Լեոնարդո ԴիԿապրիո

Վիքիպեդիայից՝ ազատ հանրագիտարանից
Picto infobox film.png
Լեոնարդո ԴիԿապրիո
Leonardo Wilhelm DiCaprio
Leonardo DiCaprio 2014.jpg
Լեոնարդո ԴիԿապրիո, 2014 թ. լուսանկար
Բնօրինակ անուն Leonardo Wilhelm DiCaprio
Ծնվել է՝ նոյեմբերի 11, 1974 (1974-11-11) (40 տարեկան)
Ծննդավայր Լոս Անջելես, Կալիֆորնիա, ԱՄՆ
Քաղաքացիություն ԱՄՆ-ի դրոշը ԱՄՆ
Ազգություն ամերիկացի
Մասնագիտություն դերասան, պրոդյուսեր, սցենարիստ
Ակտիվ շրջան 1984–այժմ
Ժանրեր թրիլեր, դրամա
Ընտրանի «Արագ և մեռած», «Տիտանիկ»,
Պարգևներ և մրցանակներ «Արվեստների և գրականության շքանշանի ասպետ» (Ֆրանսիա)
IMDb ID 0000138
ԿինոՊոիսկ ID 37859
Պաշտոնական կայք

Լեոնարդո ԴիԿապրիո (անգլ.՝ Leonardo Wilhelm DiCaprio, նոյեմբերի 11, 1974), ամերիկացի կինոդերասան։ Առավել հայտնի ֆիլմերն են Ջեյմս Քեմերոնի «Տիտանիկ», Սթիվեն Սփիլբերգի «Բռնիր ինձ, եթե կարող ես», Մարտին Սկորսեզեի «Նյու Յորքի ավազակախմբերը», «Ավիատոր», «Հանգուցյալները», «Թակարդների կղզի» «Ուոլ սթրիթի գայլը», Քրիստոֆեր Նոլանի «Սկիզբ» և Բազ Լուրմանի «Մեծն Գեթսբին»։

Վաղ տարիներ[խմբագրել]

Լեոնարդո ԴիԿապրիոն ծնվել է 1974թ.-ի նոյեմբերի 11-ին։[1] Նա ունի իտալական, գերմանական և ռուսական արմատներ։ Լեոնարդոն ընտանիքի միակ երեխան է։ Ապագա դերասանը իր անունը ստացել է մոր շնորհիվ։ ԴիԿապրիոյի մայրը՝ Իրմելինը Իտալիայի թանգարաններից մեկում տեսել է Լեոնարդո դա Վինչիի ստեղծագործությունները և որոշել իր տղայի անունը դնել Լեոնարդո։ Երբ Լեոն դարձավ մեկ տարեկան, նրա ծնողները բաժանվեցին և նա մնաց մոր հետ։ Լեոն ստիպված էր ապրել Լոս Անջելեսի մի քանի թաղամասերում, քանի որ նրա մայրը մի քանի վայրերում էր աշխատում։

Կարիերա[խմբագրել]

Վաղ կարիերա[խմբագրել]

Ինչպես հայտնի շատ դերասաններ, այնպես էլ ԴիԿապրիոն սկսել է իր կարիերան սերիալներում խաղալով։ Երբ Լեոն 14 տարեկան էր, որոշեց դառնալ դերասան և իր համար գործակալություն գտավ։ Գործակալների դուր եկավ նրա սանրվածքը և անունը։ Նա նկարահանվեց ավելի քան 30 գովազդներում և «Սանտա-Բարբարա», «Ռոզալին» և «Լեսսի նոր արկածները»[2] սերիալնելում։

1991-1995: Մուտք կինոյի ասպարեզ[խմբագրել]

ԴիԿապրիոյի առաջին ֆիլմը դարձավ «Ատամնավորները 3» կատակերգական սարսափ ֆիլմը։ 1991թ.-ից նա նկարահանվեց «Հասակի հիվանդություններ» սերիալում, սակայն ստիպված եղավ լքել այն, որպեսզի խաղար Ռոբերտ Դե Նիրոյի հետ «Այդ տղայի կյանքը» ֆիլմում։ Ավելի ուշ՝ 1993 թվականին Լեոն Ջոնի Դեփի հետ նկարահանվեց Ինչն է անհանգստացնում Գիլբերտ Գրեյփին[3] ֆիլմում, որը արժանացավ կինոքննադատների բարձր միավորներին։ Ֆիլմը 18-ամյա Լեոին բերեց Օսկարի և Ոսկե Գլոբուսի նոմինացիա։ Նրա հետագա դերերն էին «Արագ և մեռած»՝ Շերոն Սթոունի, Ջին Հեքմենի և Ռասսել Քրոուի հետ, «Ամբողջական խավարում», որտեղ նա մարմնավորում էր ֆրանսիացի գրող Արթյուր Ռեմբոին[4] և «Բասկետբոլիստի Օրագրերը»՝ Մարկ Ուոլբերգի հետ։

