Բրեդ Փիթ

Վիքիպեդիայից՝ ազատ հանրագիտարանից
Բրեդ Փիթ
BradPittBAR08.jpg
Բնագիր ԱԱՀ Ուիլյամ Բրեդլի Փիթ
William Bradley Pitt
Հասակը՝ 180 սմ
Ծնվել է՝ դեկտեմբերի 18, 1963 (1963-12-18) (50 տարեկան)
Ծնվելու վայր՝ Շաունի, Օկլահոմա, ԱՄՆ-ի դրոշը ԱՄՆ
Քաղաքացիություն՝ ԱՄՆ-ի դրոշը ԱՄՆ
Ազգություն՝ ԱՄՆ-ի դրոշը ԱՄՆ
Մասնագիտություն Դերասան, Պրոդյուսեր
Ակտիվ շրջան 1964–այժմ
Ժանրեր Դրամա,
Թրիլեր,
Քրեական
Ընտրանի "Ծանոթացեք, Ջո Բլեք",
"Միսթր և միսսիս Սմիթ",
"Յոթ"
Ամուսին(ներ) Ջենիֆեր Անիսթոն
(ամուսնալուծված),
Անջելինա Ջոլի
(6 երեխա)
Երեխա(ներ) 6 երեխա
էջ IMDb-ում ID 0000093
էջ ԿինոՊոիսկ-ում ID 25584

Ուիլյամ Բրեդլի «Բրեդ» Փիթ (անգլ.՝ William Bradley «Brad» Pitt); ծնվ. 18 դեկտեմբերի 1963, Շաունի, Օկլահոմա, ԱՄՆ), ամերիկացի հայտնի դերասան և պրոդյուսեր «Ոսկե Գլոբուս» մրցանակի դափնեկիր (1995 թ., «12 կապիկ» ֆիլմի համար), երկու անգամ առաջադրվել է «Օսկար» մրցանակի։

Կենսագրություն[խմբագրել]

Ծնվել է Օկլահոմա նահանգի Շաուն քաղաքում ԱՄՆ։ Նրա հայրը՝ Ուիլյամ Փիթը, աշխատում էր որպես մենեջեր բեռնափոխադրման ընկերությունում, իսկ մայրը՝ Ջեյն Էտտա Հիլհաուսը, աշխատում էր որպես ուսուցչուհի։ Փիթը, նրա եղբայր Դուգ Փիթը և քույր Ջուլիա Փիթը մեծացել են Սփրինգֆիլդ քաղաքում։ Դպրոցում Փիթը ակտիվորեն զբաղվում էր սպորտով, երաժշտությամբ և դպրոցի ուսանողական հարցերով։ Դպրոցից հետո ընդունվում է Միսսուրի-Կոլումբիա համալսարանը, որտեղ ուսումնասիրում էր լրագրություն և գովազդ։ Համալսարանը ավարտելուց հետո նա որոշում է դառնալ դերասան և ուղևորվում է Հոլիվուդ։ Այնտեղ նա իր անունը փոխեց «Բրեդ Փիթ»-ի, բայց դրանից դերերը չավելացան։

Կարիերա[խմբագրել]

