Անջելինա Ջոլի

Վիքիպեդիայից՝ ազատ հանրագիտարանից
Picto infobox film.png
Անջելինա Ջոլի
Անջելինա Ջոլի Վոյթ
Angelina Jolie by Gage Skidmore 2.jpg
Բնօրինակ անուն ազգանուն Անջելինա Ջոլի Վոյթ
Հասակը 173 սմ
Ծնվել է՝ հունիսի 4, 1975 (1975-06-04) (39 տարեկան)
Ծննդավայր Լոս Անջելես, ԱՄՆ
Ազգություն ԱՄՆ-ի դրոշը ԱՄՆ
Մասնագիտություն Դերասանուհի
Ակտիվ շրջան 1984–այժմ
Ժանրեր Թրիլեր,
Արկածային,
Մարտական
Ընտրանի "Ծայրահեղ վտանգավոր է",
"Լարա Քրոֆթ. Դամբարաններ թալանողը",
"Միսթր և միսիս Սմիթ"
Ամուսին(ներ) Ջոննի Լի Միլլեր (ամուսնալուծված),
Բիլլի Բոբ Տորնտոն (ամուսնալուծված),
Բրեդ Փիթ
Երեխա(ներ) 6 երեխա
IMDb ID 0001401
ԿինոՊոիսկ ID 20866

Անջելինա Ջոլի Վոյթը (անգլ.՝ Angelina Jolie Voight), առավել հայտնի որպես Անջելինա Ջոլի (ծնվ. հունիսի 4 1975, Լոս-Անջելես, ԱՄՆ) ամերիկացի դերասանուհի, կինոռեժիսոր ու սցենարիստ, ֆոտոմոդել։ Արժանացել է «Օսկար» մրցանակի, ինչպես նաև «Ոսկե Գլոբուս» (3 անգամ) և ԱՄՆ կինոդերասանների Գիլդիայի մրցանակի (2 անգամ)։ 2014 թվականին ստացել է Ջին Հերշոլտի անվան մրցանակ։

Զբաղվում է բարեգործությամբ, ՄԱԿ-ի բարի կամքի դեսպան է։ Հոլիվուդի ամենաբարձր վարձատրվող դերոսանուհիների՝ Forbes ամսագրի կազմած ցանկում ընդգրկվել է 2009[1], 2011[2] և 2013[3] թթ.։ Բազմիցս անվանվել է աշխարհի ամենագեղեցիկ կին և մշտապես գտնվում է մամուլի ուշադրության կենտրոնում[4][5][6][7]։

Ջոլիի հոր՝ Ջոն Վոյթի հետ նկարահանվել է «Ելք իրավիճակից» ֆիլմում (1982), սակայն նրա դերասանական կարիերան սկսել է մեկ դրանից տասնամյակ անց, երբ նա նկարահանվում է «Կիբորգ 2. Ապակե ստվերը» (1993) փոքրաբյուջետ ֆիլմում։ Ջոլին իր առաջին հաջողված դերը խաղացել է «Կոդահենները» (1995) ֆիլմում։ Նա նաև նկարահանվել է քննադատների կողմից բարձր գնահատականի արժանացած «Ջորջ Ուոլաս» (1997) և «Ջիա» (1998) ֆիլմերում, «Օսկարի» է արժանացել «Ընդհատված կյանքը» (1999) ֆիլմում կատարած երկրորդական դերի համար։ Անջելինա Ջոլին համաշխարհային ճանաչման արժանացավ հատկապես «Լարա Քրոֆթ. Դամբարաններ թալանողը» (2001) ֆիլմում վիդեոխաղերի հերոսուհի Լարա Քրոֆթի դերը կատարելուց հետո, իսկ ֆիլմի շարունակությունում («Լարա Քրոֆթ. Դամբարաններ թալանողը 2. Կյանքի օրորոց», 2003) նկարահանվելուց հետո հանդիսանում է Հոլիվուդի ամենաբարձր վարձատրվող դերասանուհիներից մեկը[8]։ Հետագայում նա նկարահանվել է մեծ հաջողություն ունեցած այնպիսի ֆիլմերում, ինչպիսիք են՝ «Միսթր և միսիս Սմիթ» (2005), «Ծայրահեղ վտանգավոր է» (2008), «Սոլթ» (2010) և «Տուրիստ» (2010), որոնք համաշխարհային վարձույթում վաստակել են համապատասխանաբար $478 միլիոն, $341 միլիոն, $293 միլիոն և $278 միլիոն[9]։ «Փոխարինում» (2008) ֆիլմի շնորհիվ արժանացել է «Օսկարի» կնոջ լավագույն դերակատարման համար։

