Թիվ 967 չվերթի աղետ

From Վիքիպեդիա
Jump to navigation Jump to search
Թիվ 967 չվերթի աղետ
Armavia Airbus A320 Misko-1.jpg
Ընդհանուր տեղեկություններ
Տեսակավիապատահար
Թվականմայիսի 3, 2006
Ժամանակ02:13 (22:13 UTC)
Պատճառանձնակազմի սխալ
ՎայրՍև ծով, , Flag of Russia.svg Ռուսաստան
ՉվերթRNV 967
Թռիչքի վայրՀայաստան Զվարթնոց միջազգային օդանավակայան, Երևան
Վերջնական կետՌուսաստան Սոչի օդանավակայան, Սոչի
Զոհվածներ113 (բոլորը զոհվել են)
Aviation Safety Network ID20060503-0
Օդանավ
ՄոդելAirbus A320-211
ԱվիաընկերությունՀայաստան Armavia
Կողային համարЕК-32009
Արտադրման թվական1995 թվականի հունիսի 28-ին
Ուղևորներ105
Անձնակազմ8
Կենդանի մնացած0
Կոորդինատներ: 43°27′1.0001023181539e-07″ հս․ լ. 39°57′24.000012099989″ ավ. ե. / 43.4500000000277779577118054° հս․. լ. 39.95666667002777217° ավ. ե. / 43.4500000000277779577118054; 39.95666667002777217

Թիվ 967 չվերթ, 2006 թվականի մայիսի 3-ին Արմավիա ընկերության՝ Երևանից դեպի Սոչի կատարվող չվերթը, որն ավարտվել է աղետալի ավիավթարով։

Վթարի զոհերին նվիրված խաչքար Երևանում (Նորքի 8-րդ զանգված)

Airbus A320 ինքնաթիռը Սոչիի օդանավակայանին չհաջողված մոտեցումից հետո փորձել է երկրորդ շրջանը կատարել, սակայն ընկել է ծովը։ Զոհվել են բոլոր ինքնաթիռում գտնվողները՝ 105 ուղևոր և անձնակազմի 8 անդամ[1][2]։

Միջպետական ավիացիոն կոմիտեի (ՄԱԿ) եզրակացության համաձայն՝ վթարի պատճառը անձնակազմի անհամաձայնեցվածությունն է եղել և այդ տեսակի ինքնաթիռների թռիչքի շահագործման ձեռնարկին չհամապատասխանող գործողությունները երկրորդ շրջանը կատարելու կարգավարի հրահանգը ստանալուց հետո բարձրությունը ավելացնելիս («բարձրություն հավաքելու» ընթացքում)։

Ինքնաթիռ[edit | edit source]

Airbus A320-211 ինքնաթիռը արտադրվել է 1995 թվականին: Առաջին չվերթն իրականացրել է հունիսի 28-ին, F-WWIU գրանցման համարով։ Նույն թվականի օգոստոսի 30-ին ինքնաթիռը փոխանցվել է Ansett Australia ավիաընկերությանը։ 2004 թվականի փետրվարի 6-ին այն վաճառվել է Armavia ավիաընկերությանը և ստացել EK-32009 գրանցման համարը։

Շահագործման ընթացքում այս ինքնաթիռն իրականացրել է ավելի քան 14 376 չվերթ (մեկնում-ժամանում), և օդում է գտնվել ավելի քան 28 234 ժամ։ Այն ուներ CFM Inernational 56-5A1 արտադրության երկու շարժիչ։

Ուղևորներ և անձնակազմի անդամներ[edit | edit source]

  • Ինքնաթիռի հրամատար - 40 ամյա Գրիգոր Գրիգորյան՝ փորձառու օդաչու: Armavia ավիաընկերությունում է աշխատել 2 տարի։ Airbus A310 ինքնաթիռի հրամանատար է նշանակվել 2005 թվականի սեպտեմբերի 1-ին։ Ունեցել է ավելի քան 5458 ժամ թռիչքի փորձ։
  • Ինքնաթիռի երկրորդ հրամանատար - 29 ամյա Արման Դավթյան՝ փորձառու օդաչու: Armavia ավիաընկերությունում է աշխատել 4 տարի։ Airbus A310 ինքնաթիռի հրամանատար է նշանակվել 2005 թվականի հոկտեմբերի 11-ին։ Ունեցել է ավելի քան 2185 ժամ թռիչքի փորձ։
Քաղաքացիություն Ուղևորներ Անձնակազմի անդամներ Ընդհանուր
Հայաստան Հայաստան 77 8 85
Ռուսաստան Ռուսաստան 26 0 26
Ուկրաինա Ուկրաինա 1 0 1
Վրաստան Վրաստան 1 0 1
Ընդամենը 105 8 113

Աղետ[edit | edit source]

Երևան-Սոչի RNV 967 չվերթն իրականացնող ինքնաթիռը լքել է Զվարթնոց միջազգային օդանավակայանը Երևանի ժամանակով ժամը 23:47-ին (Մոսկվայի ժամանակով ժամը 00։47-ին)։ Թռիչքից առաջ, անձնակազմի անդամները ստացել են եղանակի մասին տվյալները։ Անձնակազմի անդամներն ունեցել են տվյալ չվերթն իրականացնելու համար անհրաժեշտ բոլոր փաստաթղթերը։ Առաջին հրամանատարը կապվել է Սոչիի դիսպետչերական անձնակազմի հետ և տեղեկացել, որ եղանակի փոփոխություն չկա։ Ժամը 01։20-ին (Մոսկվայի ժամանակով) անձնակազմի անդամները վատ եղանակի պատճառով որոշել են վերադառնալ Երևան[3], սակայն ինքնաթիռի հրամանատարը որոշել է շարունակել թռիչքը դեպի Սոչի։ Ժամը 02։00-ին դիսպետչերը կրկին կապվել է թիվ 967 չվերթի հետ։ Այդ պահին ինքնաթիռը գտնվել է 3600 մետր բարձրության վրա: Այն գտնվել է Սոչիի ռադարների ծածկույթի տակ։ Դիսպետչերը անձնակազմի անդամներին ևս 1800 մետր բարձրանալու թույլտվություն է տվել։

Ժամը 02։10-ին անձնակազմի անդամները հաղորդել են դիսպետչերին, որ պատրաստ են վայրէջք կատարել։ Վերահսկիչ դիսպետչերը անձնակազմի անդամներին հայտնել է, որ ինքնաթիռը Սոչիի օդանավակայանից 10 կմ հեռավորության վրա է գտնվում: Ժամը 02։13-ին ինքնաթիռը վթարի է ենթարկվել և 4000 մետր բարձրությունից ընկել Սև ծովը, ինչի հետևանքով ամբողջությամբ ոչնչացվել է։ Ինքնաթիռի բեկորները սուզվել են 700 մետր խորությամբ։ Զոհվել են ինքնաթիռի բոլոր ուղևորներն ու անձնակազմի անդամները։

Մշակութային ասպեկտներ[edit | edit source]

Տես նաև[edit | edit source]

Ծանոթագրություններ[edit | edit source]

Արտաքին հղումներ[edit | edit source]