Մինչ Փիթին սկսեցին դերեր առաջարկել, նա աշխատում էր որպես վարորդ կահույքի սրահում և անգամ «El Pollo Loco» սրճարանների ցանցում, որտեղ հագնում էր մեծ հավի հանդերձանք և հրավիրում մարդկանց՝ այցելելու սրճարանը։ Այս ամենին զուգահեռ նա այցելում էր դերասանական վարպետության դասընթացներ։ Լուրջ դերասանական կարիերան սկսեց այն ժամանակ, երբ նրան առաջարկեցին խաղալ «Դալլաս» հեռուստասերիալում։ Այդ դերից հետո նրան սկսեցին առաջարկել դերեր այլ ֆիլմերում և հեռուստասերիալներում։ 1988 թ. նա առաջին անգամ ստացավ գլխավոր դերը «Արևի մութ կողմը» ֆիլմում։ Այդ ֆիլմը նկարվում էր Հարավսլավիայում։ Նկարահանման ժամանակ երկրում սկսվեց քաղաքացիական պատերազմ, և նկարահանող խումբը բավականին արագ ստիպված էր լքել երկիրը։ Խառնաշփոթի մեջ կորցնում են նկարահանված նյութերի կեսը, բայց 1998 թ. նյութերը գտնվում են, և ֆիլմը լույս է տեսնում։ 1991 թ. Փիթը խաղում է Ռիդլի Սքոթի «Թելման և Լուիզը» ֆիլմում։ Հետագայում հաջորդեցին այնպիսի ֆիլմեր, ինչպիսին են՝ «Այնտեղ, որտեղ հոսում է գետը», «Աշնան լեգենդները», «Հարցազրույց արնախումի հետ։ Արնախումի կյանքի քրոնիկա» (Թոմ Քրուզի և Անտոնիո Բանդերասի մասնակցությամբ), «Յոթ»։ Փիթը 1995 թվականաին առաջադրվել է «Օսկարի» որպես լավագույն երկրորդ պլանի դերասան «12 կապիկ» ֆիլմի համար։ 1995 թվականին «Empire» ամսագիրը հայտնում է 25 ամենասեքսուալ տղամարդկանց անունները։ Ցուցակում Փիթը զբաղեցնում էր առաջնային դիրքեր, իսկ «People» ամսագրի կողմից Փիթը 2 անգամ ճանաչվել է ամենասեքսուալ տղամարդը կենդանի մարդկանց մեջ՝ դառնալով միակ մարդը, որն արժանացել է այդ պաշտոնին մեկ անգամից ավել։ 1997 թվականին լույս է տեսնում «Յոթ տարի Տիբեթում» ֆիլմը, որտեղ պատմվում է Չինաստանի մուտքը Տիբեթ։ Այս ֆիլմում խաղալու համար Բրեդ Փիթը և Դևիդ Թուլիսը ընդմիշտ զրկվեցին մուտք գործելուց Չինաստան։ 1999 թվականին Փիթը խաղում է իր ամենահայտնի դերերից մեկը «Մարտական ակումբ» ֆիլմում, որի ռեժիսորն է Դեյվիդ Ֆինչերը։ Ֆիլմը հիմնված է Չակ Պալանիկի գրքի վրա։ Բայց Բրեդ Փիթի անունը սկսեց թնդալ ամբողջ աշխարհով միայն «Տրոյա» ֆիլմից հետո, որտեղ Փիթը խաղաց Աքիլլեսին։ Հետո Փիթը նկարահանվում է մի քանի հաջողված ֆիլմերում, այդ թվում նաև «Միսթեր և միսիս Սմիթ» ֆիլմում իր ապագա կնոջ՝ Անջելինա Ջոլիի հետ։ Իր վերջին դերերից է «Բենջամին Բաթոնի առեղծվածային պատմությունը» ֆիլմում գլխավոր հերոսի դերը, որի ռեժիսորը նույնպես Դեյվիդ Ֆինչերն էր։ Փիթը բացի դերասանական աշխատանքից բավականին ակտիվ զբաղվում է նաև պրոդյուսերական գործունեությամբ։ 2002 թվականին Փիթը իր նախկին կնոջ՝ Ջենիֆեր Անիստոնի և ներկայիս Paramount Pictures ընկերության պրոդյուսեր Բրեդ Գրեյի հետ հիմնադրում է նոր ստուդիա՝ Plan B Entertainment անունով։ 2005 թվականին իր ընկերությունը հովանավորեց Թիմ Բարթոնի «Չառլին շոկոլադե ֆաբրիկայում» ֆիլմը։ Plan B ընկերությունը նաև հովանավորում էր Մարտին Սկորսեզեի «Հանգուցյալները» ֆիլմը, որը արժանացել էր «Օսկարի»։ Փիթը հանդես է եկել որպես դերասան այնպիսի գովազդներում, որոնց պատվիրատուները եղել են Հայնիքենը, Հոնդան և Ճապոնական SoftBank ընկերությունը։

Անձնական կյանքը[խմբագրել]