Անջելինա Ջոլին 2014 թվականին

2011 թ. Ջոլին նկարահանել է «Այրան և մեղրի սահմանագծին» ֆիլմը՝ հանդես գալով որպես ֆիլմի սցենարիստ, պրոդյուսեր ու ռեժիսոր։

Անջելինա Ջոլին ներկայումս ապրում է դերասան Բրեդ Փիթի հետ։ Նրանք դաստիարակում են իրենց վեց երեխաներին, որոնցից երեքն իրենց կենսաբանական երեխաներն են, երեքը՝ որդեգրված։

Կենսագրություն[խմբագրել]

Վաղ կյանքը և ընտանիքը[խմբագրել]

Անջելինա Ջոլին ծնվել է Կալիֆորնիայի Լոս Անջելես քաղաքում՝ դերասաններ Ջոն Վոյթի ու Մարշելին Բերտրանի ընտանիքում։ Նա դերասան Ջեյմս Հեյվենի քույրն է, երգիչ-երգահան Չիփ Թեյլորի զարմուհին, դերասաններ Մաքսիմիլիան Շելլի ու Ժաքլին Բիսետի սանիկը։

Անջելինա Ջոլիի ծնողներն ամուսնալուծվել են 1976 թ., որից հետո Ջոլին ու նրա եղբայրն ապրում են իրենց մոր հետ։ Վերջինս թողնում է իր դերասանական կարիերան և նվիրվում երեխաների դաստիարակությանը[10] Ջոլին հաճախ էր նայում իր մոր մասնակցությամբ ֆիլմեր, ինչը նրա մեջ հետաքրքրություն է առաջացնում դերասանական արվեստի նկատմամբ։ Նա պնդում է, որ իր հոր կարիերան ոչ մի ազդեցություն չի գործել իր վրա[11] Երբ Անջելինան վեց տարեկան էր, նրա մայրն ու խորթ հայրը ընտանիքի հետ տեղափոխվում են Փալիսադես, Նյու Յորք[12], սակայն հինգ տարի անց վերադառնում են Լոս Անջելես։ Այդ ժամանակ Ջոլին արդեն որոշել էր, որ դառնալու է դերասանուհի, և սկսում է հաճախել Լի Ստրասբերգի կինոյի ու թատրոնի ինստիտուտ, որտեղ նա սովորում է երկու տարի և մասնակցում մի շարք բեմադրությունների։

Ջալին թողնում է ուսումը ու ուզում դառնալ հուղարկավորություններ կազմակերպող։ Նա իրեն ճնշված էր զգում իր ոչ սովորական արտաքինի, նիհարության ու հին հագուստ հագնելու պատճառով։ Դրան ավելացավ նաև այն, որ անհաջողությամբ ավարտվեցին մոդել դառնալու փորձերը։ Այս շրջանում Ջոլին հագնում էր բացառապես սև հագուստ, մազերը ներկել էր կարմիր, հանդիպում էր մի տղայի հետ։ Այդ ժամանակ Ջոլին հաճախ էր դանակով վերքեր հասցնում ինքն իրեն. CNN հեռուստաալիքին տված հարցազրույցում նա ասել է. «Ես դանակների հավաքածու ունեմ, և իմ շուրջը միշտ նման իրեր կան: Ինչ-որ պատճառով սեփական մարմնին վերքեր հասցնելու ծեսը և դրանից ցավ զգալը, հավանաբար, ինքն իրեն կենդանի ու ազատ զգալը թերապիա էր ինձ համար»[13]։ Այն տղայի հետ հարաբերությունների ավարտից երկու տարի անց նա տուն է վարձում մոր տանից քիչ հեռու։ Նա ավարտում է դպրոցը, շարունակում հաճախել թատերական արվեստի դասերի։ Այդ տարիների մասին նա ասել է. «Հոգուս խորքում ես դաջվածքներով պանկ երեխա եմ և միշտ կմնամ այդպիսին»[14]

Ջոլին մի քանի անգամ ինքնասպանության փորձ է կատարել[15]։ Նա նաև սկսում է օգտագործել տարբեր թմրանյութեր ու 20 տարեկանում արդեն փորձել էր ամեն հասանելի թմրանյութ, այդ թվում՝ հերոին[16]։