1996-2001: Հիմնական հաջողություններ[խմբագրել]

1996թ.-ին Լեոն նկարահանվեց Բազ Լուրմանի Ռոմեո + Ջուլիետա[5] ֆիլմում Կլեր Դենսի հետ, որը նկարահանված է Ուիլյամ Շեքսպիրի համանուն պիեսի հիման վրա և այն հանդիսանում է ԴիԿապրիոյի հոր սիրած ֆիլմը։ Ռոմեո + Ջուլիետան Լեոյի առաջին ֆիլմն է, որը մեծ բյուջետ ունեցավ։ Ավելի ուշ նա կրկին նկարահանվեց Ռոբերտ Դե Նիրոյի հետ «Մարվինի սենյակը» դրամայում։ Ֆիլմում նկարահանվել են նաև Դայան Քիթոնը և Մերիլ Սթրիփը։
Լեոն համաշխարային ճանաչում ստացավ նկարահանվելով Ջեյմս Քեմերոնի Տիտանիկ ֆիլմում՝ Քեյթ Ուինսլեթի հետ։ Սկզբնապես ԴիԿապրիոն ցանկանում էր հրաժարվել Ջեք Դոուսոնի դերից, սակայն Քեմերոնը նրա դերասանական տաղանդի վրա չէր կասկածում։[6] Ֆիլմը ունեցավ հսկայական հաջողություններ, դառնալով այդ տարվա մշակութային ամենաքննարկվող թեման։ Դրա շնորհիվ «People» ամսագիրը Լեոին ընդգրկեց աշխարհի 50 ամենագեղեցիկ մարդկանց ցուցակի մեջ և նա դարձավ Հոլիվուդի ամենաբարձր վարձատրվող դերասաններից մեկը։ Ֆիլմը ստացավ 11 Օսկար, սակայն Լեոն ներկայացված չէր «Լավագույն դերասան» անվանակարգում, որն էլ դարձավ իսկական սկանդալ Օսկարի մրցանակաբաշխության համար։ Ավելի քան 200 երկրպագուներ բողոք ներկայացրեցին մրցանակաբաշխության կազմակերպիչներին, իսկ անձամբ Լեոն ներկա չգտնվեց այնտեղ։[7] Չնայած դրա ԴիԿապրիոն ներկայացվել էր Ոսկե Գլոբուս մրցանակաբաշխությանը։
1998թ.-ին Լեոն նկարահանվեց Վուդի Ալենի «Հայտնին» և «Երկաթե դիմակով մարդը» ֆիլմերում, որտեղ մարմնավորում էր ֆրանսիացի արքա Լյուդովիկոս XIV-ին և նրա երկվորյակ եղբորը՝ Ֆիլիպին։
ԴիԿապրիոյի հաջորդ նախագիծը եղավ արկածային դրամա «Լողափը», որը նկարահանված է Ալեքսա Գարլենդայի համանուն վեպի հիման վրա։ Սակայն ֆիլմը հաջողություն չունեցավ ոչ միայն կինովարձույթում, այլև կինոքննադատների հարցում։

2002-2007: Քննադատների գովեստ[խմբագրել]