Անջելինա Ջոլի և Բրեդ Փիթ 2007 թ Կաննի կինոփառատոնում

1995 թվականին Փիթը բավականին ջերմ հարաբերություններ է սկսում ունենալ Գվինեթ Փելթրոուի հետ (նրանք միասին հանդես էին գալիս «Յոթ» ֆիլմում)։ 1996 թվականին նրանք նշանվում են, իսկ երբ գործը հասնում է ամուսնանալուն, 1997 թվականի հուլիսին նրանք բաժանվում են։ 2000 թվականի հուլիսի 29-ին Փիթը ամուսնանում է դերասանուհի Ջենիֆեր Անիստոնի հետ։ Նրանց ամուսնությունը տևում է հինգ տարի և պաշտոնապես չեղարկվում 2005 թվականի հոկտեմբերի 2-ին։ 2006 թվականի հունվարի 11-ին Բրեդ Փիթը և Անջելինա Ջոլին պաշտոնապես հայտարարում են իրենց հարաբերությունների մասին և ասում, որ Ջոլին հղի է Փիթից։ 2006 թվականի մայիսի 26-ին Նամիբիայում ծնվում է Շայլա Նուվել դուստրը։ 2008 թվականի հուլիսի 12-ին Փարիզում ծնվում են երկվորյակներ Նոքս Լեոնը (տղա) և Վիվիեն Մարշելինը (աղջիկ)։ Զույգը նաև որդեգրել է 3 երեխա։ Հիմա նրանք ունեն վեց երեխա՝ որդիներ Շիվանը, Փաքս Թենը և Նոքս Լեոնը, իսկ դստրերը՝ Զախարա Մարլի, Շայլո Նուվել և Վիվիեն Մարշելինը։ Բոլոր երեխաների ազգանունը Ջոլի-Փիթ է։

Ֆիլմագրություն[խմբագրել]