Անջելինա Ջոլին հայտնի է հոր՝ Ջոն Վոյտի նկատմամբ անբարյացակամ վերաբերմունքով։ Ջոլին միշտ մեղադրում էր հորը՝ կնոջը դավաճանելու ու ընտանիքը լքելու համար։ Չնայած դրան՝ Ջոլին փորձում էր վերականգնել հարաբերությունները հոր հետ. նա հորը հրավիրում է մասնակցելու «Լարա Քրոֆթ. դամբարաններ թալանողը» (2001) ֆիլմի նկարահանմանը, որում Ջոլին խաղում էր գլխավոր դերը։ Սակայն նկարահանման ընթացքում նրանց միջև մի քանի անգամ վեճեր եղան, որից հետո Ջոլին հրաժարվում է նրան իր հայրը համարելուց[10]։ 2002 թ-ի կեսերին Անջելինա Ջոլի դիմում է ներկայացնում իրեն պաշտոնապես որպես Անջելինա Ջոլի գրանցելու համար՝ ցանկանալով վերջնականապես հրաժարվել հոր ազգանունից[17]։ Նույն տարում Ջոն Վոյտը մամուլում հայտարարում է, թե Անջելինան հոգեկան լուրջ խնդիրներ ունի[18]։ 2004 թ. մի հարցազրույցի ժամանակ Ջոլին ասել է, որ չի ցանկանում շարունակել շփվել հոր հետ[18]։ Սակայն 2007 թ. հունվարի 27-ին մոր մահից հետո Ջոլին վեց տարվա ընդմիջումից հետո վերսկսել է հոր հետ շփումը[19]։

Կարիերա[խմբագրել]

Վաղ աշխատանքը. 1982, 1991–1997[խմբագրել]

7 տարեկան հասակում Ջոլին փոքրիկ դեր է կատարում «Ելք իրավիճակից» (1982) ֆիլմում, որի սցենարի համահեղինակն ու դերակատարներից մեկն իր հայրն էր։ 16 տարեկանում Ջոլին մասնակցում է բազմաթիվ լսումների, սակայն նրան դեր չեն տալի՝ հաճախ պատճառաբանելով, թե աղջիկը «չափազանց մռայլ» է"[15]։

Ջոլին՝ որպես մոդել, սկսել է աշխատել դեռ 14 տարեկան հասակում։ Աշխատել է Նյու Յորքում, Լոս Անջելեսում, Լոնդոնում։ Բացի այդ՝ նա նկարահանվում է նաև երաժշտական մի շարք տեսահոլովակներում, այդ թվում՝ Լենի Կրավիցի «Stand By My Woman» (1991), Meat Loaf-ի «Rock’n’Roll Dreams Come Through» (1993), The Lemonheads-ի «It's About Time» (1993) և այլն, որից հետո 16 տարեկան հասակում վերադառնում է թատրոն։ Մոտավորապես այդ ժամանակ էլ նրա եղբայրը՝ Ջեյմս Հեյվենը, սկսում է հաճախել կինոդպրոց (USC School of Cinematic Arts)։ Անջելինան խաղացել է եղբոր ուսանողական 5 բեմադրություններում։ Following a supporting role in the independent film Առանց վկաների (1995) ֆիլմում երկրորդական դերից հետո Ջոլին նկարահանվում է իր առաջին հոլիվուդյան ֆիլմում՝ կատարելով Քեյթ Լիբիի դերը Կոդահենները (1995) ֆիլմում։ The New York Times թերթը գրում է. "Քեյթը (Անջելինա Ջոլի) առանձնանում է: Դա այն պատճառով է, որ նա իր հետ նկարահանվողներից ավելի բարկացկոտ է մռայլվում, և նա այն եզակի կին կոդահենն է, ով իր ստեղնաշարի առաջ կենտրոնացած նստում է կիսաթափանցիկ վերնազգեստով: Ֆիլմի բյուջետային ցուցադրությունը ձախողվեց, սակայն այն մեծ ճանաչում գտավ տեսաերիզի թողարկումից հետո[20] Այս ֆիլմի նկարահանման ժամանակ Ջոլին ծանոթանում է բրիտանացի դերասան Ձոնի Լի Միլլերի հետ, ով մեկ տարի անց դառնում է Ջոլիի առաջին ամուսինը:

1996 Ջոլին նկարահանվում է Իտալական սիրահարները կատակերգությունում, որ Ռոմեոյի ու Ջուլիետի պատմության ժամանակակից տարբերակն է. այս անգամ կոնֆլիկտը Նյու Յորքում վերաբնակված իտալացի երկու հակառակորդ ռեստորանատերերի ընտանիքների միջև է: Անապատի արևը (1996) ֆիլմում Ջոլին խաղում է մի երիտասարդ կնոջ, ով սիրահարվում է Դենի Այելոյին՝ միջին տարիքի մի մարդու, ով սիրահարված է նրա մորը, ում մարմնավորում է Էնն Արչերը: Նույն տարում Ջոլին է մարմնավորում Մարգրեթ Սադովսկուն Կեղծ կրակ ֆիլմում:

1997 թ. Ջոլին Դավիդ Դուխովնու հետ նկարահանվում է «Պատկերելով Աստծուն» ֆիլմում։ Ֆիլմը քննադատների կողմից դրական արձագանքի չարժանացավ. Ռոջեր Էբերտը նկատեց, որ «Անջելինա Ջոլին.... ջերմություն է գտնում այնպիսի դերերում, որ սովորաբար դժվար են ու ագրեսիվ, նա թվում է չափազանց գեղեցիկ Բլոսոմի ընկերուհին լինելու համար, և գուցե դա իսկապես այդպես է»"[21]: Ջոլին նաև հայտնվում է Իսկական կինը (1997) հեռուստատեսային ֆիլմում՝ որ նկարահանվել է Ամերիկայի արևմուտքում Յանիկ Վուուս Վինդլի գրքի հիման վրա: Նույն տարում նա նկարահանվում է Rolling Stones-ի "Anybody Seen My Baby?" երաժշտական տեսահոլովակում:

Առաջընթացը եւ ճանաչումը[խմբագրել]

«Ջորջ Ուոլաս» (1997) հեռուստատեսային ֆիլմում մասնակցության համար Անջելինա Ջոլին արժանանում է «Էմմի» հեռուստատեսային մրցանակին, ինչպես նաև ստանում է «Ոսկե Գլոբուս» մրցանակը: Ֆիլմը ջերմորեն է ընդունվում հեռուստաքննադատների կողմից, ինչի շնորհիվ ստանում է «Ոսկե Գլոբուս» մրցանակը «Լավագույն սերիալ/ֆիլմ՝արտադրված հեռուստատեսության համար»։ Ջոլին այնտեղ խաղում է Ալաբամա նահանգի նահանգապետ Ջորջ Ուոլասի երկրորդ կնոջ՝ Կորնելիայի դերը։


Հենց հաջորդ տարում հեռարձակվում է ևս մի կենսագրական ֆիլմ «Ջիա» վերնագրով։ Այնտեղ Ջոլին կատարում է Ջիա Մարի Գարանջիի դերը, ով 1970-ականների ճանաչված մոդելներից էր։ Ջոլին բազմիցս համառորեն մերժել է այդ դերը, պատճառաբանելով, որ Ջիան իրեն շատ է նման։ Ջիան տխրահռչակ էր նրանով, որ հակում ուներ թմրադեղերի նկատմամբ, միասեռական էր և վաղաժամ մահացել էր ՁԻԱՀ-ից։ Այդ ֆիլմի համար Ջոլին երկրորդ տարին անընդմաջ շահեց «Ոսկե Գլոբուս» մրցանակը։ Քննադատները Անջելինայի այդ դերակատարման մասին ասում էին, որ եթե ֆիլմը նկարահանվեր կինոպրոկատի համար, այլ ոչ թե հեռուստատեսային պատվերով, ապա «Ջիա»-ն կարող էր անգամ «Օսկար»-ի հավակնել։

Ինչպես ինքն է խոստովանում, այդ դծվար ու հոգնեցուցիչ նկարահանումներից հետո դերասանուհուն ժամանակ էր անհրաժեշտ հանգստանալու համար։ Ջոլին տեղափոխվում է Նյու-Յորք, որտեղ նյու-յորքյան համալսարանում հաճախում է սցենարիստի դասընթացների։ Այնուհետև Անջելինան նկարահանվում է կինոպրոկատներում մեժ հաջողություններ ունեցած մի քանի ֆիլմերում (նախ և առաջ, դրանք «Սիրո փոփոխականությունը» և «Վախի ուժը» ֆիլմերն են՝ Դենզել Վաշինգտոնի հետ, որոնք համաշխարհային վարձույթում 151 միլիոն դոլլար աշխատեցին)։