2000-ական թվականներին ԴիԿապրիոյին առաջարկել էին նկարահանվել «Ամերիկացի խելագար» ֆիլմում, սակայն Պատրիկ Բետմանի դերը անցավ Քրիստիան Բեյլին։ Բացի այդ նա նաև կարող էր մարմնավորել Փիթեր Փարքերի կերպարը Սարդ մարդը սուպերհերոսական ֆիլմում, բայց դերը անցավ Լեոյի լավագույն ընկերոջը՝ Թոբի Մագուաերին։
2002թ.-ին ԴիԿապրիոյի առաջին դերը դարձավ Սթիվեն Սփիլբերգի «Բռնիր ինձ եթե կարող ես»,[8] որտեղ նրա հաղընկերն էր Թոմ Հենքսը։ Ֆիլմը պատում է Ֆրենք Էբիգնեյլի մասին, ով հայտնի է իր ոչ պարկեշտ արարքներով ոստիկանների հանդեպ։ Այն Լեոյի համար դարձավ կոմերցիոն ֆիլմ և բարձր գնահատականի արժանացավ քննադատների կողմից։ Այն դերասանին դերեց Ոսկե Գլոբուսի 3-րդ թեկնածությունը։

Լեոնարդո ԴիԿապրիոն, Քեմերոն Դիազը և Մարտին Սկորսեզեն Նյու Յորքի ավազակախմբերը ֆիլմի պրեմիերայի ժամանակ

2002թ.-ին Լեոն նկարահանվեց հանրահայտ ռեժիսոր Մարտին Սկորսեզեի Նյու Յորքի ավազակախմբերը ֆիլմում։ Ֆիլմը պատմում է բնիկ ամերիկացիների և էմիգրանտների միջև տեղի ունեցած բախման մասին, որը տեղի է ունեցել Նյու-Յորքում։ Սկզբնապես Սկորսեզեն ցանկանում էր վաճառել իր միտքը, սակայն երբ Լեոն հետաքրքրվեց ֆիլմով, նա որոշեց նկարահանել այն։ Ֆիլմը նկարահանվեց 147 տարբեր վայրերում, իսկ նկարահանումները տևեցին ընդամենը 52 օր։ ԴիԿապրիոն բարձր գնահատականի արժանացավ քննադատների կողմից, սակայն նա մնաց Դանիել Դեյ-Լյուիսի ստվերի ետևում, քանի որ վեջինիս խաղը ավելի բարձր գնահատվեց։
Նյու Յորքի ավազակախմբերը[9] ֆիլմից հետո Մարտին Սկորսեզեն և ԴիԿապրիոն նկարահանեցին իրենց համատեղ երկրորդ ֆիլմը՝ Ավիատորը։ Ֆիլմը պատում է հայտնի բիզնեսմեն Հովարդ Հյուզի մասին, որի դերը Լեոին բերեց Ոսկե Գլոբուս և ևս մեկ Օսկարի թեկնածություն։
2006թ.-ին Լեոն նկարահանվեց միանգամից երկու հաջողություն ունեցած ֆիլմերում։ Առաջինը՝ Արյունոտ ադամանդ ֆիլմում մաքսանենգ Դենի Արչերի դերում, ով փորձում էր գտնել ադամանդ։ Ֆիլմի գործողությունները կատարվում էին 1999 թվականի Քաղացիական պատերազմի ժամանակ։ Լեոյի խաղընկերներն էին՝ Ջիմին Հոնսին և Ջենիֆեր Քոնելին։ Ֆիլմը ԴիԿապրիոյին բերեց հաջորդ Օսկարի և Ոսկե Գլոբուսի նոմիանացիան։ Երկրորդ ֆիլմը Հանգուցյալները քրեական դրաման էր, որը արդեն Մարտին Սկորսեզեյի հետ երրորրդ աշխատանքն էր։ Լեոն մարմնավորել էր ոստիկան Ուիլյամ Քոսթիգանի կերպարը, ով իր ինքնությունը թաքցնելով մուտք է գործել իռլանդական մաֆիա։ Ֆիլմը բարձր արձագանքի արժանացավ կինոքննարդատների կողմից և ԴիԿապրիոյին բերեց Ոսկե Գլոբուսի և BAFTAի մրցանակ։ Ֆիլմում նրա խաղընկերներն էին Մեթ Դեյմոնը, Ջեք Նիկոլսոնը և Մարկ Ուոլբերգը։

2008-2012[խմբագրել]

2008 թվականի՝ նրա մասնակցությամբ առաջին ֆիլմը՝ «Ստի մարմինը» ֆիլմն էր, որտեղ նա մարմնավորում է ԿՀՎ-ի գործակալի։ Ֆիլմի համար Լեոն շականակագույն ներկեց իր մազերը և նույն գույնի ոսպնյակներ դրեց։ Ֆիլմի ծախսերը 67.5 միլիոն դոլար է, իսկ շահույթը ավելի քան 115 մլն դոլար։ Այն նաև ԴիԿապրիոյին բերեց հերթական Ոսկե Գլոբուսի նոմինացիան։