Դերասան
Տարի Ֆիլմ բնօրինակ անվանում Դեր
1987 «Ելք չկա» No Way Out Սպա խնջույքում
1987 «Չեզոք գոտի» No Man's Land Մատուցող
1987 «Քիչ, քան զրոն» Less Than Zero Մարդ խնջույքում
1987 «Հասակի խնդիրներ» Growing Pains Ջեֆֆ
1987 «Դալլաս» Dallas Ռենդի
1988 «Ջամփ սթրիթ 21» 21 Jump Street Պիտեր
1989 «Միասին երջանիկ» Happy Together Բրայն
1989 «Բաց թողնելով պարապմունքները» Cutting Class Դուայտ Ինգալզ
1989 «Դասարանի նախագահը» Head of the Class Չակ
1989 «Ֆրեդդի մղձավանձջները» Freddy's Nightmares Ռիք
1990 «Նկարը (հեռուստաֆիլմ)» The Image Կինոօպերատոր
1990 «Մեռնելու համար չափազանց երիտասարդ» Too Young to Die? Բիլի Կենտոն
1990 «Փառքի օրեր» Glory Days Վոլկեր Լավջոյ
1991 «Ավտոարշավներ շրջանով» Across the Tracks Ջո Մալոնի
1991 «Թելման և Լուիզը» Thelma & Louise Ջեյ Դի
1991 «Ջոնի Սուիդ» Джонни Замша Ջոնի Սուիդ
1992 «Շփում» Contact Կոկս
1992 «Զուգահեռ աշխարհ» Cool World Խուզարկու Ֆրենկ Հերիս
1992 «Այնտեղ, որտեղ հոսում է գետը» A River Runs Through It Փոլ Մակլին
1993 «Կալիֆորնիա» Kalifornia Էռլի Գրեյս
1993 «Իսկական սեր» True Romance Ֆլոյդ
1994 «Ծառայություն» The Favor Էլիոթ Ֆաուլեր
1994 «Հարցազրույց արնախումի հետ։ Արնախումի կյանքի քրոնիկա» Interview with the Vampire: The Vampire Chronicles Լուիս դե Փուենտ դիու Լակ
1994 «Աշնանային լեգենդներ» Legends of the Fall Տրիստան Լադլով
1995 «Յոթ» Seven Դեյվիդ Միլզ
1995 «12 կապիկ» 12 Monkeys Ջեֆրի Գոյնզ
1996 «Քնածները» Sleepers Մայքլ Սալիվան
1997 «Սատանայի սեփականությունը» The Devil's Own Ռորի Դևանի / Ֆրենսիս (Ֆրենկի) Օստին Մակգվեիր
1997 «Յոթ տարի Տիբեթում» Seven Years in Tibet Հեյնրիխ Հարեր
1997 «Արևի մութ կողմը» The Dark Side of the Sun Ռիք
1998 «Ծանոթացեք՝ Ջո Բլեք» Meet Joe Black Ջո Բլեք
1999 «Մարտական ակումբ» Fight Club Թայլեր Դարդեն
1999 «Լինել Ջոն Մալկովիչ» Being John Malkovich իրեն
2000 «Մեծ խաղագումար» Snatch. Միքի Օնիլ
2001 «Մեքսիկացին» The Mexican Ջերի Ուելբաչ
2001 «Լրտեսական խաղեր« Spy Game Թոմ Բիշոպ
2001 «Օուշենի 11 ընկերները» Ocean's Eleven Ռասթի Ռայեն
2001 «Ընկերները (հեռուստասերիալ)» Friends Ուիլ Քոլբարթ
2002 «Ամբողջ գեղեցկությամբ» Full Frontal իրեն
2002 «Վտանգավոր մարդու խոստովանությունը» Confessions of a Dangerous Mind Բրեդ, Bachelor #1
2003 «Սինդբադ. Յոթ ծովերի լեգենդը» Sinbad: Legend of the Seven Seas Սինբադ
2003 «Էբբի Սինգեր» Abby Singer (film) իրեն
2004 «Տրոյա» Troy Աքիլլես
2004 «Օուշենի 12 ընկերները» Ocean's Twelve Ռասթի Ռայեն
2005 «Միսթեր և միսիս Սմիթ» Mr. & Mrs. Smith Ջոն Սմիթ
2006 «Բաբելոն» Babel Ռիչարդ
2007 «Օուշենի 13 ընկերները» Ocean's Thirteen Ռասթի Ռայեն
2007 «Ինչպես վախկոտ Ռոբերտ Ֆորդը սպանեց Ջեսսի Ջեյմսին» The Assassination of Jesse James by the Coward Robert Ford Ջեսի Ջեյմս
2008 «Կարդալուց հետո այրել» Burn After Reading Չեդ Ֆելդհայմեր
2008 «Բենջամին Բաթոնի առեղծվածային պատմությունը» The Curious Case of Benjamin Button Բենջամին Բաթոն
2009 «Անփառունակ սրիկաները» Inglourious Basterds Ալդո Ռեյն
2010 «Մեգաուղեղ» Megamind Metro-Man
2011 «Կենաց ծառը» The Tree of Life Պարոն Օբրայեն
2011 «Մարդ, որը փոխեց ամեն ինչ» Moneyball Բիլլի Բինն
Պրոդյուսեր
Տարի Ֆիլմ բնօրինակ անվանում
2006 God Grew Tired of Us
2006 «Հանգուցյալները» The Departed
2006 «Սուր սահմանի վրա» Running with Scissors (film)
2007 Տեհաչյան նախագիծ The Tehuacan Project
2007 «Շան տարի» Year of the Dog (film)
2007 «Նրա սիրտը» A Mighty Heart
2007 «Ինչպես վախկոտ Ռոբերտ Ֆորդը սպանեց Ջեսսի Ջեյմսին» The Assassination of Jesse James by the Coward Robert Ford
2008 «Գեղեցիկ/նուրբ» Pretty/Handsome
2009 «Ճանապարհորդի կինը» The Time Traveler's Wife
2009 «Պիպպի Լիի անձնական կյանքը» The Private Lives of Pippa Lee
2010 Kick-Ass (film)
2010 «Կեր, աղոթիր, սիրիր» Eat Pray Love
2011 «Կենաց ծառը» The Tree of Life