Անջելինա Ջոլիի մերժած դերերից է «Օտար.Հարոըթյուն» ֆիլմում քիբորգի դերը (1997, կատարեց Վայոնա Ռայդերը), ինչպես նաև «Չարլիի հրեշտակները»։

Անջելինա Ջոլին և Բրեդ Փիթը Կաննի մրցանակաբաշխությանը

ԵՎ, վերջապես, 1999 թվականին ԱՄՆ-ում էկրան է բարձրանում Ջեյմս Մենգոլդի «Ընդհատված կյանքը» ֆիլմը, որը, բոլոր կանխատեսումների համաձայն դառնալու էր Վայոնա Ռայդերի կինովերադարձը։ Սակայն ամեն ինչ ավարտվեց լրիվ այլ կերպ։ Ֆիլմը դարձավ Անջելինա Ջոլիի «հաղթանակը»։ Նա խաղում էր անսանձ ապստամբ Լիզա Ռոուսի դերը։ Այդ դերով նա ստացավ իր երրորդ «Ոսկե Գլոբուս»-ը, ԱՄՆ-ի կինոդերասանների Գիլդիայի մրցանակը, և, վերջապես, «Օսկար» «Երկրորդ պլանի լավագույն կնոջ դերակատար» անվանակարգում։ Բոլոր կնոքննադատները ծափահարում էին Անջելինա Ջոլիին, ով կրճ ժամանակում իսկական աստղի ճանաչում է ձեռք բերում Հոլիվուդում։

«Ընդհատված կյանքը» ֆիլմի հսկայական հաջողությունից հետո Ջոլին իրեն թույլ է տալիս նկարահանվել «Առևանգել 60 վայրկյանում» մարտաֆիլմում, որտեղ նա առանձնապես հնարավորություն չուներ ցուցադրել իր դրամատիկ տաղանդը։ Սակայն ֆիլմը մեղմ ասած հաջողություններ ունեցավ, հատկապես ֆինանսական առումով, հավաքելով ավելի քան 230 միլիոն դոլլար։

Ֆիլմագրություն[խմբագրել]

Դերակատարումներ[խմբագրել]

