Արմավիա, հայկական ազգային ավիաընկերություն։ Հիմնադրվել է 1996 թվականի դեկտեմբերի 12-ին։ 2013-ին ճանաչվել է սնանկ և դադարեցրել իր գործունեությունը։ Ավիաընկերությունը կանոնավոր չվերթներ էր իրականացնում Մերձավոր Արևելքի, Եվրոպայի, Ասիայի և Հյուսիսային Աֆրիկայի ավելի քան 48 քաղաքներում^[1]։ Հիմնական չվերթներն ու չարտերային միջազգային թռիչքներն իրականացվում էին Զվարթնոց օդանավակայանից։

«Արմավիա» ավիաընկերության 68%-ը պատկանում էր «Mika Corporation»-ին։

Պատմություն[խմբագրել | խմբագրել կոդը]

«Արմավիա» ավիաընկերություն
Հիմնադրվել է	դեկտեմբերի 12, 1996
Գործունեության ավարտ	ապրիլի 1, 2013
Կենտրոններ	Զվարթնոց
Նավատորմ	9
Գլխամաս	Երևան, Հայաստան
Ղեկավարություն	Նորայր Բելլույան
Աշխատակիցներ	450

«Արմավիա» ավիաընկերությունը հիմնադրվել է 1996 թվականի դեկտեմբերրի 12-ին։

2002-ին «Արմավիա» ավիաընկերությունը ռազմավարական դաշինք ստեղծելու մասին առևտրային համաձայնագիր կնքեց ռուսական «Սիբիր» ավիաընկերության հետ։ Նույն տարում «Արմավիա» ավիաընկերությունը շահագործեց Airbus A320 առաջին ինքնաթիռը, իսկ երկրորդը շահագործման հանձնվեց 2003-ին։

2003 թվականին «Արմավիա» ավիաընկերությունը իր վրա վերցրեց սնանկացած Հայկական ավիաուղիների թռիչքների մի մասը։

2013-ին սնանկացման պատճառով դադարեցրել է իր գործունեությունը։

Միջադեպեր և դժբախտ պատահարներ[խմբագրել | խմբագրել կոդը]

2006 թվականի մայիսի 3-ին Երևանի ժամանակով ժամը 23:47-ին (Մոսկվայի ժամանակով ժամը 00։47-ին) «Արմավիա» ավիաընկերության Երևան-Սոչի RNV 967 չվերթն իրականացնող Airbus A320 ինքնաթիռը լքել է Զվարթնոց օդանավակայանը։ Թռիչքից առաջ, անձնակազմի անդամները ստացել են եղանակի մասին տվյալները։ Անձնակազմի անդամներն ունեցել են տվյալ չվերթն իրականացնելու համար անհրաժեշտ բոլոր փաստաթղթերը։ Առաջին հրամանատարը կապվել է Սոչիի դիսպետչերական անձնակազմի հետ և տեղեկացել, որ եղանակի փոփոխություն չկա։ Ժամը 01։20-ին (Մոսկվայի ժամանակով) անձնակազմի անդամները վատ եղանակի պատճառով որոշել են վերադառնալ Երևան^[2], սակայն ինքնաթիռի հրամանատարը որոշել է շարունակել թռիչքը դեպի Սոչի։ Ժամը 02։00-ին դիսպետչերը կրկին կապվել է թիվ 967 չվերթի հետ։ Այդ պահին ինքնաթիռը գտնվել է 3600 մետր բարձրության վրա։ Այն գտնվել է Սոչիի ռադարների ծածկույթի տակ։ Դիսպետչերը անձնակազմի անդամներին ևս 1800 մետր բարձրանալու թույլտվություն է տվել։

Ժամը 02։10-ին անձնակազմի անդամները հաղորդել են դիսպետչերին, որ պատրաստ են վայրէջք կատարել։ Վերահսկիչ դիսպետչերը անձնակազմի անդամներին հայտնել է, որ ինքնաթիռը Սոչիի օդանավակայանից 10 կմ հեռավորության վրա է գտնվում։ Ժամը 02։13-ին ինքնաթիռը վթարի է ենթարկվել և 4000 մետր բարձրությունից ընկել Սև ծովը, ինչի հետևանքով ամբողջությամբ ոչնչացվել է։ Ինքնաթիռի բեկորները սուզվել են 700 մետր խորությամբ։ Զոհվել են ինքնաթիռի բոլոր ուղևորներն ու անձնակազմի անդամները։

Ուղղություններ[խմբագրել | խմբագրել կոդը]

Արմավիայի Sukhoi Superjet օդանավը

Չվերթներ[խմբագրել | խմբագրել կոդը]

Արմավիա

2011 թվականին «Արմավիա» ավիաընկերության նավատորմը բաղկացած էր երեք ինքնաթիռներից՝ Airbus А320, Airbus A319 և Bombardier CRJ-200: Բացի այդ, 2011 թվականին նախատեսում էր ձեռք բերել Airbus A321, Sukhoi Superjet 100 ինքնաթիռները։

2008 թվականի դրությամբ «Արմավիա» ավիաընկերությունը ուղևորափոխադրել է 647.000 ուղևոր^[3]։

Ավիաընկերության չվերթը 2012 թվականի օգոստոսի 6-ի տվյալներով^[4]^[5]
Համար	Գրանցման համար	Ինքնաթիռի մոդել	Սերիական համար	Առաջին չվերթ	Անուն	Պատմություն	Լուսանկար
1	EK20014	Bombardier CRJ-200LR	7282	31.09.1999	Sergey Mergelyan	+ Archived 2014-08-18 at the Wayback Machine.	+
2	EK20017	Bombardier CRJ-200LR	7431	05.10.2000	Martiros Saryan	+ Archived 2014-08-18 at the Wayback Machine.	+
3	EK20018	Bombardier CRJ-200LR	7499	13.05.2001	Arno Babajanyan	+ Archived 2014-08-18 at the Wayback Machine.	+
4	EK42470	Як-42Д	4520424116677	20.06.1992	Mantashev A I	+	+
5	EK73771	Boeing 737-55S	28471	03.05.1997		+ Archived 2014-08-18 at the Wayback Machine.	+ Archived 2014-08-18 at the Wayback Machine.
6	EK73772	Boeing 737-55S	28472	28.01.1998		+ Archived 2014-08-19 at the Wayback Machine.	+ Archived 2014-08-19 at the Wayback Machine.
7	EK73775	Boeing 737-55S	28475	16.02.1999		+ Archived 2014-08-18 at the Wayback Machine.	+ Archived 2014-08-18 at the Wayback Machine.