Գետափ (գյուղ, Վայոց ձորի մարզ)

Անվան այլ կիրառումների համար տե՛ս՝ Գետափ (այլ կիրառումներ)

Գյուղ
Գետափ
Երկիր	Հայաստան
Մարզ	Վայոց ձորի մարզՎայոց ձորի մարզ
Հիմնադրված է	1828 թ.
Այլ անվանումներ	Կոթուր
ԲԾՄ	1310 մ
Պաշտոնական լեզու	Հայերեն
Բնակչություն	355 մարդ (2008)
Ազգային կազմ	Հայեր
Կրոնական կազմ	Հայ Առաքելական եկեղեցի
Ժամային գոտի	UTC+4
Գետափ (գյուղ, Վայոց ձորի մարզ) (Հայաստան) Գետափ (գյուղ, Վայոց ձորի մարզ) (Վայոց ձորի մարզ)
Գետափ Վիքիպահեստում

Գետափ, գյուղ Հայաստանի Հանրապետության Վայոց ձորի մարզում, մարզկենտրոնից 4 կմ արևմուտք, Արփայի աջակողմյան վտակ, Եղեգիս գետի ստորին հոսանքի աջ ափին։

Գետափ է վերանվանվել 1935 թ.-ին։

Աշխարհագրական դիրք

Գյուղը գտնվում է ծովի մակերևույթից 1310 մ բարձրության վրա, շրջապատված լեռներով, փռված է Երևան–Մեղրի մայրուղու ձախակողմյան մասում։ Վարչական տարածքը կազմում է 1977 հեկտար։ Մարզկենտրոնից հեռավորությունը 3 կմ է, Երևանից 119 կմ։ Գյուղի միջով հոսում է Եղեգիս գետը։ Գյուղ ունի 780 ծուխ, 2385 բնակիչ։ համայնքում կա 450 առանձնատուն, և 8 երկհարկանի բնակելի շենքեր, ընդանուը 39044 քմ տարածքով։

Կլիմա

Գյուղի կլիման ցամաքային է, ձմեռը չափավոր ցուրտ է, ոչ երկարատև, գարունը տաք է, երկարատև, ամառը շոգ է, աշունը՝ տաք։ Գերակշռում են հաստատուն պարզ եղանակները։

Պատմություն

Գյուղը հիմնադրվել է 1828 թ Պարսկաստանի Սալմաստ գավառի Խոյ գյուղից գաղթած հայերի կողմից։

Բնակչություն

Նախնիները այստեղ են գաղթել Սալմաստից 1828-1830 թթ.-ին։

Գետափի ազգաբնակչության փոփոխությունը.

Տարի	1831	1897	1926	1939	1959	1976	1979	2001	2004
Բնակիչ	201	771	765	1112	1160	1528	1504	1980	2328

Տնտեսություն

Բնակչությունը զբաղվում է այգեգործությամբ, ծխախոտագործությամբ, անասնապահությամբ և դաշտավարությամբ։

Գյուղատնտեսության բնագավառում զբաղված են բնակչության 75%-ը։ Գյուղում արտադրվում է ցորեն,գարի բանջարբոստանային կուլտուրաներ, խաղող։ համայնքի վարելահողերից ոռոգելի են 153 հեկտար։

Գյուղի տարածքում գործում է Գետափի գինու գործարանը։

Պատմամշակութային կառույցներ

Գետափի հին եկեղեցին XX դարի սկզբին դեռևս կանգուն էր։ Այժմ նրա տեղում կառուցված է աղբյուր-հուշարձան։ Գյուղից 2 կմ հյուսիս-արևելքում կան “Գոմավանք” եկեղեցու ավերակներ հին արձանագրություններով։

Հասարակական կառույցներ

Գյուղն ունի դպրոց, մշակույթի տուն, մանկապարտեզ, բուժկետ։

Պատկերասրահ

• 
• 
• 
• 
• 
• 

Տես նաև

• Գետափի պատմության և մշակույթի անշարժ հուշարձանների ցանկ (Վայոց ձորի մարզ)

Արտաքին հղումներ

• Գետափ (գյուղ, Վայոց ձորի մարզ) բնակավայրը «GEOnet Names Server» կայքում։
• World Gazeteer: Armenia – World-Gazetteer.com
• 2001 թվականի Հայաստանի մարդահամարի արդյունքները, Հայաստանի վիճակագրական կոմիտե