Թիվ Ֆիլմի անուն Բնօրինակի անվանումը Դերը Ժանրը Ռեժիսոր Խաղընկերներ
1982 Ելք իրավիճակից Lookin' to Get Out Թոշ՝ Փաթիի դուստրը Կատակերգություն Հել Էշբի Ջոն Վոյթ
1993 Կիբորգ 2. Ապակե ստվերը Cyborg 2 Քասելիա 'Քեշ' Ռիզ Ֆանտաստիկ,
Մարտական
Մայքլ Շրոդեր
1993 Ալիսան և Վիրիլը Alice & Viril Ալիսա Կարճամետրաժ,
Դրամա
Սթիվեն Շեյնբերգ
1993 Անժելան և Վիրիլը Angela & Viril Անջելինա Կարճամետրաժ,
Դրամա
Սթիվեն Շեյնբերգ
1995 Կոդահենները Hackers Քեյթ Լիբի / 'Այրող թթու' Թրիլեր,
Քրեական
Յեն Սոֆլի
1995 Առանց վկաների Without Evidence Ջոդի Սվերինջեն Թրիլեր,
Դրամա
Գիլ Դենիս
1996 Իտալական սիրահարները Love Is All There Is Ջինա Մալասիսի Մելոդրամա,
Կատակերգություն
Ջոզեֆ Բալոնյա,
Ռենե Թեյլոր
1996 Կեղծ կրակ Foxfire Մարգարետ 'Ոտքեր' Սադովսկի Դրամա Աննետ Հեյվուդ-Կարտեր
1996 Անապատի արևը Mojave Moon Էլիանոր 'Էլլի' Ռիգբի Մելոդրամա,
Կատակերգություն
Քևին Դաուլինգ
1997 Իսկական կինը True Women Ջեորջիա Վիրջինիա Լաշվե Վուդ Մելոդրամա,
Վեստեռն,
Կենսագրական
Կարեն Արթուր
1997 Ջորջ Ուոլաս George Wallace Կորնելիա Վալես Դրամա,
Կենսագրական
Ջոն Ֆրանկենհայմեր
1997 Պատկերելով Աստծուն Playing God Կլեր Թրիլեր,
Քրեական
Էնդի Ուիլսոն Դևիդ Դուխովնի,
Փեթեր Ստորմարե
1998 Ջիա Gia Ջիա Մարի Գարանջի Մելոդրամա,
Կենսագրական
Մայքլ Քրիստոֆեր
1998 Դժոխային խոհանոց Hell's Kitchen Գլորիա Մակնիերի Դրամա,
Քրեական
Թոնի Չինչիրիփինի Ռոզաննա Արկետ
1998 Սիրո փոփոխականությունը Playing by Heart Ջոան Մելոդրամա,
Կատակերգություն
Ուիլիարդ Քերոլ Շոն Քոնների,
Ջիլիան Անդերսոն,
Ռայան Ֆիլիպ
1999 Կառավարելով թռիչքները Pushing Tin Մերի Բել Մելոդրամա,
Կատակերգություն
Մայքլ Նյուել Ջոն Քյուսաք,
Բիլի Բոբ Տորնթոն,
Քեյթ Բլանշետ
1999 Վախի ուժը The Bone Collector Ամելիա Դոնաթի Թրիլեր,
Դրամա,
Քրեական
Ֆիլիպ Նոյս Դենզել Վաշինգտոն
1999 Ընդհատված կյանքը Girl, Interrupted Լիզա Ռոուս Դրամա,
Կենսագրական
Ջեյմս Մենգոլդ Վայնոնա Ռայդեր,
Վուպի Գոլդբերգ
2000 Առևանգել 60 վայրկյանում Gone in Sixty Seconds Սառա Վայլանդ Թրիլեր,
Մարտական,
Քրեական
Դոմինիկ Սենա Նիկոլաս Քեյջ
2001 Լարա Քրոֆթ. Դամբարաններ թալանողը Lara Croft։ Tomb Raider Լարա Քրոֆթ Ֆենտեզի,
Մարտական,
Արկածային
Սայմոն Ուեսթ Ջոն Վոյթ
2001 Հրապուրանք Original Sin Ջուլիա Ռասել, Բոնի Քասլ Մելոդրամա,
Դրամա
Մայքլ Քրիստոֆեր Անտոնիո Բանդերաս
2002 Կյանք, կամ դրա նման ինչ-որ մի բան Life or Something Like It Լանի Քերիգան Կատակերգություն,
Մելոդրամա
Սթիվեն Հերեկ
2003 Կանանց առևտուր Trading Women պատմող Փաստագրական Դևիդ Ա. Ֆեյնգոլդ
2003 Լարա Քրոֆթ. Դամբարաններ թալանողը 2. Կյանքի օրորոց Lara Croft Tomb Raider։ The Cradle of Life Լարա Քրոֆթ Ֆենտեզի,
Մարտական,
Արկածային
Յան դե Բոնտ Ջերարդ Բաթլեր