Սկիզբ ֆիլմի անձնակազմը:

Նույն թվականի երկրորդ ֆիլմը Փոփոխությունների ճանապարհը[10] դրաման է՝ Ռիչարդ Յաթսի համանուն վեպի հիման վրա, որը նրա և Քեյթ Ուինսլեթի երկրորդ համատեղ ֆիլմն է։ Ռեժիսորը Սեմ Մենդեսն է։ Դրաման Տիտանիկի նման սիրո պատմություն է, սակայն վերջում Լեոյի փոխարեն Քեյթն է մահանում։ Ֆիլմի շնորհիվ Լեոն յոթերորդ անգամ ներկայացվեծ Ոսկե Գլոբուս մրցանակին։
2010 թվականին Լեոն կրկին աշխատեց Մարտին Սկորսեզեյի հետ այս անգամ հոգեբանական թրիլլերում՝ Թակարդների կղզի ֆիլմում, որը նկարահանված է Դեննիս Լիհեյնի համանուն վեպի վրա։ Լեոն մարմնավորում էր ԱՄՆի մարշալ Էդվարդ «Թեդի» Դենիելսին։ Ֆիլմը հավաքեց 294 մլն դոլար[11] and became Scorsese's highest-grossing film worldwide.[12], որը դարձավ Սկորսեզեյի ամենաբարձր շահույթ ունեցող ֆիլմերից մեկը։
2010 թվականին նկարահանված Քրիստոֆեր Նոլանի Սկիզբ[13] ֆիլմը գիտաֆանտաստիկ թրիլերը դարձավ Լեոյի «այցեքարտը»։ Ֆիլմը երազների մասին է և ԴիԿապրիոն մարմնավորում է Դոմ Քոբբի կերպարը, ով պրոֆեսիոնալ «գող» է։ Նա PASIV սարքի միջոցով կարողանում է մուտք գործել մարդկանց երազների մեջ և ընդունակ է գողանալ մտքեր սեփական նպատակների համար։ Սակայն ինչպես սովորական մարդիկ այնպես էլ Քոբբը իր գաղտնիքները ունի։ Ֆիլմը բարձր գնահատականների է արժանացել կինոքննադատների կողմից և շահույթը հասել է 825 մլն դոլարի։
2011թ.-ին նկարահանվեց Ջ. Էդգար կենսագրական քրեական ֆիլմում, որտեղ մարմնավորում էր ՀՖԲ-ի տնօրեն Ջոն Էդգարին։
ԴիԿապրիոյի հաջորդ ֆիլմը Քվենտին Տարանտինոյի «Ազատագրված Ջանգոն» վեստեռնն էր։ Սա Լեոյի առաջին ֆիլմն է, որտեղ նա մարմնավորում է չարագործի՝ Քելվին Քենդիին։ Ֆիլմը նրան բերեց հերթական Ոսկե Գլոբուսի նոմինացիան։

2013-ներկա[խմբագրել]

Լեոնարդո ԴիԿապրիոն և Քերի Մալլիգանը Մեծն Գեթսբին ֆիլմի նկարահանումների ժամանակ:

2013 թվականին ԴիԿապրիոն նկարահանվեց Բազ Լուրմանի Մեծն Գեթսբին[14][15] դրամայում, որը Ֆրենսիս Սքոթ Ֆիցջերալդի համանուն վեպի էկրանավորումն է, որի պրեմիերան տեղի ունեցավ 2013թ.-ի Մայիսի 10-ին։ Ֆիլմում Լեոն մարմնավորում է Ջեյ Գեթսբիի կերպարը, որը գովեստի արժանացավ կինոքննադատների կողմից։
Նույն թվականի հաջորդ ֆիլմը Ուոլ Սթրիթի գայլը[16][17] կենսագրական կատակերգությունն է, որը Մարտին Սկորսեզեյի հետ հինգերորդ աշխատանքն է։ Ֆիլմը պատմում է ԱՄՆ-ի ամենահայտնի բիզնեսմեններից մեկի՝ Ջորդան Բելֆորտդի մասին և նրա կյանքում կատարած սխալների մասին։ Լեոն ֆիլմի համար ստանում է Ոսկե Գլոբուս «Լավագույն կատակերգական դերասան» անվանակարգում և 5-րդ անգամ ներկայացվում Օսկար մրցանակի:

Անձնակական կյանք[խմբագրել]

ԴիԿապրիոյի ամենամոտիկ ընկերը Թոբի Մագուաերն է, ում հետ նա ծանոթացել է «Ծնողներ» սերիալում։ Լեոն երկար ժամանակ է ինչ շփվում է դերասաններ Քեվին Քոննելլիի, Լուքաս Հասի[18] և Տիտանիկ ու Փոփոխությունների ճանապարհը ֆիլմերում իր խաղընկերուհի Քեյթ Ուինսլեթի հետ։

Լեոյի անձնական կյանքը միշտ հանրության ուշադրության կենտրոնում է։ Նրան հաճախ նկատում են հայտնի մոդելների հետ։ Լեոն լուրջ հարաբերություններ է ունեցել բրազիլացի մոդել Ջիզել Բունդշենի հետ։ Նրանք հանդիպել են 2000-2005թթ.։ Դրանից հետո նա սկսեց հանդիպել իսրայելցի մոդել Բար Ռաֆաելիի[19] հետ։ Նրանք ծանոթացել են 2005թ.-ի նոյեմբերին Լաս-Վեգասի երեկույթներից մեկի ժամանակ։ Զույգը միասին ճանապարհորդել է Իսրայել և հանդիպել նախագահի հետ։ Սակայն 2011թ.-ին նրանք հայտարարեցին, որ բաժանվել են։
Լեոյի հաջորդ ընկերուհին դերասանուհի և ֆոտոմոդել Բլեյկ Լայվլին է, ում հետ նրա հարաբերությունները տևեցին մեկ տարի։ 2011թ.-ի դեկտեմբերից մինչև 2012թ.-ի հոկտեմբերը Լեոն հանդիպեց մոդել Էրին Հիթերսոնի հետ։ Այժմն ԴիԿապրիոն հանդիպում է գերմանացի մոդել Թոնի Գարրնի հետ։

Ֆիլմագրություն[խմբագրել]

1rightarrow.png  Տես նաև Լեոնարդո ԴիԿապրիոյի ֆիլմագրությունը 

ԴիԿապրիոյի հայտնի ֆիլմերն են Ջեյմս Քեմերոնի «Տիտանիկ», Սթիվեն Սփիլբերգի «Բռնիր ինձ, եթե կարող ես», Մարտին Սկորսեզեի «Նյու Յորքի ավազակախմբերը», «Ավիատոր», «Հանգուցյալները», «Թակարդների կղզի», «Ուոլ Սթրիթի գայլը», Քրիստոֆեր Նոլանի «Սկիզբ» և Բազ Լուրմանի Ռոմեո + Ջուլիետա, «Մեծն Գեթսբին»։

Մրցանակներ և նոմինացիաներ[խմբագրել]

1rightarrow.png  Տես նաև Լեոնարդո ԴիԿապրիոյի ստացած մրցանակների և նոմինացիաների ցուցակը 

Լեոն մեծ բարձրունքների է հասել իր հիանալի դերասանական խաղի շնորհիվ և արժանացել կինոքննադատների գովեստին։ 10 անգամ ներկայացվել է Ոսկե Գլոբուս մրցանակաբաշխությանը և 2 անգամ ստացել այդ մրցանակ: Մինչև հիմա նա չնայած, որ 5 անգամ ներկայացվել է Օսկար մրցանակի, սակայն չի ստացել պատվավոր արձանիկը։

Ծանոթագրություններ[խմբագրել]

