն դոլլար
• «Վախի հրվանդանը» - 182 միլիոն դոլլար
• «Վերլուծիր սա» - 177միլիոնդոլլար