2003 Եզրագծից այն կողմ Beyond Borders Սառա Ջորդան Մելոդրամա,
Արկածային,
Ռազմական
Մարտին Քեմբլ
2004 Վերցնելով կյանքը Taking Lives Իլիենա Թրիլեր,
Դետեկտիվ
Դի Ջեյ Կարուզո
2004 Ստորջրյա եղբայրություն Shark Tale Լոլա (հնչյունավորում) Մուլտֆիլմ,
Կատակերգություն,
Ընտանեկան
Բիբո Բերժերոն,
Վիկի Ջենսոն,
Ռոբ Լետերման
Ռոբերտ Դե Նիրո,
Ռենե Զելվեգեր,
Ուիլ Սմիթ,
Մարտին Սկորսեզե
2004 Երկնային կապիտանը և ապագայի աշխարհը Sky Captain and the World of Tomorrow Ֆրանկի Ֆանտաստիկ,
Մարտական,
Արկածային
Քերի Կոնրան Ջուդ Լոու,
Գվինեթ Փելթրոու
2004 Ալեքսանդր Alexander Օլիմպիաս Արկածային,
Ռազմական,
Պատմական
Օլիվեր Սթոուն Քոլին Ֆարել,
Վել Կիլմեր,
Էնթոնի Հոփքինս,
Ջարեդ Լետո,
Ռոզարիո Դոուսոն
2005 Միսթր և միսիս Սմիթ Mr. & Mrs. Smith Ջեյն Սմիթ Մարտական,
Մելոդրամա,
Կատակերգություն
Դագ Լայման Բրեդ Փիթ,
Վինս Վոն,
Ադամ Բրոդի
2006 Կեղծ գայթակղություն The Good Shepherd Մարգարետ Ռասել Թրիլեր,
Պատմական
Ռոբերտ Դե Նիրո Մեթ Դեյմոն,
Ալեք Բոլդուին,
Ռոբերտ Դե Նիրո
2007 Նրա սիրտը A Mighty Heart Մարինե Փեռլ Ռազմական,
Պատմական,
Կենսագրական
Մայքլ Ուինթերբոթոմ
2007 Բեովուլֆ Beowulf Գրենդելի մայրիկը Մուլտֆիլմ,
Ֆենտեզի,
Արկածային
Ռոբերտ Զեմեկիս Էնթոնի Հոփքինս,
Ջոն Մալկովիչ
2008 Քունգ ֆու Պանդա Kung Fu Panda Վագրուհի (հնչյունավորում) Մուլտֆիլմ,
Մարտական,
Կատակերգություն,
Արկածային,
Ընտանեկան
Մարկ Օսբորն,
Ջոն Սթիվենսոն
Ջեք Բլեք,
Ջեքի Չան,
Լյուսի Լյու,
Դասթին Հոֆման
2008 Փոխարինում Changeling Քրիստին Քոլինս Թրիլեր,
Դետեկտիվ
Քլինթ Իսթվուդ Ջոն Մալկովիչ
2008 Ծայրահեղ վտանգավոր է Wanted Fox Մարտական,
Քրեական,
Թրիլեր
Թիմուր Բեկմամբետով Ջեյմս Մակեվոյ,
Մորգան Ֆրիման
2010 Սոլթ Salt Էվելին Սոլթ Մարտական,
Քրեական,
Թրիլեր
Ֆիլիպ Նոյս Լիվ Շրայբեր
2010 Քունգ ֆու Պանդա. Տոնական թողարկում Kung Fu Panda Holiday Special Վագրուհի (հնչյունավորում) Մուլտֆիլմ,
Կատակերգություն,
Ընտանեկան
Թիմ Ջոնսոն Ջեք Բլեք,
Ջեքի Չան,
Լյուսի Լյու,
Դասթին Հոֆման
2010 Տուրիստ The Tourist Էլիս Քլիֆոն-Վարդ Մարտական,
Թրիլեր,
Մելոդրամա
Ֆլորիան Հենկել Հոն Դոներսմարկ Ջոնի Դեփ,
Պոլ Բեթանի,
Թիմոտի Դալթոն
2011 Քունգ ֆու Պանդա 2 Kung Fu Panda 2 Վագրուհի (հնչյունավորում) Մուլտֆիլմ,
Մարտական,
Կատակերգություն,
Արկածային,
Ընտանեկան
Ջենիֆեր Յու Ջեք Բլեք,
Ջեքի Չան,
Լյուսի Լյու,
Վիկտոր Գարբեր,
Դասթին Հոֆման,
Միշել Յեո,
Ժան-Կլոդ Վան Դամ,
Գարի Օլդմեն
2011 Քունգ ֆու Պանդա. Վարպետների գաղտնիքները Kung Fu Panda։ Secrets of the Masters Վագրուհի (հնչյունավորում) Կարճամետրաժ,
Մուլտֆիլմ
Էնթոնի Լեոնդիս Ջեք Բլեք
2014 Մալեֆիսենթ Maleficent Մալեֆիսենթ Ֆենտեզի Ռոբերտ Ստրոնբերգ
- Կլեոպատրա Cleopatra Կլեոպատրա Կենսագրական,
Պատմական
Դևիդ Ֆինչեր
- Սոլթ 2 Salt 2 Էվելին Սոլթ Մարտական,
Քրեական,
Թրիլեր

