Ոսկե Գլոբուս
«Ոսկե Գլոբուս» (անգլերեն՝ Golden Globe Award) — ամերիկյան կինոմրցանակ, սահմանվել է Հոլիվուդյան արտասահմանյան լրագրողների ասոցիացիայի կողմից 1944 թվականին:
Ոսկե Գլոբուս մրցանակը շնորհվում է յուրաքանչյուր տարվա հունվար ամսին և որոշվում է Հոլիվուդում բնակվող մոտավորապես 90 միջազգային լրագրողների քվեարկության արդյունքում:
Համարվում է 3-րդ հեղինակավոր մրցանակը «Օսկար»-ից ու «Գրեմմի»-ից հետո:
Բովանդակություն |
[խմբագրել] Փաստեր և թվեր
Ջեք Նիկոլսոնը ամենաշատ Ոսկե Գլոբուս ստացած անհատն է, ով այդ պատվին արժանացել է 6 անգամ: Ֆրենսիս Ֆորդ Կոպպոլան, Օլիվեր Սթոունը, Շիռլի Մակլեյնը և Ռոզալինդ Ռասսելը երկրորդ տեղում են 5-ական մրցանակով: Ռոզալինդ Ռասսելը միակ անհատն է, ով 5 անգամ ներկայացված լինելով այս մրցանակին այդպես էլ չի ստացել է այն:
Ֆիլմերից ամենաշատ` 9 անվանակարգում ներկայացված է եղել «Նեշվիլլ» ֆիլմը, որ սակայն միայն մեկ Ոսկե Գլոբուս է ստացել Լավագույն երգ անվանակարգում: Երկրորդ տեղում 8-ական անվակարգերում ներկայացված են եղել «Կաբարե» (1973), «Բագսի» (1992) և ««Տիտանիկ» (1998) ֆիլմերը: 1967 թվականին «Ո՞վ է վախենում Վիջինիա Վուլֆից» և 1991 թվականին «Կնքահայրը-3» ֆիլմերը ներկայացված են եղել 7 անվանակարգում չհաղթելով սակայն դրանցից ոչ մեկում: 3 ֆիլմ, «Դոկտոր Ժիվագո», «Թռիչք կկվի բնի վրայով» և «Աստղ է ծնվել» ներկայացված լինելով 5 անվանակարգերում հաղթել են բոլոր անվանակարգերում:
Ոսկե Գլոբուս մրցանակին ներկայացված լինելու թվով ռեկորդակիրը դերասանուհի Մերիլ Սթրիփն է` 26 անգամ, ով նաև ամենաշատ Օսկարի ներկայացված անձն է (17 անգամ): Երկրորդ տեղում դերասան Ջեք Լեմոնն է` 22 անգամ:
[խմբագրել] Անվանակարգեր
Ոսկե Գլոբուսը տրվում է լիամետրաժ և հեռուստատեսային ֆիլմերի համար
[խմբագրել] Լիամետրաժ ֆիլմեր
- Լավագույն դրամա - 1944 թ. սկսած
- Լավագույն ֆիլմ (կատակերգություն կամ մյուզիքլ) - 1952 թ. սկսած
- Լավագույն ռեժիսոր - 1944 թ. սկսած
- Լավագույն դերասան (դրամա) - 1944 թ. սկսած
- Լավագույն դերասան (կատակերգություն կամ մյուզիքլ) - 1951 թ. սկսած
- Լավագույն դերասանուհի (դրամա) - 1944 թ. սկսած
- Լավագույն դերասանուհի (կատակերգություն կամ մյուզիքլ) - 1951 թ. սկսած
- Լավագույն դերասանի նորամուտ
- Լավագույն դերասանուհու նորամուտ
- Լավագույն երկրորդ պլանի դերասան
- Լավագույն երկրորդ պլանի դերասանուհի
- Լավագույն սցենար
- Լավագույն երաժշտություն
- Լավագույն երգ
- Լավագույն արտասահմանյան ֆիլմ
- Լավագույն անիմացիոն ֆիլմ
- Սեսիլ Բ. Դե Միլլի մրցանակ
[խմբագրել] Հեռուստատեսային աշխատանքներ
- Լավագույն դրամա
- Լավագույն կատակերգություն / մյուզիքլ
- Լավագույն սերիալի դերասան (դրամա)
- Լավագույն սերիալի դերասան (կատակերգություն/մյուզիքլ)
- Լավագույն սերիալի դերասան (դրամա)
- Լավագույն սերիալի դերասան (կատակերգություն/մյուզիքլ)
- Լավագույն մինի-սերալ կամ հեռուստատեսության ֆիլմ
- Լավագույն մինի-սերալի կամ հեռուստատեսության ֆիլմի դերասան
- Լավագույն մինի-սերալի կամ հեռուստատեսության ֆիլմի դերասանուհի
- Լավագույն մինի-սերալի կամ հեռուստատեսության ֆիլմի երկրորդ պլանի դերասան
- Լավագույն մինի-սերալի կամ հեռուստատեսության ֆիլմի երկրորդ պլանիդերասանուհի
