Եղեգիս (գետ)

Անվան այլ կիրառումների համար տե՛ս՝ Եղեգիս (այլ կիրառումներ)

Եղեգիս
Բնութագիր
Երկարություն	49 կմ
Ավազանի մակերես	516 կմ²
Ջրի ծախս	8,2 մ³/վ
Ջրահոսք
Ակունքի տեղակայում	Վարդենիս լեռ
Գետաբերանի տեղակայում	Արփա
Կոորդինատներ	39°44′15″ հս․. լ. 45°18′35″ ավ. ե.
Տեղակայում
Հոսող հոսքեր	Արտաբուն, Բերքաձոր, Գետիկվանք, Երկայնարտ, Սելիմագետ, Սոխուտ, Սուլեմա, Սպիտակ, Աբանա, Աղնջաձոր և Կարակայա
Երկիր	Հայաստան
Երկրամաս	Վայոց Ձորի մարզ

Եղեգիս, գետ Հայաստանի Վայոց ձորի մարզում, Արփայի աջ վտակը։ Սկիզբ է առնում Վարդենիս լեռան հարավային լանջերից՝ 3200 մ բարձրություն։ Երկարությունը 47 կմ է, ջրհավաք ավազանը՝ 516 կմ²։

Գետահովիտը հիմնականում կիրճանման է։ Արագահոս է՝ բազմաթիվ սահանքներով և ջրվեժներով։ Վտակներն են Սուլեման, Արտաբունը, Վարդաձորը։ Սնումը հիմնականում հալոցքային (49%) և ստորերկրյա (39%) է, վարարումը՝ մարտ-հունիսին։ Տարեկան միջին ծախսը 8, 2 մ³/վ է։

Եղեգիսի ջրերի մի մասը տեղափոխվում է Որոտան-Արփա-Սևան ջրատար։ Կառուցված է Եղեգնաձորի ջրէկը։

Անվանում

Այլ անվանումներ՝ Ալագյազ, Ալագյոզ, Ալաղըզ, Ալայազ, Աղքիս, Գետափ, Եղեգիք, Եղեգյաց գետ, էլեգիս, էրտագին, Ղոյթուլ, Ղոյթուր, Ջանիչայ, Ջանլի, Քոյթուլ։ Թուրքերը կոչում են Աղքիս։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 3, էջ 500)։

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։