Խաշթառակ

Գյուղ
Խաշթառակ
Երկիր	Հայաստան
Մարզ	Տավուշ«Տավուշ»
Գյուղապետ	Անդրանիկ Վիրաբյան
Այլ անվանումներ	Խաչդարակ, Սարհատու
ԲԾՄ	750 մ
Պաշտոնական լեզու	Հայերեն
Բնակչություն	1 782 մարդ (2008)
Ազգային կազմ	Հայեր
Կրոնական կազմ	Հայ Առաքելական եկեղեցի
Ժամային գոտի	UTC+4
Խաշթառակ (Հայաստան)
Խաշթառակ Վիքիպահեստում

Խաշթառակը, գյուղ Հայաստանի Տավուշի մարզում, մարզկենտրոնից 6 կմ հյուսիս-արևելք։ Գտնվում է Աղստև գետի աջ ափին, Իջևանից դեպի հյուսիս, հարակից բնակավայրերն են Լուսահովիտը, Լուսաձորը, Ակնաղբյուրը և Դիտավանը։ Գյուղական համայնքի ղեկավարը 2015 թ.-ից Անդրանիկ Վիրաբյանն է։

Խաշթառակի դպրոցը հիմնադրվել է 1921 թվականին, սկզբից եղել է յոթամյա, հետո ութամյա, իսկ 1974 թվականին դարձել է 10֊ամյա դպրոց, իսկ այժմ դպրոցը միջնակարգ է, և ունի 200 աշակերտ։

1921 թվականից ի վեր, ունեցել է 23 տնօրեն, որոնցից մի քանիսը եղել են Երևան, Էջմիածին, Իջևան քաղաքներից և հարևան գյուղերից։

2017 թվականից դպրոցի տնօրեն է Սամվել Սիմոնյանը (Իջևան քաղաքից։

Գյուղում 2012 թվականին Արտակ Քամալյանը եղբոր՝ Դավիթ Քամալյանի հիշատակին կառուցել է եկեղեցի գյուղի բարձունքում։ Ինչպես նաև 2018 թվականին Արտակ Քամալյանի ջանքերով վերանորոգվել է Խաշթառակի Հարություն Ճուղորյանի անվան միջնակարգ դպրոցի ինֆորմատիկայի սեյնակը։

Անվան ստուգաբանություն

Գյուղի անվանումը ի սկզբանե եղել է Խաչթառակ Խաչթառակ («Խաչ+թառ+ակ»), քանի որ ժամանակին գյուղի տարբեր կողմերում կառուցված են եղել խաչեր։ Այսօր ևս կարելի տեսնել այդ խաչերը։ Սակայն այդ անվանումն արտասանելը որոշ դժվարություններ էր առաջացնում, և ժամանակի ընթացքում այն ձևափոխվեց և դարձավ Խաշթառակ (չ → շ)։

Բնակչություն

Նախնիները գաղթել են Արցախի Ջրաբերդի և Գյուլիստանի գավառներից։

Խաշթառակի ազգաբնակչության փոփոխությունը.

Տարի	1831	1897	1926	1939	1959	1970	1981	1989	2001	2004
Բնակիչ	214	786	1090	1450	1387	2035	1620	1861	1929	1674

Տնտեսություն

Բնակչությունը զբաղվում է ծխախոտագործությամբ, այգեգործությամբ, դաշտավարությամբ և անասնապահությամբ։

Պատմամշակութային կառույցներ

Խաշթառակն ունի V-VII դարերի “Եղեգնի” գյուղատեղի և համանուն եկեղեցի։

Հայտնի բնակիչներ

• Զավեն Ավետիսյան
• Հարություն Ճուղուրյան
• Հայկ Խանումյան

Հետաքրքիր փաստեր

• Խաշթառակ գյուղում են նկարահանվել «Մենք ենք, մեր սարերը» և «Տղամարդիկ» ֆիլմերը։

Պատկերներ

• 
  Խաշթառակը Իջևան-Թբիլիսի մայրուղուց
• 
  Խաշթառակի խաչերից մեկը
• 
  Տավուշի մարզ, գյուղ Խաշթառակ, Հայրենական մեծ պատերազմի զոհերի հիշատակին նվիրված հուշարձան
• 
  Սուրբ Դավիթ եկեղեցու խորան
• 
  Սուրբ Դավիթ եկեղեցու գմբեթ
• 
  Սուրբ Դավիթ եկեղեցի
• 
  Սուրբ Դավիթ եկեղեցի, 2012 թվական
• 
  «Մենք ենք մեր սարերը» ֆիլմում «Ռևազի քար»
• 
  «Մենք ենք մեր սարերը» ֆիլմում «Ռևազի քար»

Տես նաև

• Խաշթառակի պատմության և մշակույթի անշարժ հուշարձանների ցանկ (Տավուշի մարզ)

Ծանոթագրություններ

Հայաստան   Տավուշի մարզ   Աշխարհագրություն