Նյու Յորքի ավազակախմբերը

Նյու Յորքի ավազակախմբերը Gangs of New York
Ամերիկան ծնվել է փողոցների վրա
Ժանր	դրամա
Երկիր	ԱՄՆ  Իտալիա
Թվական	2002
Ռեժիսոր	Մարտին Սկորսեզե
Պրոդյուսեր	Ալբերտո Գրիմալդի Հարվի Վեինշտեյն
Սցենարիստ(ներ)	Ջեյ Կոքս Սթիվեն Զաիլիան Քենեթ Լոգերեն
Դերակատարներ	Լեոնարդո ԴիԿապրիո Դանիել Դեյ-Լյուիս
Օպերատոր	Մայքլ Բալհաուս
Երաժշտություն	Հովարդ Շոր
Ընկերություն	Miramax Films Initial Groups
Տևողություն	166 րոպե
Բյուջե	$97,000,000
Շահույթ	$193,000,000
description

Նյու Յորքի ավազակախմբերը (անգլ.՝ Gangs of New York), 2002 թ նկարահանված պատմական ֆիլմ, որի ռեժիսորը Մարտին Սկորսեզեն է, իսկ սցենարիստներն են Ջեյ Կոքսը, Սթիվեն Զաիլիանը և Քենեթ Լոգերենը: Ֆիլմը հիմնված է 1928 գրված Հերբերտ Օսբերի գեղարվեստական գրքի վրա: Այն նկարահանվել է Չինեչիտա Ստուդիայում, Հռոմում, և առաջադրվել է բազմաթիվ մրցանակների, այդ թվում նաև 10 «Օսկարի»:

Սյուժե

1846 թվականին, Ներքին Մանհեթենում, «Հինգ Փողոցներ» շրջանում, տեղի է ունենում ճակատամարտ ամերիկացի «բնիկների» և իռլանդացի կաթոլիկ գաղթականների ավազակախմբերի միջև։ Մարտի ընթացքում «բնիկների» ղեկավար Բիլլ «Մսագործ» Քատտինգը (Դանիել Դեյ-Լյուիս) սպանում է իռլանդացիների «Սատկած ճագարներ» ավազակախմբի առաջնորդ քահանա Վալլոնին (Լիամ Նիսոն)` նրա որդու ներկայությամբ: Վալլոնի որդին, Ամստերդամը (Լեոնարդո ԴիԿապրիո) ուղղարկվում է ուղղիչ հիմնարկ:

Տասնվեց տարի անց նա վերադառնում է «Հինգ փողոցների» շրջան` ցանկանալով վրեժ լուծել իր հոր մահվան համար: Նա շուտով հասկանում է, որ միայնակ դա անել չի կարող, քանի որ Քատտինգին հասնելը այդքան էլ հեշտ չէ: Պատահաբար նա հանդիպում է իր հին ընկերոջը` Ջոննի Սիրոկկոին (Հենրի Թոմաս): Ջոննիի օգնությամբ էլ նա մտնում է Բիլլի ավազկախումբ և ժամանակի ընթացքում վստահություն է ձեռք բերում նրա մոտ։ Նա իմանում է, որ ամեն տարի Բիլլը նշում է բնիկների հաղթանակի օրը:

Այսպիսով Ամստերդամը հնարավորություն է ստանում սառնասրտորեն սպանել Քատտինգին, սակայն որոշում է դա անել բոլորի ներկայությանբ, բնիկների հաղթանակի տոնակատարության օրը: Սակայն Ջոննին մատնում է նրան և մահափորձը ձախոխվում է: Բիլլը բոլորի աչքի առաջ նրան դնում է սեղանի վրա և ծեծում, սակայն չի սպանում, որ ապրի ամոթով: Այդ ամենից հետո, հազիվ փրկված Ամստերդամը որոշում է համախմբել իռլանդական ավազակախմբերը և մարտահրավեր նետել Բիլլին: Մարտը տեղի է ունենում Պարադիս հրապարակում: Մարտից առաջ հրապարակը գնդակոծվում է և կորչում փոշու մեջ։ Բիլլը և Ամստերդամը մի քանի անգամ վիրավորում են իրար: Երբ մարտը վերջանում է Բիլլը տեսնում է, որ ծանր վիրավոր է։ Նա ասում է՝ «Փառք Աստծո, մեռնում եմ ինչպես ամերիկացի», որից հետո Ամստերդամը դանակով սպանում է նրան։Բիլլի մարմինը թաղվում է Բրուքլինում, քահանա Վալլոնի գերեզմանի մոտ:

Դերակատարներ

Դերասան	Դեր
Լեոնարդո ԴիԿապրիո	Ամստերդամ Վալլոն
Դանիել Դեյ-Լյուիս	Ուիլիամ Քատտինգ
Քեմերոն Դիազ	Ջեննի Էվերդին
Հենրի Թոմաս	Ջոննի Սիրոկկո
Ջիմ Բրոդբենտ	Ուիլիամ Թվիդ
Բրենդան Գլինսոն	Ուոլթեր ՄակԳին
Ջոն Ռեյլի	Ջեք Մալրենի
Լիամ Նիսոն	քահանա Վալլոն

Մրցանակներ

Ներկայացվել է Օսկարի (2002) հետևալ անվանակարգերում:

• Լավագույն ֆիլմ
• Լավագույն ռեժիսոր
• Լավագույն դերասան
• Լավագույն երգ
• Օպերատորի լավագույն գործ
• Բեմադրող նկարչի լավագույն գործ
• Լավագույն օրիգինալ սցենար
• Լավագույն մոնտաժ
• Լավագույն հնչունավորում
• Հանդերձանքի լավագույն դիզայն

Ոսկե Գլոբուս (2002):

• Լավագույն ռեժիսոր (հաղթող) — Մարտին Սկորսեզե
• Լավագույն երգ (հաղթող) — The Hands That Built America
• Լավագույն ֆիլմ (դրամա) (նոմինացիա)
• Տղամարդու լավագույն դեր (նոմինացիա)
• Կնոջ երկրորդ պլանի դեր (նոմինացիա)

BAFTA (2002):

• Լավագույն տղամարդու դեր (Հաղթող) — Դանիել Դեյ-Լյուիս

Արտաքին հղումներ

• Ֆիլմի պաշտոնական կայքը (անգ.)
• Նյու Յորքի ավազակախմբերը(անգ.) ֆիլմը Internet Movie Database կայքում:
• Մամլո պաշտոնական հաղորդագրություն