Պրոդյուսեր[խմբագրել]

Թիվ Ֆիլմի անուն Բնօրինակի անվանումը
2005 Տրուդել Trudell
2005 Սիրային հիվանդություն Lovesick
2011 Այրան և մեղրի սահմանագծին In the Land of Blood and Honey

Ռեժիսուրա[խմբագրել]

Թիվ Ֆիլմի անուն Բնօրինակի անվանումը
2007 Տեղը ժամանակում A Place in Time
2011 Այրան և մեղրի սահմանագծին In the Land of Blood and Honey

Սցենարիստ[խմբագրել]

Թիվ Ֆիլմի անուն Բնօրինակի անվանումը
2011 Այրան և մեղրի սահմանագծին In the Land of Blood and Honey

Ծանոթագրություններ[խմբագրել]

  1. Դորոթի Փոմերանց, "Հոլիվուդի ամենաբարձր վարձատրվող դերասանուհիներ", Forbes, հուլիսի 1, 2009: Վերցված է 07.07.2011:
  2. Դորոթի Փոմերանց, "Հոլիվուդի ամենաբարձր վարձատրվող դերասանուհիներ", Forbes, հուլիսի 5, 2011: Վերցված է 07.07.2011:
  3. Դորոթի Փոմերանց, "Հոլիվուդի ամենաբարձր վարձատրվող դերասանուհիներ", Forbes, հուլիսի 29, 2013: Վերցված է 30.07.2013:
  4. "Անջելինան, ըստ Vogue-ի, կատարելությունն է ", WENN, մարտի 28, 2002: Վերցված է 07.07.2011:
  5. Ռեյչլ Քամփբել-Ջոնստոն, "Ամենագեղեցիկ կի՞նը", The Sunday Times, հունիսի 1, 2005: Վերցված է 07.07.2011:
  6. "2006-ի ամենագեղեցիկ աստղը. Անջելինա Ջոլի", People, ապրիլի 26, 2006: Վերցված է 07.07.2011:
  7. "Անջելինա Ջոլին աշխարհի ամենագեղեցիկ կինն է", Vanity Fair, ապրիլի 13, 2009Վերցված է 07.07.2011:
  8. "Նիկոլ Քիդմանը գլխավորում է Հոլիվուդի ամենաբարձր վարձատրվող դերասանուհիների ցանկը", PR Newswire, նոյեմբերի 30, 2006: Վերցված է 07.07.2011:
  9. "Angelina Jolie Movie Box Office Results", Box Office Mojo: Վերցված է 07.07.2011:
  10. 10,0 10,1 Ջոնաթան Վան Մետեր, "Անջելինա Ջոլի. Գեղեցիկ մարմին", Vogue, ապրիլ 2002: Վերցված է 07.07.2011:
  11. Դոմինիկ Ուիլլիս, "Անջելինա Ջոլիի կենսագրությունը", Tiscali.co.uk: Վերցված է 07.07.2011:
  12. Ջիմ Ժորոմե, "Միայնակ հայ Ջոն Վոյթի համար «Սեղան հինգի համար» ֆիլմն իր անձնական ցավալի փորձին մոտ պատմություն է", People, Ապրիլի 11, 1983: Վերցված է 07.07.2011:
  13. "Transcripts: Paula Zahn Now", CNN.com, հունիսի 9, 2005: Վերցված է 07.07.2011:
  14. Ջինջեր Սթրեյսեկ, "Ասռղի ուժը. գերելով աշխարհի աչքերը", Season Magazine, Ամառ 2005: Վերցված է 07.07.2011:
  15. 15,0 15,1 Քրիս Հիթ, "Արյուն, շաքար, սեքս, կախարդանք", Rolling Stone, հուլիսի 5, 2001: Վերցված է 07.07.2011:
  16. "Հիվանդ տղան ամուսնանում է նախկին թմրամոլի հետ", Daily Mirror, մայիսի 3, 1996: Վերցված է 07.07.2011:
  17. Ջոշ Գրոսսբերգ, «Անջելինա Ջոլիի ազգանունը խանգարում է», E! Online, սեպտեմբերի 17, 2002: Վերցված է 07.07.2011:
  18. 18,0 18,1 Օլիվեր Պոոլ, "Հայրը պատմում է Ջոլիի հոգեկան խնդիրների մասին'", The Daily Telegraph, օգոստոսի 3, 2002: Վերցված է 07.07.2011
  19. "Անջելինա Ջոլին հոր մասին", [Video], 60 րոպե, CBS, նոյեմբերի 27, 2011: Վերցված է 31.12.2011:
  20. Անդրյու Բրանդտ, "How Hollywood portrays hackers". PC World, մայիսի 4, 2001: Վեչցված է 07.07.2011:
  21. Ռոջեր Էբերտ, "Արձագանքներ: Պատկերելով Աստծուն". Chicago Sun-Times, հոկտեմբերի 17, 1997: Վերցված է 07.07.2011: