Մայնի Ֆրանկֆուրտ

Վիքիպեդիայից՝ ազատ հանրագիտարանից
(Վերահղված է Ֆրանկֆուրտ (Մայն)ից)
Քաղաք
Մայնի Ֆրանկֆուրտ, Ֆրանկֆուրտ
Frankfurt am Main
Դրոշ Զինանշան
Flag of Frankfurt am Main.svg Wappen Frankfurt am Main.svg

Frankfurt collage.jpg
Կոորդինատներ: 50°6′49″ հս․ լ. 8°40′47″ ավ. ե. / 50.11361° հս․. լ. 8.67972° ավ. ե. / 50.11361; 8.67972
Երկիր Գերմանիա Գերմանիա
Ներքին բաժանում Իննենշտադտ I, Իննենշտադտ II, Իննենշտադտ III, Իննենշտադտ IV, Զյուդ, Վեստ, Միտտե Վեստ, Նորդ Վեստ, Միտտե Նորդ, Նորդ Օստ, Օստ, Նիեդեր Էրլենբախ, Կալբախ Ռիդբերգ, Հարհայմ, Նիդեր Էշբախ և Բերգեն Էնկհայմ
Առաջին հիշատակում 22 Փետրվարի 794
Մակերես 248,31 կմ²
ԲԾՄ 112 մ
Խոսվող լեզուներ գերմաներեն
Բնակչություն 691 518 մարդ (2011)
Ժամային գոտի UTC+1, ամառը UTC+2
Հեռախոսային կոդ

+49 69 …
+49 6109 …

+49 6101 …
Փոստային ինդեքս 60311 — 65933
Փոստային ինդեքսներ 60308–60599 և 65929–65936
Ավտոմոբիլային կոդ F
Պաշտոնական կայք frankfurt.de
##Մայնի Ֆրանկֆուրտ (Գերմանիա)
Red pog.png

Մայնի Ֆրանկֆուրտ(գերմ.՝ Frankfurt am Main) Հեսսեն երկրամասի ամենամեծ քաղաքն է և մեծությամբ հինգերորդը Գերմանիայում: 2015 թվականի տվյալներով բնակչության թիվը կազմում է 731.000 մարդ:

Քաղաքը համարվում է խոշոր` 5.6մլն բնակչությամբ, Ռեյն-Մայն(գերմ.՝ Rhein-Main-Gebiet) տարածաշրջանի մետրոպոլիայի կենտրոնը[1], որը մեծությամբ Գերմանիայում երկրորդ տարածաշրջանն է: Քաղաքը տեղակայված է Մայն գետի հին բնակտեղի(գերմ.՝ «furt») վրա, որը գտնվում է, ֆրանկների կողմից բնակեցված, ֆրանկոնիա երկրամասի տարացքում: Այստեղից և առաջանում է քաղաքի անունը՝ «Ֆրանկների բնակավայր»[2]:

Ֆրանկֆուրտը համարվում է «Ալֆա-քաղաք»[3] և հանդիսանում է կոմերցիայի, մշակույթի, կրթության, տուրիզմի և տրանսպորտային հանգույցների կենտրոն[4]: Այստեղ է գտնվում Եվրոպական կենտրոնական բանկը, Գերմանիայի ֆեդերալական բանկը, Ֆրանկֆուրտյան բորսան և Ֆրանկֆուրտյան շուկան: Ֆրանկֆուրտի օդնավակայանը(գերմ.՝ Flughafen Frankfurt am Main/Rhein-Main-Flughafen) ամենաբեռնված միջազգային օդանավակայաններից մեկն է, իսկ Ֆրամկֆուրտի կենտրոնական երկաթուղային կայարանը և Ֆրանկֆուրտի ավտոմոբիլային խճուղին Եվրոպայում ամենծանրաբեռնված մայրուղիներից մեկն է: Ֆրանկֆուրտը Գերմանիայի քաղաքներից միակն է, որը համալրվել է «Աշհարհի քսան ալֆա-քաղաքներ» ցուցակին[5]: Ֆրանկֆուրտում է գտնվում Գերմանիայի ամերիկայի զինված ուժերի գրասենյակը: Քաղաքը, երկրորդ համաշխարհային պատերազմից հետո, գտնվել է ամերիկայի կողմից օկուպացված տարածքում (գերմ.՝ Besatzungszone):

Mercer Human Resource Consulting ընկերության ուսումնասիրություններից հետո, Ֆրանկֆուրտը համարվել է երկրորդը Գերմանիայում և քառասունութերորդը աշխարհում, ըստ կյանքի որակի մակարդակով[6][7][8]:

2011 թվականին Ֆրանկֆուրտը ճանաչվել է Գերմանիայի «քրեական մայրաքաղաք»[9]: Սակայն պետք է ընդունել, որ վիճակագրության մեջ նաև ներգրավվել են մաքսանենգությունը, որոնք հայտնաբերվում են Ֆրանկֆուրտի օդանավակայանում:

Գերմանիայում գոյություն ունի երկու քաղաք Ֆրանկֆուրտ անվանումով՝ Մայնի Ֆրանկֆուրտ և Օդերեի Ֆրանկֆուրտ: Գերմանիայում և ողջ աշխարհում Ֆրանկֆուրտ լսելով հասկանում են Մայնի Ֆրանկֆուրտը:

Մայնի Ֆրանկֆուրտ

Ակնարկ[խմբագրել | խմբագրել կոդը]

Ֆրանկֆուրտը հարյուրամյակներ շարունակ եղել է Գերմանիայի ֆինանսական կենտրոն և իրենից ներկայացնում է խոշոր բանկերի կենտրոնացման վայր: Ֆրանկֆուրտի տնտեսությունը ունի երեք կարևոր հենակետ՝ ֆինանսներ, տրանսպորտ և շուկա: Ֆրանկֆուրտի բորսան ամենախոշորն է Գերմանիայում և ամենանշանավորներից մեկն է աշհարհում: Ֆրանկֆուրտում է գտնվում Եվրոպական կենտրոնկան բանկը(գերմ.՝ Europäische Zentralbank)՝ որո իրականացնում է Եվրոմիության երկրների դրամական քաղաքականությունը, և Գերմանիայի ֆեդերալական բանկը(գերմ.՝ Deutsche Bundesbank): Շուրջ 300 տեղական և արտասահմանյան բանկեր ունեն իրենց ներկայացչությունը Ֆրանկֆուրտում: Դրանց մեջ են մտնում Գերմանիայի խոշորագույն բանկերի գրասենյակները:

Ֆրանկֆուրտը ունի հիանալի տրանսպորտային կառուցվածք, իսկ քաղաքի միջազգային օդանավակայանը իրենից ներկայացնում է Եվրոպայի կարևորագույն տրանսպորտային կենտրոններից մեկը: Օդանավակայանի հիանալի աշխարհագրական դիրքը «Եվրոպայի սրտում» և տրանսպորտային հասանելիությունը օդային ուղղիներով, երկաթ գծով և մեքենայով՝ Ֆրանկֆուրտին հատուկ հմայք են ավելացնում:

Ֆրանկֆուրտում տարեց տարի կազմակերպվում են տարբեր թեմաներին նվիրված ցուցահանդեսներ: Ֆրանկֆուրտի ավտոմեքենաների ցուցահանդեսը ավտոմեքենայաշինության ամենամեծ ցուցահանդեսն է աշխարհում:

Ֆրանկֆուրտը համարվում է մշակութային և գիտական կենտրոն, որտեղ գտնվում է Ֆրանկֆուրտի Յոհան Վոլֆհանգ Գյոթեի անվան համալսարանը, նաև բազմաթիվ թանգարաններ և երկու բուսաբանական այգի:

Ֆրանկֆուրտը Եվրախորհրդի երեք քաղաքներից մեկն է, որոնք առանձնանում է երկնաքերերի քանակով: Ըստ 2016 թվականի տվյալների՝ Ֆրանկֆուրտը, տասներեք երկնաքերերով, գրավում է երրորդ տեղը Փարիզից և Լոնդոնից հետո: Ֆրանկֆուրտում են գտնվում Գերմանիայի ամենաբարձր երկնաքերերը՝ Կոմերցբանկի գրասենյակը, Ֆրանկֆուրտի ցուցահադեսների շենքը(գերմ.՝ Messeturm) և այլն:

Քաղաքի պատմությունը[խմբագրել | խմբագրել կոդը]

Հին պատմություն[խմբագրել | խմբագրել կոդը]

Հռոմեական բնակավայրը Րյոմեռայի տարածքում կառուցվել է մեր թվարկությունից առաջ` մոտավորապես առաջին դարում: Նույնիսկ մեր օրերում հայտնաբերվում են այդ դարաշրջանի արվեստի գործեր: Կա ենթադրություն, որ Բոնամես քաղաքային թաղամասի անվանումը առաջացել է լատիներեն bona mansion(«Լավ դադարկատեղ») արտահայտությունից, իսկ տարածաշրջանը՝ Նիդան, եղել է հռոմեական քաղաքացիական մայրաքաղաք:

Մայնի Ֆրանկֆուրտ անվանումը ծագում է Franconofurd բառից, որը նշանակում է Գերմանական Ֆրանկերի ցեղեր: Գերմանական Furt բառը նշանակում ծանծաղուտային վայր գետի վրա, պիտանի անցատեղ ծանծաղուտով: Ֆրանկֆուրտի մասին առաջին հիշատակումը եղել է 794 թվականին, երբ Կառլոս Մեծը սկսեց կայսրության կազմավորումը և հրավիրեց Ֆրանկֆուրտի ժողովը: Չնայած դրան՝ ալեմանները և ֆրանկները վաղուց բնակվում էին այդ տարածքում:

Ֆրանկֆուրտը մեծ դեր է խաղացել Սրբազան Հռմեական կայսրության պատմության մեջ։ Գերմանական արքաները և կայսրերը՝ սկսած 885 թվականից, ընտրվում և թագադրվում էին Աախեն քաղաքում։ 1562 թվականից արքաներին և կայսրերին սկսեցին թագադրել Ֆրակֆուրտում և առաջին արքան, ով թագադրվեց Ֆրանկֆուրտում եղավ Մակսիմիլիան II-ը։ Ֆրանց II-ը, ով թագադրվել էր 1972 թվականի հուլիսի 14-ին՝ Բաստիլիայի պաշարման օրվա տարեդարձին, դարձավ Սրբազան Հռմեական կայսրության վերջին տիրակալը։ Նրա ընտրությունները և թագադրումը կայացել են Ֆրանկֆուրտի ժողովի ժամանակ, որը ավելի հայտնի է ինչպես «Կայսերական ժողով»։

Ֆրանկֆուրտի տոնավաճառի մասին առաջին անգամ հիշատակվել է 1150 թվականին։ 1240 թվականին Ֆրիդրիխ II-ը հատուկ արտոնեություն էր շնորհել հյուրերին, որը նշանակում էր, որ նրանք կայսրի պաշտպանության տակ են գտնվում։ Ֆրանկֆուրտի տոնավաճառը բավականին մեծ կշիռ ունեցավ, մինչդեռ նմանատիպ Բոկարեի ցուցահանդեսը զիջեց իր դիրքերը 1478 թվականին։

1372 թվականին Ֆրանկֆուրտը ստացավ կայսրական քաղաքի կարգավիճակ և սկսեց ենթարկվել կայսրին, այլ ոչ թե տեղի տիրակալներին կամ մարզպետներին։

Courbet Frankfurt.jpg

Երեսնամյա պատերազմի ընթացքում Ֆրանկֆուրտը պահպանում է չեզոքությունը, բայց տուժում է Բուբոնային ժանտախտի պատճառով, որի տարածման պատչառը հանդիսացավ փախստականների ներգախտը: Պատերազմի ավարտվելուն պես քաղաքը վերադարձավ իր վաղեմի կենսամակարդակին:

Ֆրանկֆուրտը 1612 թվականին

Նապոլեոնյան պատերազմներ[խմբագրել | խմբագրել կոդը]

Նապոլեոնյան պատերազմների ժամանակահատվածում քաղաքը մի քանի անգամ գրավվել է ֆրանսիական զորքերի կողմից: Այնուամենայնիվ քաղաքը մնում էր անկախ մինչև Սրբազան Հռոմեական կայսրության անկումը 1805/06 թվերին: 1806 թվականին քաղաքը դառնում է Աշաֆենբուրգի իշխանության մաս, որի գլխին կանգնեց իշխան-եպիսկոպոս Կառլ Թեոդոր Անտոն Մարիա ֆոն Դալբերգը(դա նշանակում էր, որ քաղաքը Ռեյնի համադաշնակցության մաս է): 1810 թվականին Դալբերգը ստանում է Ֆրանկֆուրտի Մեծ Դուքս տիտղոսը: Նապոլեոնը ակնկալում էր դարձնել իր որդուն՝ Եվգենի դե Բոգարանեին, ով այդ ժամանակ արդեն հասցրել էր կրել Վենեցիայի արքայազնի տիտղոսը, Ֆրանֆուրտի մեծ դուքս, երբ Դալբերգը հրաժեշտ կտար կլանքին: Մեծ դքսությունը գոյատևեց փոքր ժամանակահատված՝ 1810-ից 1813 թվականները: Այն վերացավ հենց այն ժամանակ, երբ անգլո-գերմանակ զորքերը վերջ դրեցին Նապոլեոնի կառավարմանը Կենտրոնական Եվրոպայում: Դալբերգը հրաժարվեց իր կրած տիտղոսից ի օգուտ Եվգենիի: Հրաժարման գործընթացը իրենից ներկայացնում էր զուտ սիմվոլիկ ժեստ, այն պատճառով, որ նապոլեոնյան զորքերի ջախջախիչ պարտությունից հետո Ֆրանկֆուրտը զբաղեցվել էր դաշնակիցների զորքերի կողմից և Եվգենին այլևս չէր կարող օգտագործել իր արտոնությունները նոր ռեժիմին համաձայն:

Ֆրանկֆուրտ 1872

Ֆրանկֆուրտի ինքնիշխան քաղաք[խմբագրել | խմբագրել կոդը]

Նապոլեոնի անկումից և հրաժարականից հետո կայացավ Վիենայի կոնգրեսը, որից հետո վերափոխվեց Եվրոպայի քարտեզը: Վերացավ Ֆրանկֆուրտի Մեծ դքսությունը, իսկ Ֆրանկֆուրտը միացավ նոր կազմավորված Գերմանիայի համադաշնակցությանը: Ֆրանկֆուրտը ստացավ ազատ քաղաքի կարգավիճակ և իր տեղը Բունդեսթագում: Համադաշնակցության պառլամենտը գլխավորում էր Ավստրիայի կայսրը Հաբսբուրգների դինաստիայից:

Ֆրանկֆուրտի պառլամենտը 1848 թվականին

1848 թվականի հեղափոխությունից հետո Ֆրանկֆուրտը դարձավ քաղաք, որտեղ տեղակայվեց առաջին Գերմանիայի պառլամենտը, որը ընտրված էր դեմոկրատական սկզբունքների հիման վրա: Պառլամենտի նստավայրը դարձավ Պոուլսկրիխեն: 1849 թվականին նորովին կառուցված հանրային ինստիտուտը անհաջողություն ապրեց, երբ Պրուսիայի արքան հայտարարեց, որ թագ չի ընդունի -------: Մեկ տարվա գոյատևության ընթացքում ժողովը հասցրեց միացյալ Գերմանիայի համար կազմել ընդհանուր սահմանադրություն:

Ֆրանկֆուրտը ինքնիշխանությունը կորցնելուց հետո[խմբագրել | խմբագրել կոդը]

Ֆրանկֆուրտը կորցրեց իր անկախությունը ավստրո-պրուսական պատերազմից հետո, որի արդյունքներին համաձայն Պրուսիան 1866 թվականին ուժով միացրեց որոշ փոքր պետություններ, որոնց մեջ հայտնվավ [[Ֆրանկֆուրտի ինքնիշխան քաղաք|Ֆրանկֆուրտի անկախինքնիշխանվել են 1890 թվականին:

1914 թվականին Ֆրանկֆուրտի քաղաքացիները հիմնել են Ֆրանկֆուրտի համալսարանը, որը քիչ ուշ ստացավ Յոհան Վոլֆգանգ Գյոթեի անվանումը: Ֆրանկֆուրտի համալսարանը համարվում է միակ համալսարանը Գերմանիայում, որը կազմակերպված էր քաղաքացիների կողմից և ներկայիս ժամանակներում համարվում է Գերմանիայի ամենախոշոր համալսարաններից մեկը:

Ֆրանկֆուրտ 1880

Ֆրանկֆուրտը օկուպացվել է ֆրանսիական բանակի կողմից, որոնք ուղղարկվել էին Գերմանիա ի պատասխան Ռուրական ապստամբության[10], 1920 թվականի ապրիլի 6-ին: Ֆրանսիայի պաշտոնական անձինք հայտարարեցին, որ Գերմանիան խախտել է Վերսալյան պայմանագրի 42-ից 44 կետերը: Դրանք որոշում էին Ռուրյան ավազանի ապառազմականացման հարցը[11]: 1924 թվականին Լյուդվիգ Լանդմանը դառնում է Ֆրանկֆուրտի առաջին հրեա քաղաքապետը: Նա նաև զգալի դեր խաղաց քաղաքի տարածքի ընդլայնման մեջ: Նացիստների իշխանության գալուն պես Ֆրանկֆուրտի սինագոգները ավերվեցին:

Քաղաքի տեսքը օդից 1944 թվականին

Երկրորդ համաշխարհային պատերազմի ժամանակ Ֆրանկֆուրտը դաշնակիցների ավիացիայի կողմից ենթարկվել է հաճախակի ռմբակոծման: Ավիացիոն հարձակումների հետևանքով մահացել է մոտ 5.5 հազար քաղաքացի և ավերվել է քաղաքի ամենահայտնի պատմական շրջաններից մեկը՝ Ռյոմեռը: Հետպատերազմյա ժամանակահատվածում վերականգնվել են պատմական շինությունների միայն մի մասը, քաղաքի պատմական տեսքը կորցվել էր:

Երկրորդ համաշխարհային պատերազմից հետո Ֆրանկֆուրտը կրկին դառնում է Հեսսեն աշխարհի մի մասը, որի մեջ մտան նաև Հեսսենի հին հողերը՝ Դարմշտադտ կենտրոնով, և Պրուսիայի Կուռհեսսեն պրովինցիան: Քաղաքը գտնվում էր Գերմանիայի՝ Ամերիկայի կողմից օկուպացված, տարածքում: Այստեղ գտնվում էր ամերիկայի օկուպացված տարածքի ռազմական նահանգապետի գլխավոր գրասենյակը (1945-1949) և ամերիկայի օկուպացված տարածքի հատուկ ներկայացուցիչը (HICOG) (1949—1952): Գրասենյակները գտնվում էին ռմբակոծությունից զերծ մնացած IG Farben համերգային սրահում: Ֆրանկֆուրտը դիտարկվում էր որպես Գերմանիայի ապագա մայրաքաղաք և այդ իսկ պատճառով քաղաքում կառուցվել էր նոր պառլամենտի շենքը, որը երբեք չոգտագործվեց ըստ նշանակության: 1949 թվականից շինքը օգտագործվել էր Hessischer Rundfunk ռադիոկայանի կողմից: Կոնրադ Ադենաուերը, ով առաջին կանցլերներ պատերազմից հետո, իր ձայնը տվեց Բոն փոքրիկ քաղաքին, մածամասամբ այն պատճառով, որ քաղաքը գտնվում էր Ադենաուերի հարազատ նակավայրի հարևանությամբ: Մյուս քաղաքական գործիչները նույնպես ընդդիմացան Ֆրանկֆուրտի ընտրվելուն: Նրանք կարծում էին, որ կառավարության տեղադրումը Գերմանիայի ազդեցիկ և մեծ քաղաքներից մեկում՝ Սրբազան Հռոմեական կայսրության նախկին կենտրոնում, կարող էր նպաստել նրան, որ Արևմտյան Գերմանիայի միացման նախաձեռնությունը դադարեցվեր:

1970-ական թվականներին քաղաքը ստեղծեց Եվրոպայի ամենաարդյունավետ տրանսպորտային ցանցերից մեկը: Ցանցը իր մեջ ներառում է քաղաքի արվարձանի էլեկտրական երկաթուղին, որը միավորում է բուն քաղաքը մոտակա արվարձաններին: Հետպատերազմյա շրջանից հետո Ֆրանկֆուրտը կրկին զբաղեցրեց Գերմանիայի ֆինանսական և տրանսպորտային մայրաքաղաքի դերը:

Բնակչություն[խմբագրել | խմբագրել կոդը]

Ամենամեծ համայնքները[12]
Ազգ Բնակչություն (2018)
Թուրքիա 25,929
Խորվաթիա 15,792
Իտալիա 14,904
Նիդերլանդներ 13,260
Ռումինիա 10,175
Սերբիա 8,901
Բուլղարիա 8,028
Իսպանիա 7,166
Հունաստան 6,530
Մարոկկո 5,927

Որպես տեսանելի միջազգային ֆինանսային և առևտրական կենտրոն, Ֆրանկֆուրտը համարվում է բազմազգ բնակչությամբ քաղաք: Էթնիկ գերմանացիներից բացի քաղաքում բնակվում են թուրքեր, իտալացիներ, խորվատներ, սերբեր, լեհեր, հույներ, մարոկացիներ, իսպանացիներ, պորտուգալացիներ, ֆրանսիացիներ, ճապոնացիներ, ամերիկացիներ, ավստրիացիներ, հնդկացիներ, ռումինացիներ, աֆղանստանցիներ, ռուսներ, բուլղարացիներ, լիվանների և չինացիներ: Համարվում է որ Ֆրանկֆուրտի կորեական համայնքը Եվրոպայում երկրորդն է, իսկ Թամիլներինը Գերմանիայում առաջինը:

Երկար ժամանակահատված Ֆրանկֆուրտը համարվում էր բողոքական քաղաք, բայց 19-րդ դարում շատացան քաղաքացիներ, ովքեր քարոզում էին կաթոլիկությունը: 2006 թվականին կաթոլիկները և բողոքականները մնացին ամենախոշոր կրոնական համայնքներից մեկը (24,6 % և 22,5 %, համապատասխանաբար)[13]: Սակայն կաթոլիկ և բողոքական համայնքները աստիճանաբար կորցնում են համբավը և նրանք այժմ կազմում են քաղաքային բնակչության 47.1 %-ը: Գերմանիայի Եվրոպական Կենտրոնական Խորհուրդին համաձայն քաղաքում բնակվում է 7.300 քղաքացի, որոնք դավանում են հինդուիզմ: Այդ իսկ պատճառով ֆրանկֆուրտի հրեական համայնքը Գերմանիայում երրորդն է՝ Բեռլինից և Մյունխենից հետո:

Քաղաքի 46 շրջանների բնակչությունը 2009 թվականի դեկտեմբերի 31-ին
No
Շրջանի անուն (Stadtteil)
Տարածքը կմ²-ով[14]
Բնակչություն[15]
Արտերկրացիներ[15]
Արտերկրացիների %-ը-[15]
Տարածքի անուն (Ortsbezirk)
01 Altstadt 0.51 km² 3.475 1.122 32.3% 01 – Innenstadt I
02 Innenstadt 1.52 km² 6.577 2.529 38.5% 01 – Innenstadt I
03 Bahnhofsviertel 0.53km² 2.125 810 38.1% 01 – Innenstadt I
04 Westend 2.47km² 17.288 3.445 19.9% 02 – Innenstadt II
05 Westend-Nord 1.67km² 8.854 2.184 24.7% 02 – Innenstadt II
06 Nordend-West 3.07km² 28.808 5.162 17.9% 03 – Innenstadt III
07 Nordend-Ost 1.69km² 26.619 5.580 21.0% 03 – Innenstadt III
08 Ostend 5.40km² 26.955 7.213 26.8% 04 – Bornheim/Ostend
09 Bornheim 2.66km² 27.184 6.240 23.0% 04 – Bornheim/Ostend
10 Gutleutviertel 2.20km² 5.843 1.953 33.4% 01 – Innenstadt I
11 Gallus 4.22km² 26.716 11.012 41.2% 01 – Innenstadt I
12 Bockenheim 8.04km² 34.740 9.034 26.0% 02 – Innenstadt II
13 Sachsenhausen-Nord 4.24km² 30.374 6.507 21.4% 05 – Süd
14 Sachsenhausen-Süd 34.91km² 26.114 4.847 18.6% 05 – Süd
15 Flughafen 20.00km² 211 14 6.6% 05 – Süd
16 Oberrad 2.74km² 12.828 3.113 24.3% 05 – Süd
17 Niederrad km² 22.954 6.569 28.6% 05 – Süd
18 Schwanheim 17.73km² 20.162 3.532 17.5% 06 – West
19 Griesheim 4.90km² 22.648 8.029 35.5% 06 – West
20 Rödelheim 5.15km² 17.841 4.863 27.3% 07 – Mitte-West
21 Hausen 1.26km² 7.178 2.135 29.7% 07 – Mitte-West
22/23 Praunheim 4.55km² 15.761 3.197 20.3% 07 – Mitte-West
24 Heddernheim 2.49km² 16.443 3.194 19.4% 08 – Nord-West
25 Niederursel 7.22km² 16.394 3.671 22.4% 08 – Nord-West
26 Ginnheim 2.73km² 16.444 4.024 24.5% 09 – Mitte-Nord
27 Dornbusch 2.38km² 18.511 3.482 18.8% 09 – Mitte-Nord
28 Eschersheim 3.34km² 14.808 2.657 17.9% 09 – Mitte-Nord
29 Eckenheim 2.23km² 14.277 3.674 25.7% 10 – Nord-Ost
30 Preungesheim 3.74km² 13.568 3.442 25.4% 10 – Nord-Ost
31 Bonames 1.24km² 6.362 1.288 20.2% 10 – Nord-Ost
32 Berkersheim 3.18km² 3.400 592 17.4% 10 – Nord-Ost
33 Riederwald km² 4.911 1.142 23.3% 11 – Ost
34 Seckbach 8.04km² 10.194 1.969 19.3% 11 – Ost
35 Fechenheim 7.18km² 16.061 5.635 35.1% 11 – Ost
36 Höchst 4.73km² 13.888 5.279 38.0% 06 – West
37 Nied 3.82km² 17.829 5.224 29.3% 06 – West
38 Sindlingen 3.98km²}} 9.032 2.076 23.0% 06 – West
39 Zeilsheim 5.47km²}} 11.984 2.555 21.3% 06 – West
40 Unterliederbach 5.85km² 14.350 3.511 24.5% 06 – West
41 Sossenheim 5.97km² 15.853 4.235 26.7% 06 – West
42 Nieder-Erlenbach 8.34km² 4.629 496 10.7% 13 – Nieder-Erlenbach
43 Kalbach-Riedberg 6.90km² 8.482 1.279 15.1% 12 – Kalbach-Riedberg
44 Harheim 5.02km² 4.294 446 10.4%} 14 – Harheim
45 Nieder-Eschbach 6.35km² 11.499 1.978 17.2% 15 – Nieder-Eschbach
46 Bergen-Enkheim 12.54km² 17.954 2.764 15.4% 16 – Bergen-Enkheim
47 Frankfurter Berg 2.16km² 7.149 1.715 24.0% 10 – Nord-Ost
Frankfurt am Main 248.33km² 679.571 165.418 24.3%

Աշխարհագրություն[խմբագրել | խմբագրել կոդը]

Աշխարհագրական դիրք[խմբագրել | խմբագրել կոդը]

Քաղաքը գտնվում է Մայնի առափնյա տարածքում՝ Գերմանիայի հարավ-արևմուտքում: Քաղաքի հարավային հատվածում գտնվում է ֆրանկֆուրտի քաղաքային անտառը (գերմ.՝ Frankfurter Stadtwald) որը համարվում է քաղաքի սահմաններում գտնվող ամենախոշոր անտառը Գերամանիայում: Քաղաքի կենտրոնը գտնվում է Մայնի հյուսիսային հատվածում:

Քաղաքը արևմուտքում սահմանակցում է Մայն-Տաունուս շրջանի հետ, հյուսիս-արևմուտքում Վերին Տաունուսի հետ, հյուսիս-արևելքում Մայն Կինցիգի հետ, հյուսիսում Վետերաուի հետ, հարավ-արևելքում Օֆենբախի հետ, իսկ հյուսիս-արևմուտքում Գրոս Գերաուի հետ:

Քաղաքի վարչական բաժանումը[խմբագրել | խմբագրել կոդը]

Ֆրանկֆուրտի վարչական շրջանները

Քաղաքը բաժանված է 46 վարչական թաղամասի (գերմ.՝ Stadtteile), որոնք իրենց հերթին բաժանվում են 118 քաղաքային շրջանի (գերմ.՝ Stadtbezirk): Քաղաքի ամենախոշոր թաղամասը համարվում է Զաքսենհաուզենը (գերմ.՝ Sachsenhausen): Վարչական թաղամասների մեծ մասը իրենցից ներկայացնում են կամ քաղաքի մոտակա արվարձաններ (գերմ.՝ Vororte), կամ նախկին առանձին քաղաքներ Հյոհստայի նման: Քաղաքի որոշ շրջաններ, օրինակ Նորդենդը (գերմ.՝ Nordend) առաջացել են գրյունդեռների դարաշրջանի բուռն աճի ժամանակ:

Վարչական թաղամասները միանում են 16 շրջանների (գերմ.՝ Ortsbezirke), որոնցից յուրաքանչյուրը ունի իր առանձին հանձնաժողովը իր նախագահով հանդերձ:

Քաղաքային շրջանների կազմավորման պատմությունը[խմբագրել | խմբագրել կոդը]

Մինչև տասնիններորդ դարի կեսերը ժամանակակից քաղաքի մեջ էին մտնում Նորդենդը (գերմ.՝ Nordend), Դորնբուշը (գերմ.՝ Dornbusch), Ալտշտադը (գերմ.՝ Altstadt), Իննեշտադը (գերմ.՝ Innenstadt), Բանհովսֆիլտերը (գերմ.՝ Bahnhofsviertel), Գուտլյոյտֆիրտելը (գերմ.՝ Gutleutviertel), Գալլուսը (գերմ.՝ Gallus), Վեսթենդը (գերմ.՝ Westend), Նորդենդը (գերմ.՝ Nordend), Օստենդը (գերմ.՝ Ostend), Ռիդելվալդը (գերմ.՝ Riederwald), Զաքսենհաուզենը (գերմ.՝ Sachsenhausen): Մերձակա, բայց անցյալում քաղաքից անկախ շրջանները միացվեցին քաղաքին 1887 թվականին:

Կլիմա[խմբագրել | խմբագրել կոդը]

Ֆրանկֆուրտում ջերմության ամենավաղ չափումները կատարվել են 1695 թվականի դեկտեմբերին և գրանցվել են Ավգուստ ֆոն Լերսներ Աքիլլեսի փաստագրությունում: 1826 թվականից անցկացվում են անդադար օդերևութաբանական դիտարկումներ: Ֆրանկֆուրտում են գտնվում գերմանակ օդերևութաբանական ծառայության մի քանի եղանակային կայաններ, այդ թվում մեկը գտնվում է օդանավակայանում:

Ֆրանկֆուրտ քաղաքը և Ռեյն-Մայն շրջանը տեղակայցած են Ռեյնի վերին հովտի հյուսիսային հատվածում՝ Գերմանիայի ամենատաք շրջաններից մեկում: Միջին ջերմաստիճանը Ֆրանկֆուրտում 10,5 ° С է (երկարաժամկետ միջին ջերմաստիճանը հաշվարկված է 1981-ից 2010 թվականների ժամանակահատվածում), մինչդեռ Բեռլինում - 9,9 ° С, Համբուրգում — 9,4 °C, Մյունխենում — 8,7 ° С: Այդ իսկ պատճառով ֆրանկֆուրտի կլիման բավականին մեղմ է: Ձմռանը միջին բարձրագույն ջերմաստիճանը կազմում է 4,3 °C, իսկ միջին ցածրագույնը —1,0 ° С: Հունվար ամսին նկատվում է ձյուն և դիմանում է մոտ յոթ օր, իսկ ձյան ծածքի բարձրությունը չի գերազանցում տասը սանտիմետրը:

Ամռանը միջին ջերմաստիճանը կազմում է 19,1 °C, իսկ ձմռանը՝ միջինը 2,2 °C: Ռեկորդային ցուցանիշները նկատվել են 1940 թվականի հունվար ամսին. այն կազմել է —23,8 °C, և 2003 թվականի օգոստոսին, երբ նկատվել է + 38,7 °C ջերմաստիճան:

Տեղումների միջին քանակը կազմել է 629մմ: Ամենաշատ տեղումները նկատվում են հուլիս ամսին (միջինում 65մմ), իսկ ամենաքիչը փետրվարին (միջինում 41մմ):

Գերակշռում են արևմտյան ուղության քամիներ:

Ֆրանկֆուրտի օդանավակայանի կլիմայական տվյալները
Ամիս հունվ փետ մարտ ապր մայ հուն հուլ օգոս սեպ հոկ նոյ դեկ Տարի
Ռեկորդային բարձր °F 60.6 64 76.5 86.5 91.8 99.5 101.8 101.7 91 82.4 66.4 61.3 101.8
Միջին բարձր °F 39.6 42.6 51.3 59.7 68 73.6 77.9 77.2 68.5 58.3 47.1 40.8 58.6
Միջին օրական °F 34.9 36.3 43.5 50.5 58.5 64 68 67.1 59.4 50.7 42.1 36.5 51.1
Միջին ցածր °F 30 30 35.8 40.8 48.4 54.1 57.9 57.2 50.9 43.9 37 31.8 43.2
Ռեկորդային ցածր °F −6.9 −3.3 8.6 19.2 27 32.2 37 36.5 31.5 20.7 11.3 1.4 −6.9
Տեղումներ դյույմ 1.752 1.61 1.906 1.657 2.496 2.287 2.547 2.224 2.087 2.154 1.933 2.122 24.7709
Ռեկորդային բարձր °C 15.9 17.8 24.7 30.3 33.2 37.5 38.8 38.7 32.8 28.0 19.1 16.3 38.8
Միջին բարձր °C 4.2 5.9 10.7 15.4 20.0 23.1 25.5 25.1 20.3 14.6 8.4 4.9 14.8
Միջին օրական °C 1.6 2.4 6.4 10.3 14.7 17.8 20.0 19.5 15.2 10.4 5.6 2.5 10.6
Միջին ցածր °C −1.1 −1.1 2.1 4.9 9.1 12.3 14.4 14.0 10.5 6.6 2.8 −0.1 6.2
Ռեկորդային ցածր °C −21.6 −19.6 −13.0 −7.1 −2.8 0.1 2.8 2.5 −0.3 −6.3 −11.5 −17.0 −21.6
Տեղումներ մմ 44.5 40.9 48.4 42.1 63.4 58.1 64.7 56.5 53.0 54.7 49.1 53.9 629.18
Միջ. անձրևոտ օրեր 16.0 13.0 14.0 14.0 15.0 15.0 14.0 14.0 12.0 12.0 14.0 16.0 169
Միջին ամսական արևային ժամ 50 80 121 178 211 219 233 219 156 103 51 41 1662
Տոկոս հնարավոր արևի լույս 18 29 33 42 45 46 47 51 40 30 19 16 34.7
Աղբյուր #1: [16]
Աղբյուր #2: [17]
Ֆրանկֆուրտի կլիմա
Ամիս Հունվ Փետ Մարտ Ապր Մայ Հուն Հուլ Օգ Սեպ Հոկ Նոյ Դեկ Year
Օրվա ցերեկային ժամերը 9.0 10.0 12.0 14.0 15.0 16.0 16.0 14.0 13.0 11.0 9.0 8.0 12.3
Միջին ուլտրամանուշակագույն ալիքների ցուցանիշը 1 1 3 4 6 7 6 6 4 2 1 1 3.5
Source: Եղանակային ատլաս [17]


Աղբյուրներ[խմբագրել | խմբագրել կոդը]

  1. Organization for Economic Cooperation and Development, Competitive Cities in the Global Economy, OECD Territorial Reviews, (OECD Publishing, 2006), Table 1.1
  2. Room Adrian (2006)։ Placenames of the world։ McFarland։ էջ 135։ ISBN 9780786422487։ Վերցված է 2009-07-23 
  3. «GaWC - The World According to GaWC 2008»։ Lboro.ac.uk։ 2010-04-13։ Արխիվացված օրիգինալից-ից 2011-08-23-ին։ Վերցված է 2010-10-24 
  4. Beaverstock J.V.; Smith, R.G.; Taylor, P.J.։ «The World According to GaWC 2008»։ Globalization and World Cities։ Արխիվացված օրիգինալից-ից 2011-08-23-ին 
  5. «World Cities»։ Արխիվացված օրիգինալից-ից 2011-08-23-ին։ Վերցված է 2007-01-23 
  6. Kearney, Inc. A.T.։ «The 2008 Global Cities Index»։ Foreign Policy։ Արխիվացված օրիգինալից-ից 2011-08-23-ին 
  7. «Cost of living — The world's most expensive cities»։ City Mayors։ Արխիվացված օրիգինալից-ից 2011-08-23-ին 
  8. Mercer’s Quality of Living Survey 2009, www.mercer.com. Retrieved on 2 March 2009
  9. Focus: Франкфурт подтвердил репутацию самого опасного города Германии
  10. Chronology: Emergence of a Modern City 1866—1945. Retrieved 10 June 2010.
  11. «French march into Germany»։ The Times։ 7 April 1920։ էջ 10  «The French commander issued a notice to the public informing them that the occupation was consequent upon the German advance in the Ruhr contrary to the Peace Treaty.» (անգլ.)
  12. «Statistisches Jahrbuch Frankfurt am Main» 
  13. «Kapitel 02 Bevölkerung - page 18» (PDF)։ Արխիվացված օրիգինալից-ից 2011-08-23-ին։ Վերցված է 2010-10-24 
  14. «Statistisches Jahrbuch Frankfurt am Main 2009» (PDF) 
  15. 15,0 15,1 15,2 «Statistisches Jahrbuch Frankfurt am Main 2010» (PDF) 
  16. «Ausgabe der Klimadaten: Monatswerte» 
  17. 17,0 17,1 «Frankfurt, Germany – Climate data»։ Weather Atlas։ Վերցված է 15 April 2017