  1. Leonardo DiCaprio - Biography։ Encyclopedia of American Cinema։ Վերցված է՝ January 24, 2014։ 
  2. «Leonardo DiCaprio through the years». http://www.heart.co.uk/showbiz/celebrities/leonardo-dicaprio/photos/through-the-years/back-school։ Վերցված է 2014-06-27. 
  3. Maslin, Janet (դեկտեմբեր 17, 1993). «Movie Review: What's Eating Gilbert Grape». The New York Times. http://movies.nytimes.com/movie/review?res=9F0CE0D61631F934A25751C1A965958260։ Վերցված է հուլիսի 30, 2010. 
  4. Green, Jesse (February 12, 1995). «Fresh Blood». The New York Times. http://www.nytimes.com/1995/02/12/magazine/fresh-blood-leonardo-dicaprio.html?bl?pagewanted=1&pagewanted=5։ Վերցված է August 2, 2010. 
  5. «Romeo + Juliet (1996)»։ Boxofficemojo.com։ http://www.boxofficemojo.com/movies/?id=romeoandjuliet.htm։ Վերցված է հունվարի 13, 2009։ 
  6. «Titanic. Man Overboard!». Entertainment Weekly: pp. 1–7. նոյեմբերի 7, 1997. http://www.ew.com/ew/article/0,,290182,00.html։ Վերցված է հունվարի 24, 2010. 
  7. Busch, Anita M. (մարտի 6, 1998). «Was Leonardo Robbed?». Entertainment Weekly. http://www.ew.com/ew/article/0,,282088,00.html։ Վերցված է նոյեմբերի 23, 2013. 
  8. «Catch Me If You Can (2002)»։ The-Numbers.com։ http://www.the-numbers.com/movies/2002/CATCH.php։ Վերցված է օգոստոսի 3, 2010։ 
  9. «Scorsese's Gang Of Acting Heavyweights». Melbourne: TheAge.com. փետրվարի 10, 2003. http://www.theage.com.au/articles/2003/02/09/1044725670402.html։ Վերցված է օգոստոսի 3, 2010. 
  10. Wong, Grace (հունվարի 23, 2009). «DiCaprio Reveals Joys Of Fighting With Winslet». CNN. http://www.cnn.com/2009/SHOWBIZ/Movies/01/23/kate.leo/index.html?section=cnn_latest։ Վերցված է հունվարի 23, 2009. 
  11. «Shutter Island (2010)»։ Box Office Mojo։ Internet Movie Database։ http://www.boxofficemojo.com/movies/?id=shutterisland.htm։ Վերցված է մայիսի 20, 2013։ 
  12. Grey, Brandon (մայիսի 20, 2010)։ «‘Shutter Island' Is Scorsese’s Top Movie Worldwide»։ Box Office Mojo։ Internet Movie Database։ http://www.boxofficemojo.com/news/?id=2783&p=.htm։ Վերցված է մայիսի 20, 2013։ 
  13. Weintraub, Steve (մարտի 25, 2010). «Christopher Nolan and Emma Thomas Interview». Collider. http://www.collider.com/2010/03/25/director-christopher-nolan-and-producer-emma-thomas-interview-inception-they-talk-3d-what-kind-of-cameras-they-used-pre-viz-wb-and-a-lot-more/։ Վերցված է ապրիլի 6, 2010. 
  14. «THE GREAT GATSBY (12A)»։ British Board of Film Classification։ փետրվարի 25, 2013։ http://www.bbfc.co.uk/releases/great-gatsby-2։ Վերցված է փետրվարի 25, 2013։ 
  15. McClintock, Pamela (օգոստոսի 6, 2012). «Warner Bros. Moves 'Great Gatsby' to Summer 2013». HollywoodReporter.com. http://www.hollywoodreporter.com/news/the-great-gatsby-release-moved-summer-2013-358594։ Վերցված է օգոստոսի 6, 2012. 
  16. «Leonardo DiCaprio and Martin Scorsese reunite for 'The Wolf of Wall Street'»։ HitFix։ մարտի 15, 2012։ http://www.hitfix.com/articles/leonardo-dicaprio-and-martin-scorsese-reunite-for-the-wolf-of-wall-street։ Վերցված է ապրիլի 15, 2012։ 
  17. «TOLDJA! Martin Scorsese, Leonardo DiCaprio Commit To ‘The Wolf Of Wall Street’»։ Deadline New York։ ապրիլի 19, 2012։ http://www.deadline.com/2012/04/toldja-martin-scorsese-leonardo-dicaprio-commit-to-the-wolf-of-wall-street/։ Վերցված է ապրիլի 19, 2012։ 
  18. Margaret, Mary (նոյեմբերի 20, 2008)։ «Leo Focuses on Director Pal During Gisele's New Video»։ People։ http://www.people.com/people/article/0,,20241586,00.html։ Վերցված է օգոստոսի 13, 2010։ 
  19. «Leo and Bar. What's Going On?»։ http://www.ynetnews.com/articles/0,7340,L-3277618,00.html։ Վերցված է օգոստոսի 15, 2008։ 

Արտաքին հղումներ[խմբագրել]

Commons-logo.svg