Սարսափ

Վիքիպեդիայից՝ ազատ հանրագիտարանից
«Արյունոտ շաբաթ»

Սարսափ, աֆեկտիվ հուզական վիճակ, վախի բարձր աստիճանը, որն առաջ է գալիս, երբ մարդը հայտնվում է իր կյանքի համար վտանգավոր իրադրության մեջ, կամ երբ իր ինքնագնահատականին լուրջ վտանգ է սպառնում։ Մարդը սարսափ ապրում է նաև այն դեպքում, երբ նման վտանգավոր իրավիճակներում են հայտնվում այն անձինք, որոնց հետ նա ունի հոգեբանական նույնականացման (իդենտիֆիկացիայի) խոր ապրումներ։

Մանկության տարիներին սարսափի վիճակի ապրումը կարող է խոր հիվանդագին ազդեցություն թողնել անձի հետագա զարգացման վրա՝ հանգեցնելով նևրոտիկ խանգարումների։

Սարսափ ապրող մարդը դիմում է ակտիվ կամ պասիվ պաշտպանական գործողությունների։

Տեսակները[խմբագրել | խմբագրել կոդը]

  • ստենիկ (ակտիվացնող)
  • աստենիկ (պասսիվացնող)

Սարսափի էլ ավելի բարձր աստիճանները, որոնց նշանակման համար կարելի է օգտագործել «սոսկում» կամ «զարհուրանք» բառերը, որպես կանոն աստենիկ վիճակներ են առաջ բերում։

Աղբյուրներ[խմբագրել | խմբագրել կոդը]

  • Նալչաջյան Ա. Ա. (1984 թ.). Հոգեբանական բառարան (Լույս ed.). Երևան. էջ 240 էջ.